[27] ปรามฏฺโฐ เจว โน จ ปรามาโส อกุสโล ธมฺโม ปรามฏฺฐสฺส เจว โน จ ปรามาสสฺส อกุสลสฺส ธมฺมสฺส เหตุปจฺจเยน ปจฺจโย (สํขิตฺตํ)ฯ

[28] เหตุยา ตีณิ, อารมฺมเณ นว, อธิปติยา นว…เป.… อวิคเต ปญฺจ (สํขิตฺตํ)ฯ

(ยถา กุสลตฺติเก ปญฺหาวารสฺส อนุโลมมฺปิ ปจฺจนียมฺปิ อนุโลมปจฺจนียมฺปิ ปจฺจนียานุโลมมฺปิ คณิตํ, เอวํ คเณตพฺพํฯ)

[29] ปรามฏฺฐญฺเจว โน จ ปรามาสํ อพฺยากตํ ธมฺมํ ปฏิจฺจ ปรามฏฺโฐ เจว โน จ ปรามาโส อพฺยากโต ธมฺโม อุปฺปชฺชติ เหตุปจฺจยา (สํขิตฺตํ)ฯ

[30] เหตุยา เอกํ, อารมฺมเณ เอกํ…เป.… อวิคเต เอกํ (สํขิตฺตํ)ฯ (สหชาตวาเรปิ…เป.… ปญฺหาวาเรปิ สพฺพตฺถ เอกํฯ)

54-1. ปรามาสวิปฺปยุตฺตปรามฏฺฐทุก-กุสลตฺติกํ

1-7. ปฏิจฺจวาราทิ

ปจฺจยจตุกฺกํ

เหตุปจฺจโย

[31] ปรามาสวิปฺปยุตฺตํ ปรามฏฺฐํ กุสลํ ธมฺมํ ปฏิจฺจ ปรามาสวิปฺปยุตฺโต ปรามฏฺโฐ กุสโล ธมฺโม อุปฺปชฺชติ เหตุปจฺจยาฯ (1)

ปรามาสวิปฺปยุตฺตํ อปรามฏฺฐํ กุสลํ ธมฺมํ ปฏิจฺจ ปรามาสวิปฺปยุตฺโต อปรามฏฺโฐ กุสโล ธมฺโม อุปฺปชฺชติ เหตุปจฺจยาฯ (1) (สํขิตฺตํฯ)

[32] เหตุยา ทฺเว, อารมฺมเณ ทฺเว…เป.… อวิคเต ทฺเว (สํขิตฺตํฯ โลกิยโลกุตฺตรทุกสทิสํฯ สหชาตวาโรปิ…เป.… ปญฺหาวาโรปิ วิตฺถาเรตพฺพาฯ)

[33] ปรามาสวิปฺปยุตฺตํ ปรามฏฺฐํ อกุสลํ ธมฺมํ ปฏิจฺจ ปรามาสวิปฺปยุตฺโต ปรามฏฺโฐ อกุสโล ธมฺโม อุปฺปชฺชติ เหตุปจฺจยา (สพฺพตฺถ เอกํ)ฯ

[34] ปรามาสวิปฺปยุตฺตํ ปรามฏฺฐํ อพฺยากตํ ธมฺมํ ปฏิจฺจ ปรามาสวิปฺปยุตฺโต ปรามฏฺโฐ อพฺยากโต ธมฺโม อุปฺปชฺชติ เหตุปจฺจยาฯ (1)

ปรามาสวิปฺปยุตฺตํ อปรามฏฺฐํ อพฺยากตํ ธมฺมํ ปฏิจฺจ ปรามาสวิปฺปยุตฺโต อปรามฏฺโฐ อพฺยากโต ธมฺโม อุปฺปชฺชติ เหตุปจฺจยา… ตีณิฯ

ปรามาสวิปฺปยุตฺตํ ปรามฏฺฐํ อพฺยากตญฺจ ปรามาสวิปฺปยุตฺตํ อปรามฏฺฐํ อพฺยากตญฺจ ธมฺมํ ปฏิจฺจ ปรามาสวิปฺปยุตฺโต ปรามฏฺโฐ อพฺยากโต ธมฺโม อุปฺปชฺชติ เหตุปจฺจยาฯ (1) (สํขิตฺตํฯ)

[35] เหตุยา ปญฺจ, อารมฺมเณ ทฺเว…เป.… อวิคเต ปญฺจ (สํขิตฺตํฯ โลกิยทุกสทิสํฯ สหชาตวารมฺปิ…เป.… ปญฺหาวารมฺปิ วิตฺถาเรตพฺพํฯ)

ปรามาสโคจฺฉกกุสลตฺติกํ นิฏฺฐิตํฯ

55-1. สารมฺมณทุก-กุสลตฺติกํ

1-7. ปฏิจฺจวาราทิ

ปจฺจยจตุกฺกํ

เหตุปจฺจโย

[1] สารมฺมณํ กุสลํ ธมฺมํ ปฏิจฺจ สารมฺมโณ กุสโล ธมฺโม อุปฺปชฺชติ เหตุปจฺจยา (ยถา สปฺปจฺจยํ กุสลํ, เอวํ วิตฺถาเรตพฺพํฯ)

[2] สารมฺมณํ อกุสลํ ธมฺมํ ปฏิจฺจ สารมฺมโณ อกุสโล ธมฺโม อุปฺปชฺชติ เหตุปจฺจยา (ยถา สปฺปจฺจยํ อกุสลํ, เอวํ กาตพฺพํฯ)

[3] สารมฺมณํ อพฺยากตํ ธมฺมํ ปฏิจฺจ สารมฺมโณ อพฺยากโต ธมฺโม อุปฺปชฺชติ เหตุปจฺจยา… ตีณิฯ

อนารมฺมณํ อพฺยากตํ ธมฺมํ ปฏิจฺจ อนารมฺมโณ อพฺยากโต ธมฺโม อุปฺปชฺชติ เหตุปจฺจยา… ตีณิฯ

สารมฺมณํ อพฺยากตญฺจ อนารมฺมณํ อพฺยากตญฺจ ธมฺมํ ปฏิจฺจ สารมฺมโณ อพฺยากโต ธมฺโม อุปฺปชฺชติ เหตุปจฺจยา… ตีณิ (สํขิตฺตํ)ฯ

[4] เหตุยา นว, อารมฺมเณ ตีณิ, อธิปติยา ปญฺจ…เป.… อญฺญมญฺเญ ฉ…เป.… ปุเรชาเต เอกํ, อาเสวเน เอกํ (สํขิตฺตํ)ฯ