เหตุปจฺจโย

[10] คนฺถนิยํ กุสลํ ธมฺมํ ปฏิจฺจ คนฺถนิโย กุสโล ธมฺโม อุปฺปชฺชติ เหตุปจฺจยาฯ (1)

อคนฺถนิยํ กุสลํ ธมฺมํ ปฏิจฺจ อคนฺถนิโย กุสโล ธมฺโม อุปฺปชฺชติ เหตุปจฺจยาฯ (1) (สํขิตฺตํฯ)

[11] เหตุยา ทฺเว, อารมฺมเณ ทฺเว…เป.… อวิคเต ทฺเว (สํขิตฺตํ, โลกิยโลกุตฺตรคมนสทิสํ)ฯ

(สหชาตวาโรปิ…เป.… ปญฺหาวาโรปิ วิตฺถาเรตพฺพาฯ)

[12] คนฺถนิยํ อกุสลํ ธมฺมํ ปฏิจฺจ คนฺถนิโย อกุสโล ธมฺโม อุปฺปชฺชติ เหตุปจฺจยา (สํขิตฺตํ)ฯ

[13] เหตุยา เอกํ, อารมฺมเณ เอกํ…เป.… อวิคเต เอกํ (สํขิตฺตํ)ฯ

(สหชาตวาเรปิ…เป.… ปญฺหาวาเรปิ สพฺพตฺถ เอกํฯ)

[14] คนฺถนิยํ อพฺยากตํ ธมฺมํ ปฏิจฺจ คนฺถนิโย อพฺยากโต ธมฺโม อุปฺปชฺชติ เหตุปจฺจยาฯ (1)

อคนฺถนิยํ อพฺยากตํ ธมฺมํ ปฏิจฺจ อคนฺถนิโย อพฺยากโต ธมฺโม อุปฺปชฺชติ เหตุปจฺจยา… ตีณิฯ (3)

คนฺถนิยํ อพฺยากตญฺจ อคนฺถนิยํ อพฺยากตญฺจ ธมฺมํ ปฏิจฺจ คนฺถนิโย อพฺยากโต ธมฺโม อุปฺปชฺชติ เหตุปจฺจยาฯ (1) (สํขิตฺตํฯ)

[15] เหตุยา ปญฺจ, อารมฺมเณ ทฺเว…เป.… อวิคเต ปญฺจ (สํขิตฺตํ, โลกิยโลกุตฺตรคมนสทิสํ)ฯ

(สหชาตวาโรปิ…เป.… ปญฺหาวาโรปิ วิตฺถาเรตพฺพาฯ)

28-1. คนฺถสมฺปยุตฺตทุก-กุสลตฺติกํ

1-7. ปฏิจฺจวาราทิ

ปจฺจยจตุกฺกํ

เหตุปจฺจโย

[16] คนฺถวิปฺปยุตฺตํ กุสลํ ธมฺมํ ปฏิจฺจ คนฺถวิปฺปยุตฺโต กุสโล ธมฺโม อุปฺปชฺชติ เหตุปจฺจยา (สํขิตฺตํ)ฯ

[17] เหตุยา เอกํ, อารมฺมเณ เอกํ…เป.… อวิคเต เอกํ (สํขิตฺตํ)ฯ

(สหชาตวาเรปิ…เป.… ปญฺหาวาเรปิ สพฺพตฺถ เอกํฯ)

[18] คนฺถสมฺปยุตฺตํ อกุสลํ ธมฺมํ ปฏิจฺจ คนฺถสมฺปยุตฺโต อกุสโล ธมฺโม อุปฺปชฺชติ เหตุปจฺจยา… ตีณิฯ

คนฺถวิปฺปยุตฺตํ อกุสลํ ธมฺมํ ปฏิจฺจ คนฺถวิปฺปยุตฺโต อกุสโล ธมฺโม อุปฺปชฺชติ เหตุปจฺจยา… ทฺเวฯ

คนฺถสมฺปยุตฺตํ อกุสลญฺจ คนฺถวิปฺปยุตฺตํ อกุสลญฺจ ธมฺมํ ปฏิจฺจ คนฺถสมฺปยุตฺโต อกุสโล ธมฺโม อุปฺปชฺชติ เหตุปจฺจยาฯ (1) (สํขิตฺตํฯ)

[19] เหตุยา ฉ, อารมฺมเณ ฉ, อธิปติยา ปญฺจ…เป.… อวิคเต ฉ (สํขิตฺตํ)ฯ

นเหตุยา เอกํ, นอธิปติยา ฉ, นปุเรชาเต ฉ…เป.… นกมฺเม จตฺตาริ, นวิปฺปยุตฺเต ฉ (สํขิตฺตํ)ฯ

(สหชาตวาโรปิ…เป.… สมฺปยุตฺตวาโรปิ วิตฺถาเรตพฺพาฯ)

[20] คนฺถสมฺปยุตฺโต อกุสโล ธมฺโม คนฺถสมฺปยุตฺตสฺส อกุสลสฺส ธมฺมสฺส เหตุปจฺจเยน ปจฺจโย (สํขิตฺตํ)ฯ

[21] เหตุยา ฉ, อารมฺมเณ นว, อธิปติยา นว, อนนฺตเร นว, สหชาเต ฉ…เป.… นิสฺสเย ฉ, อุปนิสฺสเย นว, อาเสวเน นว, กมฺเม จตฺตาริ…เป.… มคฺเค จตฺตาริ, สมฺปยุตฺเต ฉ…เป.… อวิคเต ฉ (สํขิตฺตํ)ฯ

[22] คนฺถวิปฺปยุตฺตํ อพฺยากตํ ธมฺมํ ปฏิจฺจ คนฺถวิปฺปยุตฺโต อพฺยากโต ธมฺโม อุปฺปชฺชติ เหตุปจฺจยา (สํขิตฺตํ)ฯ

[23] เหตุยา เอกํ, อารมฺมเณ เอกํ…เป.… อวิคเต เอกํ (สํขิตฺตํ)ฯ

(สหชาตวาเรปิ…เป.… ปญฺหาวาเรปิ สพฺพตฺถ เอกํฯ)

29-1. คนฺถคนฺถนิยทุก-กุสลตฺติกํ

1-7. ปฏิจฺจวาราทิ

ปจฺจยจตุกฺกํ

เหตุปจฺจโย

[24] คนฺถนิยญฺเจว โน จ คนฺถํ กุสลํ ธมฺมํ ปฏิจฺจ คนฺถนิโย เจว โน จ คนฺโถ กุสโล ธมฺโม อุปฺปชฺชติ เหตุปจฺจยาฯ (1) (สํขิตฺตํฯ)