[27] เจตสิโก อพฺยากโต ธมฺโม เจตสิกสฺส อพฺยากตสฺส ธมฺมสฺส เหตุปจฺจเยน ปจฺจโย (สํขิตฺตํ)ฯ

[28] เหตุยา ตีณิ, อารมฺมเณ นว, อธิปติยา นว (เอตฺถ ฉสุ สหชาตาธิปติ), อนนฺตเร นว…เป.… สหชาเต นว, อญฺญมญฺเญ นว, นิสฺสเย นว, อุปนิสฺสเย นว, ปุเรชาเต ตีณิ, อาเสวเน นว, กมฺเม ตีณิ, วิปาเก นว, อาหาเร นว, อินฺทฺริเย นว, ฌาเน ตีณิ, มคฺเค ตีณิ, สมฺปยุตฺเต ปญฺจ, วิปฺปยุตฺเต ปญฺจ, อตฺถิยา นว…เป.… อวิคเต นว (สํขิตฺตํ)ฯ

58-1. จิตฺตสมฺปยุตฺตทุก-กุสลตฺติกํ

1-7. ปฏิจฺจวาราทิ

ปจฺจยจตุกฺกํ

เหตุปจฺจโย

[29] จิตฺตสมฺปยุตฺตํ กุสลํ ธมฺมํ ปฏิจฺจ จิตฺตสมฺปยุตฺโต กุสโล ธมฺโม อุปฺปชฺชติ เหตุปจฺจยา (สํขิตฺตํ)ฯ

[30] เหตุยา เอกํ, อารมฺมเณ เอกํ…เป.… อวิคเต เอกํ (สํขิตฺตํ)ฯ

(สหชาตวาเรปิ…เป.… ปญฺหาวาเรปิ สพฺพตฺถ เอกํฯ)

[31] จิตฺตสมฺปยุตฺตํ อกุสลํ ธมฺมํ ปฏิจฺจ จิตฺตสมฺปยุตฺโต อกุสโล ธมฺโม อุปฺปชฺชติ เหตุปจฺจยา (สํขิตฺตํ)ฯ

[32] เหตุยา เอกํ, อารมฺมเณ เอกํ…เป.… อวิคเต เอกํ (สํขิตฺตํ)ฯ (สหชาตวาเรปิ…เป.… ปญฺหาวาเรปิ สพฺพตฺถ เอกํฯ)

อพฺยากตปทํ – เหตุปจฺจโย

[33] จิตฺตสมฺปยุตฺตํ อพฺยากตํ ธมฺมํ ปฏิจฺจ จิตฺตสมฺปยุตฺโต อพฺยากโต ธมฺโม อุปฺปชฺชติ เหตุปจฺจยาฯ จิตฺตสมฺปยุตฺตํ อพฺยากตํ ธมฺมํ ปฏิจฺจ จิตฺตวิปฺปยุตฺโต อพฺยากโต ธมฺโม อุปฺปชฺชติ เหตุปจฺจยาฯ จิตฺตสมฺปยุตฺตํ อพฺยากตํ ธมฺมํ ปฏิจฺจ จิตฺตสมฺปยุตฺโต อพฺยากโต จ จิตฺตวิปฺปยุตฺโต อพฺยากโต จ ธมฺมา อุปฺปชฺชนฺติ เหตุปจฺจยาฯ (3)

จิตฺตวิปฺปยุตฺตํ อพฺยากตํ ธมฺมํ ปฏิจฺจ จิตฺตวิปฺปยุตฺโต อพฺยากโต ธมฺโม อุปฺปชฺชติ เหตุปจฺจยาฯ