เมนู

[27] นีวรณิยญฺเจว โน จ นีวรณํ อพฺยากตํ ธมฺมํ ปฏิจฺจ นีวรณิโย เจว โน จ นีวรโณ อพฺยากโต ธมฺโม อุปฺปชฺชติ เหตุปจฺจยา (สํขิตฺตํ)ฯ

[28] เหตุยา เอกํ, อารมฺมเณ เอกํ…เป.… อวิคเต เอกํ (สํขิตฺตํ)ฯ

(สหชาตวาเรปิ…เป.… ปญฺหาวาเรปิ สพฺพตฺถ เอกํฯ)

48-1. นีวรณนีวรณสมฺปยุตฺตทุก-กุสลตฺติกํ

1-7. ปฏิจฺจวาราทิ

ปจฺจยจตุกฺกํ

เหตุปจฺจโย

[29] นีวรณญฺเจว นีวรณสมฺปยุตฺตญฺจ อกุสลํ ธมฺมํ ปฏิจฺจ นีวรโณ เจว นีวรณสมฺปยุตฺโต จ อกุสโล ธมฺโม อุปฺปชฺชติ เหตุปจฺจยา (สํขิตฺตํ)ฯ

[30] เหตุยา นว, อารมฺมเณ นว…เป.… อวิคเต นว (สํขิตฺตํ)ฯ

(สหชาตวาเรปิ…เป.… ปญฺหาวาเรปิ สพฺพตฺถ นวฯ)

49-1. นีวรณวิปฺปยุตฺตนีวรณิยทุก-กุสลตฺติกํ

1-7. ปฏิจฺจวาราทิ

ปจฺจยจตุกฺกํ

เหตุปจฺจโย

[31] นีวรณวิปฺปยุตฺตํ นีวรณิยํ กุสลํ ธมฺมํ ปฏิจฺจ นีวรณวิปฺปยุตฺโต นีวรณิโย กุสโล ธมฺโม อุปฺปชฺชติ เหตุปจฺจยาฯ (1)

นีวรณวิปฺปยุตฺตํ อนีวรณิยํ กุสลํ ธมฺมํ ปฏิจฺจ นีวรณวิปฺปยุตฺโต อนีวรณิโย กุสโล ธมฺโม อุปฺปชฺชติ เหตุปจฺจยาฯ (1) (สํขิตฺตํฯ)

[32] เหตุยา ทฺเว, อารมฺมเณ ทฺเว…เป.… อวิคเต ทฺเว (สํขิตฺตํ)ฯ

(สหชาตวาโรปิ…เป.… ปญฺหาวาโรปิ วิตฺถาเรตพฺพาฯ)

[33] นีวรณวิปฺปยุตฺตํ นีวรณิยํ อพฺยากตํ ธมฺมํ ปฏิจฺจ นีวรณวิปฺปยุตฺโต นีวรณิโย อพฺยากโต ธมฺโม อุปฺปชฺชติ เหตุปจฺจยาฯ (1)

นีวรณวิปฺปยุตฺตํ อนีวรณิยํ อพฺยากตํ ธมฺมํ ปฏิจฺจ นีวรณวิปฺปยุตฺโต อนีวรณิโย อพฺยากโต ธมฺโม อุปฺปชฺชติ เหตุปจฺจยา… ตีณิฯ

นีวรณวิปฺปยุตฺตํ นีวรณิยํ อพฺยากตญฺจ นีวรณวิปฺปยุตฺตํ อนีวรณิยํ อพฺยากตญฺจ ธมฺมํ ปฏิจฺจ นีวรณวิปฺปยุตฺโต นีวรณิโย อพฺยากโต ธมฺโม อุปฺปชฺชติ เหตุปจฺจยาฯ (1) (สํขิตฺตํฯ)

[34] เหตุยา ปญฺจ, อารมฺมเณ ทฺเว…เป.… วิปาเก ปญฺจ (สํขิตฺตํ)ฯ

(สหชาตวาเรปิ …เป.… ปญฺหาวาเรปิ สพฺพตฺถ วิตฺถาเรตพฺพํฯ)

นีวรณโคจฺฉกกุสลตฺติกํ นิฏฺฐิตํฯ

50-1. ปรามาสทุก-กุสลตฺติกํ

1-7. ปฏิจฺจวาราทิ

ปจฺจยจตุกฺกํ

เหตุปจฺจโย

[1] โนปรามาสํ กุสลํ ธมฺมํ ปฏิจฺจ โนปรามาโส กุสโล ธมฺโม อุปฺปชฺชติ เหตุปจฺจยา (สํขิตฺตํ)ฯ

[2] เหตุยา เอกํ, อารมฺมเณ เอกํ…เป.… อวิคเต เอกํ (สํขิตฺตํ)ฯ

(สหชาตวาเรปิ…เป.… ปญฺหาวาเรปิ สพฺพตฺถ เอกํฯ)

[3] ปรามาสํ อกุสลํ ธมฺมํ ปฏิจฺจ โนปรามาโส อกุสโล ธมฺโม อุปฺปชฺชติ เหตุปจฺจยาฯ (1)

โนปรามาสํ อกุสลํ ธมฺมํ ปฏิจฺจ โนปรามาโส อกุสโล ธมฺโม อุปฺปชฺชติ เหตุปจฺจยา… ตีณิฯ

ปรามาสํ อกุสลญฺจ โนปรามาสํ อกุสลญฺจ ธมฺมํ ปฏิจฺจ โนปรามาโส อกุสโล ธมฺโม อุปฺปชฺชติ เหตุปจฺจยาฯ (1) (สํขิตฺตํฯ)

[4] เหตุยา ปญฺจ, อารมฺมเณ ปญฺจ…เป.… อวิคเต ปญฺจ (สํขิตฺตํ)ฯ

นเหตุยา เอกํ, นอธิปติยา ปญฺจ, นปุเรชาเต ปญฺจ, นปจฺฉาชาเต ปญฺจ…เป.… (สํขิตฺตํ)ฯ (สหชาตวารมฺปิ…เป.… สมฺปยุตฺตวารมฺปิ วิตฺถาเรตพฺพํฯ)