[90] พาหิโร อพฺยากโต ธมฺโม พาหิรสฺส อพฺยากตสฺส ธมฺมสฺส เหตุปจฺจเยน ปจฺจโย (สํขิตฺตํ)ฯ

พาหิโร อพฺยากโต ธมฺโม พาหิรสฺส อพฺยากตสฺส ธมฺมสฺส กมฺมปจฺจเยน ปจฺจโย… ตีณิฯ

[91] เหตุยา ตีณิ, อารมฺมเณ นว, อธิปติยา นว (อชฺฌตฺติโก พาหิรสฺส คมนกาเล สหชาตาธิปติ, มชฺเฌ ตีสุปิ สหชาตาธิปติ) , อนนฺตเร นว, สหชาเต นว, อญฺญมญฺเญ ปญฺจ, นิสฺสเย นว, อุปนิสฺสเย นว, ปุเรชาเต นว (อารมฺมณปุเรชาตมฺปิ วตฺถุปุเรชาตมฺปิ), ปจฺฉาชาเต นว, อาเสวเน นว, กมฺเม ตีณิ, วิปาเก นว, อาหาเร นว (ติณฺณนฺนํ กพฬีกาโร อาหาโร), อินฺทฺริเย นว (ติณฺณนฺนํ รูปชีวิตินฺทฺริยํ), ฌาเน มคฺเค ตีณิ, สมฺปยุตฺเต ปญฺจ, วิปฺปยุตฺเต นว, อตฺถิยา นว…เป.… อวิคเต นว (สํขิตฺตํ)ฯ

67-1. อุปาทาทุก-กุสลตฺติกํ

1-7. ปฏิจฺจวาราทิ

ปจฺจยจตุกฺกํ

เหตุปจฺจโย

[92] โนอุปาทา กุสลํ ธมฺมํ ปฏิจฺจ โนอุปาทา กุสโล ธมฺโม อุปฺปชฺชติ เหตุปจฺจยา (สํขิตฺตํ)ฯ

เหตุยา เอกํ, อารมฺมเณ เอกํ…เป.… อวิคเต เอกํ (สํขิตฺตํ)ฯ

(สหชาตวาเรปิ…เป.… ปญฺหาวาเรปิ สพฺพตฺถ เอกํฯ)

[93] โนอุปาทา อกุสลํ ธมฺมํ ปฏิจฺจ โนอุปาทา อกุสโล ธมฺโม อุปฺปชฺชติ เหตุปจฺจยา (สํขิตฺตํ)ฯ

เหตุยา เอกํ, อารมฺมเณ เอกํ…เป.… อวิคเต เอกํ (สํขิตฺตํ)ฯ

(สหชาตวาเรปิ …เป.… ปญฺหาวาเรปิ สพฺพตฺถ เอกํฯ)

[94] อุปาทา อพฺยากตํ ธมฺมํ ปฏิจฺจ โนอุปาทา อพฺยากโต ธมฺโม อุปฺปชฺชติ เหตุปจฺจยาฯ (1)

โนอุปาทา อพฺยากตํ ธมฺมํ ปฏิจฺจ โนอุปาทา อพฺยากโต ธมฺโม อุปฺปชฺชติ เหตุปจฺจยาฯ

โนอุปาทา อพฺยากตํ ธมฺมํ ปฏิจฺจ อุปาทา อพฺยากโต ธมฺโม อุปฺปชฺชติ เหตุปจฺจยาฯ โนอุปาทา อพฺยากตํ ธมฺมํ ปฏิจฺจ อุปาทา อพฺยากโต จ โนอุปาทา อพฺยากโต จ ธมฺมา อุปฺปชฺชนฺติ เหตุปจฺจยาฯ (3)

อุปาทา อพฺยากตญฺจ โนอุปาทา อพฺยากตญฺจ ธมฺมํ ปฏิจฺจ โนอุปาทา อพฺยากโต ธมฺโม อุปฺปชฺชติ เหตุปจฺจยาฯ (1) (สํขิตฺตํฯ)

[95] เหตุยา ปญฺจ, อารมฺมเณ ตีณิ…เป.… อญฺญมญฺเญ ปญฺจ…เป.… ปุเรชาเต เอกํ, อาเสวเน เอกํ, กมฺเม ปญฺจ, วิปาเก ปญฺจ…เป.… อวิคเต ปญฺจ (สํขิตฺตํ)ฯ

นเหตุยา ปญฺจ, นอารมฺมเณ ตีณิ, นอธิปติยา ปญฺจ…เป.… นปุเรชาเต ปญฺจ…เป.… นกมฺเม ตีณิ, นวิปาเก ตีณิ, นอาหาเร ตีณิ, นอินฺทฺริเย ตีณิ, นฌาเน ตีณิ, นมคฺเค ปญฺจ, นสมฺปยุตฺเต ตีณิ, นวิปฺปยุตฺเต ตีณิ, โนนตฺถิยา ตีณิ, โนวิคเต ตีณิ (สํขิตฺตํฯ สหชาตวารมฺปิ…เป.… สมฺปยุตฺตวารมฺปิ วิตฺถาเรตพฺพํฯ)

เหตุอารมฺมณปจฺจยาทิ

[96] โนอุปาทา อพฺยากโต ธมฺโม โนอุปาทา อพฺยากตสฺส ธมฺมสฺส เหตุปจฺจเยน ปจฺจโย… ตีณิฯ

อุปาทา อพฺยากโต ธมฺโม โนอุปาทา อพฺยากตสฺส ธมฺมสฺส อารมฺมณปจฺจเยน ปจฺจโยฯ (1)

โนอุปาทา อพฺยากโต ธมฺโม โนอุปาทา อพฺยากตสฺส ธมฺมสฺส อารมฺมณปจฺจเยน ปจฺจโยฯ (1)

โนอุปาทา อพฺยากโต ธมฺโม โนอุปาทา อพฺยากตสฺส ธมฺมสฺส อธิปติปจฺจเยน ปจฺจโย… ตีณิ (ปฐเม ทฺเวปิ อธิปตี, ทฺวีสุ สหชาตาธิปติ)ฯ

อุปาทา อพฺยากโต ธมฺโม โนอุปาทา อพฺยากตสฺส ธมฺมสฺส อุปนิสฺสยปจฺจเยน ปจฺจโยฯ (1)

โนอุปาทา อพฺยากโต ธมฺโม โนอุปาทา อพฺยากตสฺส ธมฺมสฺส อุปนิสฺสยปจฺจเยน ปจฺจโยฯ (1) (สํขิตฺตํฯ)