จิตฺตสมุฏฺฐานํ อพฺยากตญฺจ โนจิตฺตสมุฏฺฐานํ อพฺยากตญฺจ ธมฺมํ ปฏิจฺจ จิตฺตสมุฏฺฐาโน อพฺยากโต ธมฺโม อุปฺปชฺชติ เหตุปจฺจยา… ตีณิ (สํขิตฺตํ)ฯ

[50] เหตุยา นว, อารมฺมเณ นว, อธิปติยา ปญฺจ (สพฺพตฺถ นว), ปุเรชาเต ปญฺจ, อาเสวเน ปญฺจ…เป.… อวิคเต นว (สํขิตฺตํ)ฯ

นเหตุยา นว, นอารมฺมเณ ฉ, นอธิปติยา นว…เป.… นกมฺเม ตีณิ, นวิปาเก ฉ, นอาหาเร เอกํ, นอินฺทฺริเย เอกํ, นฌาเน ฉ, นมคฺเค นว, นสมฺปยุตฺเต ฉ, นวิปฺปยุตฺเต ฉ, โนนตฺถิยา ฉ, โนวิคเต ฉ (สํขิตฺตํ)ฯ

(สหชาตวารมฺปิ…เป.… สมฺปยุตฺตวารมฺปิ วิตฺถาเรตพฺพํฯ)

[51] จิตฺตสมุฏฺฐาโน อพฺยากโต ธมฺโม จิตฺตสมุฏฺฐานสฺส อพฺยากตสฺส ธมฺมสฺส เหตุปจฺจเยน ปจฺจโย… ตีณิฯ

จิตฺตสมุฏฺฐาโน อพฺยากโต ธมฺโม จิตฺตสมุฏฺฐานสฺส อพฺยากตสฺส ธมฺมสฺส อารมฺมณปจฺจเยน ปจฺจโย (สํขิตฺตํ)ฯ

[52] เหตุยา ตีณิ, อารมฺมเณ นว, อธิปติยา นว, อนนฺตเร นว (สพฺพตฺถ นว), ปุเรชาเต นว, ปจฺฉาชาเต นว, อาเสวเน นว, กมฺเม ตีณิ, วิปาเก นว, อาหาเร นว (จิตฺตสมุฏฺฐานมูลํ โนจิตฺตสมุฏฺฐานสฺส กพฬีกาโร อาหาโร กาตพฺโพฯ โนจิตฺตสมุฏฺฐาโน จิตฺตสมุฏฺฐานสฺส กพฬีกาโร อาหาโร ฆฏเน มชฺเฌ กพฬีกาโร อาหาโร), อินฺทฺริเย นว (รูปชีวิตินฺทฺริยํ เอกํ), ฌาเน ตีณิ, มคฺเค ตีณิ, สมฺปยุตฺเต ปญฺจ, วิปฺปยุตฺเต นว, อตฺถิยา นว, นตฺถิยา นว, วิคเต นว, อวิคเต นว (สํขิตฺตํ)ฯ

(ยถา กุสลตฺติเก ปญฺหาวารสฺส อนุโลมมฺปิ ปจฺจนียมฺปิ อนุโลมปจฺจนียมฺปิ ปจฺจนียานุโลมมฺปิ คณิตํ, เอวํ คเณตพฺพํฯ)

61-1. จิตฺตสหภูทุก-กุสลตฺติกํ

1-7. ปฏิจฺจวาราทิ

ปจฺจยจตุกฺกํ

เหตุปจฺจโย

[53] จิตฺตสหภุํ กุสลํ ธมฺมํ ปฏิจฺจ จิตฺตสหภู กุสโล ธมฺโม อุปฺปชฺชติ เหตุปจฺจยาฯ จิตฺตสหภุํ กุสลํ ธมฺมํ ปฏิจฺจ โนจิตฺตสหภู กุสโล ธมฺโม อุปฺปชฺชติ เหตุปจฺจยาฯ จิตฺตสหภุํ กุสลํ ธมฺมํ ปฏิจฺจ จิตฺตสหภู กุสโล จ โนจิตฺตสหภู กุสโล จ ธมฺมา อุปฺปชฺชนฺติ เหตุปจฺจยาฯ (3)

โนจิตฺตสหภุํ กุสลํ ธมฺมํ ปฏิจฺจ จิตฺตสหภู กุสโล ธมฺโม อุปฺปชฺชติ เหตุปจฺจยาฯ (1)

จิตฺตสหภุํ กุสลญฺจ โนจิตฺตสหภุํ กุสลญฺจ ธมฺมํ ปฏิจฺจ จิตฺตสหภู กุสโล ธมฺโม อุปฺปชฺชติ เหตุปจฺจยาฯ (1) (สํขิตฺตํฯ)

[54] เหตุยา ปญฺจ, อารมฺมเณ ปญฺจ…เป.… อวิคเต ปญฺจ (สํขิตฺตํ)ฯ (สหชาตวารมฺปิ…เป.… ปญฺหาวารมฺปิ วิตฺถาเรตพฺพํ)ฯ

[55] จิตฺตสหภุํ อกุสลํ ธมฺมํ ปฏิจฺจ จิตฺตสหภู อกุสโล ธมฺโม อุปฺปชฺชติ เหตุปจฺจยา… ตีณิฯ

โนจิตฺตสหภุํ อกุสลํ ธมฺมํ ปฏิจฺจ จิตฺตสหภู อกุสโล ธมฺโม อุปฺปชฺชติ เหตุปจฺจยาฯ (1)

จิตฺตสหภุํ อกุสลญฺจ โนจิตฺตสหภุํ อกุสลญฺจ ธมฺมํ ปฏิจฺจ จิตฺตสหภู อกุสโล ธมฺโม อุปฺปชฺชติ เหตุปจฺจยาฯ (1) (สํขิตฺตํฯ)

[56] เหตุยา ปญฺจ, อารมฺมเณ ปญฺจ…เป.… อวิคเต ปญฺจ (สํขิตฺตํ)ฯ

(สหชาตวารมฺปิ…เป.… ปญฺหาวารมฺปิ วิตฺถาเรตพฺพํฯ)

[57] จิตฺตสหภุํ อพฺยากตํ ธมฺมํ ปฏิจฺจ จิตฺตสหภู อพฺยากโต ธมฺโม อุปฺปชฺชติ เหตุปจฺจยา… ตีณิฯ

โนจิตฺตสหภุํ อพฺยากตํ ธมฺมํ ปฏิจฺจ โนจิตฺตสหภู อพฺยากโต ธมฺโม อุปฺปชฺชติ เหตุปจฺจยา… ตีณิฯ

จิตฺตสหภุํ อพฺยากตญฺจ โนจิตฺตสหภุํ อพฺยากตญฺจ ธมฺมํ ปฏิจฺจ จิตฺตสหภู อพฺยากโต ธมฺโม อุปฺปชฺชติ เหตุปจฺจยา… ตีณิ (สํขิตฺตํ)ฯ

[58] เหตุยา นว, อารมฺมเณ นว…เป.… อวิคเต นวฯ (สํขิตฺตํฯ ยถา เจตสิกทุกมูลา ตีณิ คมนา, เอวํ อิเมปิ ตีณิ คมนา กาตพฺพาฯ สหชาตวารมฺปิ…เป.… ปญฺหาวารมฺปิ วิตฺถาเรตพฺพํฯ)

62-1. จิตฺตานุปริวตฺติทุก-กุสลตฺติกํ

1-7. ปฏิจฺจวาราทิ

ปจฺจยจตุกฺกํ