เมนู

[13] ปรามฏฺฐํ อพฺยากตํ ธมฺมํ ปฏิจฺจ ปรามฏฺโฐ อพฺยากโต ธมฺโม อุปฺปชฺชติ เหตุปจฺจยาฯ (1)

อปรามฏฺฐํ อพฺยากตํ ธมฺมํ ปฏิจฺจ อปรามฏฺโฐ อพฺยากโต ธมฺโม อุปฺปชฺชติ เหตุปจฺจยา… ตีณิฯ

ปรามฏฺฐํ อพฺยากตญฺจ อปรามฏฺฐํ อพฺยากตญฺจ ธมฺมํ ปฏิจฺจ ปรามฏฺโฐ อพฺยากโต ธมฺโม อุปฺปชฺชติ เหตุปจฺจยาฯ (1) (สํขิตฺตํฯ)

[14] เหตุยา ปญฺจ, อารมฺมเณ ทฺเว…เป.… อาเสวเน เอกํ…เป.… อวิคเต ปญฺจ (สํขิตฺตํ)ฯ (สหชาตวารมฺปิ…เป.… ปญฺหาวารมฺปิ วิตฺถาเรตพฺพํฯ)

52-1. ปรามาสสมฺปยุตฺตทุก-กุสลตฺติกํ

1-7. ปฏิจฺจวาราทิ

ปจฺจยจตุกฺกํ

เหตุปจฺจโย

[15] ปรามาสวิปฺปยุตฺตํ กุสลํ ธมฺมํ ปฏิจฺจ ปรามาสวิปฺปยุตฺโต กุสโล ธมฺโม อุปฺปชฺชติ เหตุปจฺจยา (สํขิตฺตํ)ฯ

[16] เหตุยา เอกํ, อารมฺมเณ เอกํ…เป.… อวิคเต เอกํ (สํขิตฺตํ)ฯ

(สหชาตวาเรปิ …เป.… ปญฺหาวาเรปิ สพฺพตฺถ เอกํฯ)

[17] ปรามาสสมฺปยุตฺตํ อกุสลํ ธมฺมํ ปฏิจฺจ ปรามาสสมฺปยุตฺโต อกุสโล ธมฺโม อุปฺปชฺชติ เหตุปจฺจยาฯ (1)

ปรามาสวิปฺปยุตฺตํ อกุสลํ ธมฺมํ ปฏิจฺจ ปรามาสวิปฺปยุตฺโต อกุสโล ธมฺโม อุปฺปชฺชติ เหตุปจฺจยาฯ (1) (สํขิตฺตํฯ)

[18] เหตุยา ทฺเว, อารมฺมเณ ทฺเว (สพฺพตฺถ ทฺเว)…เป.… อวิคเต ทฺเว (สํขิตฺตํ)ฯ

นเหตุยา เอกํ, นอธิปติยา ทฺเว (สพฺพตฺถ ทฺเว)…เป.… นวิปฺปยุตฺเต ทฺเว (สํขิตฺตํ)ฯ (สหชาตวาโรปิ…เป.… สมฺปยุตฺตวาโรปิ วิตฺถาเรตพฺพาฯ)

[19] ปรามาสสมฺปยุตฺโต อกุสโล ธมฺโม ปรามาสสมฺปยุตฺตสฺส อกุสลสฺส ธมฺมสฺส เหตุปจฺจเยน ปจฺจโยฯ (1)

ปรามาสวิปฺปยุตฺโต อกุสโล ธมฺโม ปรามาสวิปฺปยุตฺตสฺส อกุสลสฺส ธมฺมสฺส เหตุปจฺจเยน ปจฺจโยฯ (1) (สํขิตฺตํฯ)

[20] เหตุยา ทฺเว, อารมฺมเณ จตฺตาริ, อธิปติยา จตฺตาริ (มชฺฌิเม จ อนฺเต จ อารมฺมณาธิปติ), อนนฺตเร ทฺเว…เป.… สหชาเต ทฺเว…เป.… อุปนิสฺสเย จตฺตาริ, อาเสวเน ทฺเว, กมฺเม ทฺเว, อาหาเร ทฺเว…เป.… มคฺเค ทฺเว…เป.… อวิคเต ทฺเว (สํขิตฺตํ)ฯ

[21] ปรามาสวิปฺปยุตฺตํ อพฺยากตํ ธมฺมํ ปฏิจฺจ ปรามาสวิปฺปยุตฺโต อพฺยากโต ธมฺโม อุปฺปชฺชติ เหตุปจฺจยา (สํขิตฺตํ)ฯ

[22] เหตุยา เอกํ, อารมฺมเณ เอกํ…เป.… อวิคเต เอกํ (สํขิตฺตํ)ฯ

(สหชาตวาเรปิ…เป.… ปญฺหาวาเรปิ สพฺพตฺถ เอกํฯ)

53-1. ปรามาสปรามฏฺฐทุก-กุสลตฺติกํ

1-7. ปฏิจฺจวาราทิ

ปจฺจยจตุกฺกํ

[23] ปรามฏฺฐญฺเจว โน จ ปรามาสํ กุสลํ ธมฺมํ ปฏิจฺจ ปรามฏฺโฐ เจว โน จ ปรามาโส กุสโล ธมฺโม อุปฺปชฺชติ เหตุปจฺจยา (สํขิตฺตํ)ฯ

[24] เหตุยา เอกํ, อารมฺมเณ เอกํ…เป.… อวิคเต เอกํ (สํขิตฺตํ)ฯ

(สหชาตวาเรปิ…เป.… ปญฺหาวาเรปิ สพฺพตฺถ เอกํฯ)

[25] ปรามาสญฺเจว ปรามฏฺฐญฺจ อกุสลํ ธมฺมํ ปฏิจฺจ ปรามฏฺโฐ เจว โน จ ปรามาโส อกุสโล ธมฺโม อุปฺปชฺชติ เหตุปจฺจยา… เอกํฯ

ปรามฏฺฐญฺเจว โน จ ปรามาสํ อกุสลํ ธมฺมํ ปฏิจฺจ ปรามฏฺโฐ เจว โน จ ปรามาโส อกุสโล ธมฺโม อุปฺปชฺชติ เหตุปจฺจยา… ตีณิฯ

ปรามาสญฺเจว ปรามฏฺฐํ อกุสลญฺจ ปรามฏฺฐญฺเจว โน จ ปรามาสํ อกุสลญฺจ ธมฺมํ ปฏิจฺจ ปรามฏฺโฐ เจว โน จ ปรามาโส อกุสโล ธมฺโม อุปฺปชฺชติ เหตุปจฺจยา… เอกํ (สํขิตฺตํ)ฯ

[26] เหตุยา ปญฺจ, อารมฺมเณ ปญฺจ…เป.… อวิคเต ปญฺจ (สํขิตฺตํ)ฯ

(สหชาตวารมฺปิ…เป.… สมฺปยุตฺตวารมฺปิ วิตฺถาเรตพฺพํฯ)