เมนู

[97] อุปนิสฺสเย ทฺเว, ปุเรชาเต ตีณิ, ปจฺฉาชาเต ตีณิ, อาเสวเน เอกํ, กมฺเม ตีณิ, วิปาเก ตีณิ, อาหาเร ฉ, อินฺทฺริเย สตฺต, ฌาเน ตีณิ, มคฺเค ตีณิ, สมฺปยุตฺเต เอกํ, วิปฺปยุตฺเต จตฺตาริ, อตฺถิยา นว…เป.… อวิคเต นว (สํขิตฺตํ)ฯ

68-1. อุปาทินฺนทุก-กุสลตฺติกํ

1-7. ปฏิจฺจวาราทิ

ปจฺจยจตุกฺกํ

เหตุปจฺจโย

[98] อนุปาทินฺนํ กุสลํ ธมฺมํ ปฏิจฺจ อนุปาทินฺโน กุสโล ธมฺโม อุปฺปชฺชติ เหตุปจฺจยา (สํขิตฺตํ)ฯ

เหตุยา เอกํ, อารมฺมเณ เอกํ…เป.… อวิคเต เอกํ (สพฺพตฺถ เอกํฯ สํขิตฺตํฯ สหชาตวาเรปิ…เป.… ปญฺหาวาเรปิ เอกํ สปฺปจฺจยกุสลสทิสํ)ฯ

[99] อนุปาทินฺนํ อกุสลํ ธมฺมํ ปฏิจฺจ อนุปาทินฺโน อกุสโล ธมฺโม อุปฺปชฺชติ เหตุปจฺจยา (สํขิตฺตํ)ฯ

เหตุยา เอกํ…เป.… อวิคเต เอกํ (สํขิตฺตํฯ สหชาตวาเรปิ…เป.… ปญฺหาวาเรปิ สพฺพตฺถ เอกํ)ฯ

[100] อุปาทินฺนํ อพฺยากตํ ธมฺมํ ปฏิจฺจ อุปาทินฺโน อพฺยากโต ธมฺโม อุปฺปชฺชติ เหตุปจฺจยา… ตีณิฯ

อนุปาทินฺนํ อพฺยากตํ ธมฺมํ ปฏิจฺจ อนุปาทินฺโน อพฺยากโต ธมฺโม อุปฺปชฺชติ เหตุปจฺจยา ฯ (1)

อุปาทินฺนํ อพฺยากตญฺจ อนุปาทินฺนํ อพฺยากตญฺจ ธมฺมํ ปฏิจฺจ อนุปาทินฺโน อพฺยากโต ธมฺโม อุปฺปชฺชติ เหตุปจฺจยา – อุปาทินฺเน ขนฺเธ จ มหาภูเต จ ปฏิจฺจ จิตฺตสมุฏฺฐานํ รูปํฯ (1) (สํขิตฺตํฯ)

[101] เหตุยา ปญฺจ, อารมฺมเณ ทฺเว, อธิปติยา เอกํ…เป.… ปุเรชาเต ทฺเว, อาเสวเน เอกํ, กมฺเม ปญฺจ, วิปาเก ปญฺจ…เป.… อวิคเต ปญฺจ (สํขิตฺตํ)ฯ

นเหตุยา ปญฺจ, นอารมฺมเณ จตฺตาริ, นอธิปติยา ปญฺจ…เป.… นปุเรชาเต จตฺตาริ, นปจฺฉาชาเต นอาเสวเน ปญฺจ, นกมฺเม เอกํ, นวิปาเก ทฺเว, นอาหาเร ทฺเว, นอินฺทฺริเย ทฺเว, นฌาเน ทฺเว, นมคฺเค ปญฺจ, นสมฺปยุตฺเต จตฺตาริ, นวิปฺปยุตฺเต ทฺเว, โนนตฺถิยา จตฺตาริ, โนวิคเต จตฺตาริ (สํขิตฺตํฯ สหชาตวาราทิ วิตฺถาเรตพฺโพ)ฯ

เหตุ-ปุเรชาตปจฺจยา

[102] อุปาทินฺโน อพฺยากโต ธมฺโม อุปาทินฺนสฺส อพฺยากตสฺส ธมฺมสฺส เหตุปจฺจเยน ปจฺจโย… ตีณิฯ

อนุปาทินฺโน อพฺยากโต ธมฺโม อนุปาทินฺนสฺส อพฺยากตสฺส ธมฺมสฺส เหตุปจฺจเยน ปจฺจโยฯ (1)

อนุปาทินฺโน อพฺยากโต ธมฺโม อนุปาทินฺนสฺส อพฺยากตสฺส ธมฺมสฺส อธิปติปจฺจเยน ปจฺจโย – อารมฺมณาธิปติ, สหชาตาธิปติ… เอกํฯ

อุปาทินฺโน อพฺยากโต ธมฺโม อุปาทินฺนสฺส อพฺยากตสฺส ธมฺมสฺส ปุเรชาตปจฺจเยน ปจฺจโย – อารมฺมณปุเรชาตํ, วตฺถุปุเรชาตํ (ทฺเว ปญฺหา)ฯ

อนุปาทินฺโน อพฺยากโต ธมฺโม อนุปาทินฺนสฺส อพฺยากตสฺส ธมฺมสฺส ปุเรชาตปจฺจเยน ปจฺจโย… ทฺเว (อารมฺมณปุเรชาตํเยว, ฆฏนา ทฺเว, อารมฺมณปุเรชาตมฺปิ วตฺถุปุเรชาตมฺปิ)ฯ

[103] เหตุยา จตฺตาริ, อารมฺมเณ จตฺตาริ (อุปาทินฺนมูลเก ทฺเว, อนุปาทินฺนมูลเก ทฺเว), อธิปติยา เอกํ, อนนฺตเร สมนนฺตเร จตฺตาริ, สหชาเต ปญฺจ, อญฺญมญฺเญ ทฺเว, นิสฺสเย ปญฺจ, อุปนิสฺสเย จตฺตาริ, ปุเรชาเต ฉ, ปจฺฉาชาเต ฉ, อาเสวเน เอกํ, กมฺเม จตฺตาริ, วิปาเก จตฺตาริ, อาหาเร นว, อินฺทฺริเย จตฺตาริ, ฌาเน จตฺตาริ, มคฺเค จตฺตาริ, สมฺปยุตฺเต ทฺเว, วิปฺปยุตฺเต ฉ, อตฺถิยา นว, นตฺถิยา จตฺตาริ, วิคเต จตฺตาริ, อวิคเต นว (สํขิตฺตํ)ฯ

นเหตุยา นว, นอารมฺมเณ นว (สํขิตฺตํ)ฯ

เหตุปจฺจยา นอารมฺมเณ จตฺตาริ (สํขิตฺตํ)ฯ

นเหตุปจฺจยา อารมฺมเณ จตฺตาริ (สํขิตฺตํ)ฯ

มหนฺตรทุกกุสลตฺติกํ นิฏฺฐิตํฯ

69-1. อุปาทานทุก-กุสลตฺติกํ

1-7. ปฏิจฺจวาราทิ