เมนู

นีวรณญฺจ โนนีวรณญฺจ อกุสลํ ธมฺมํ ปฏิจฺจ นีวรโณ อกุสโล ธมฺโม อุปฺปชฺชติ นเหตุปจฺจยา – วิจิกิจฺฉานีวรณญฺจ อุทฺธจฺจนีวรณญฺจ สมฺปยุตฺตเก จ ขนฺเธ ปฏิจฺจ อวิชฺชานีวรณํฯ (1) (สํขิตฺตํฯ)

[6] นเหตุยา ตีณิ, นอธิปติยา นว, นปุเรชาเต นว…เป.… นกมฺเม ตีณิ…เป.… นวิปฺปยุตฺเต นว (สํขิตฺตํ)ฯ

(สหชาตวาเรปิ… สมฺปยุตฺตวาเรปิ สพฺพตฺถ นวฯ)

[7] นีวรโณ อกุสโล ธมฺโม นีวรณสฺส อกุสลสฺส ธมฺมสฺส เหตุปจฺจเยน ปจฺจโย (สํขิตฺตํ)ฯ

[8] เหตุยา ตีณิ, อารมฺมเณ นว, อธิปติยา นว…เป.… อาเสวเน นว, กมฺเม อาหาเร อินฺทฺริเย ฌาเน มคฺเค ตีณิ, สมฺปยุตฺเต นว…เป.… อวิคเต นว (สํขิตฺตํ)ฯ

นเหตุยา นว, นอารมฺมเณ นว (สํขิตฺตํ)ฯ

เหตุปจฺจยา นอารมฺมเณ ตีณิ (สํขิตฺตํ)ฯ

นเหตุปจฺจยา อารมฺมเณ นว (สํขิตฺตํ)ฯ

(ยถา กุสลตฺติเก ปญฺหาวารสฺส อนุโลมมฺปิ ปจฺจนียมฺปิ อนุโลมปจฺจนียมฺปิ ปจฺจนียานุโลมมฺปิ คณิตํ, เอวํ คเณตพฺพํ)ฯ

[9] โนนีวรณํ อพฺยากตํ ธมฺมํ ปฏิจฺจ โนนีวรโณ อพฺยากโต ธมฺโม อุปฺปชฺชติ เหตุปจฺจยา (สํขิตฺตํ)ฯ

[10] เหตุยา เอกํ, อารมฺมเณ เอกํ…เป.… อวิคเต เอกํ (สํขิตฺตํ)ฯ

(สหชาตวาเรปิ…เป.… ปญฺหาวาเรปิ สพฺพตฺถ เอกํฯ)

45-1. นีวรณิยทุก-กุสลตฺติกํ

1-7. ปฏิจฺจวาราทิ

ปจฺจยจตุกฺกํ

เหตุปจฺจโย

[11] นีวรณิยํ กุสลํ ธมฺมํ ปฏิจฺจ นีวรณิโย กุสโล ธมฺโม อุปฺปชฺชติ เหตุปจฺจยาฯ (1)

อนีวรณิยํ กุสลํ ธมฺมํ ปฏิจฺจ อนีวรณิโย กุสโล ธมฺโม อุปฺปชฺชติ เหตุปจฺจยาฯ (1) (สํขิตฺตํฯ)

[12] เหตุยา ทฺเว, อารมฺมเณ ทฺเว…เป.… อวิคเต ทฺเว (สํขิตฺตํ)ฯ

(สหชาตวาโรปิ…เป.… ปญฺหาวาโรปิ วิตฺถาเรตพฺพา)ฯ

[13] นีวรณิยํ อกุสลํ ธมฺมํ ปฏิจฺจ นีวรณิโย อกุสโล ธมฺโม อุปฺปชฺชติ เหตุปจฺจยา (สํขิตฺตํ)ฯ

[14] เหตุยา เอกํ, อารมฺมเณ เอกํ…เป.… อวิคเต เอกํ (สํขิตฺตํ)ฯ

(สหชาตวาเรปิ…เป.… ปญฺหาวาเรปิ สพฺพตฺถ เอกํฯ)

[15] นีวรณิยํ อพฺยากตํ ธมฺมํ ปฏิจฺจ นีวรณิโย อพฺยากโต ธมฺโม อุปฺปชฺชติ เหตุปจฺจยาฯ (1)

อนีวรณิยํ อพฺยากตํ ธมฺมํ ปฏิจฺจ อนีวรณิโย อพฺยากโต ธมฺโม อุปฺปชฺชติ เหตุปจฺจยา… ตีณิฯ

นีวรณิยํ อพฺยากตญฺจ อนีวรณิยํ อพฺยากตญฺจ ธมฺมํ ปฏิจฺจ นีวรณิโย อพฺยากโต ธมฺโม อุปฺปชฺชติ เหตุปจฺจยาฯ (1) (สํขิตฺตํ)ฯ

[16] เหตุยา ปญฺจ, อารมฺมเณ ทฺเว…เป.… อาเสวเน เอกํ…เป.… วิปาเก ปญฺจ…เป.… อวิคเต ปญฺจ (สํขิตฺตํ)ฯ (สหชาตวาโรปิ…เป.… ปญฺหาวาโรปิ วิตฺถาเรตพฺพาฯ)

46-1. นีวรณสมฺปยุตฺตทุก-กุสลตฺติกํ

1-7. ปฏิจฺจวาราทิ

ปจฺจยจตุกฺกํ

เหตุปจฺจโย

[17] นีวรณวิปฺปยุตฺตํ กุสลํ ธมฺมํ ปฏิจฺจ นีวรณวิปฺปยุตฺโต กุสโล ธมฺโม อุปฺปชฺชติ เหตุปจฺจยา (สํขิตฺตํ)ฯ

[18] เหตุยา เอกํ, อารมฺมเณ เอกํ…เป.… อวิคเต เอกํ (สํขิตฺตํ)ฯ

(สหชาตวาเรปิ…เป.… ปญฺหาวาเรปิ สพฺพตฺถ เอกํฯ)