[26] อธิปติยา เอกํ, อนนฺตเร สมนนฺตเร นว, สหชาเต ปญฺจ, อุปนิสฺสเย อาเสวเน นว, กมฺเม ตีณิ, มคฺเค ตีณิ, สมฺปยุตฺเต ปญฺจ, อตฺถิยา ปญฺจฯ (สํขิตฺตํฯ)
อพฺยากตปทํ
เหตุปจฺจโย
[27] สญฺโญชนวิปฺปยุตฺตํ อพฺยากตํ ธมฺมํ ปฏิจฺจ สญฺโญชนวิปฺปยุตฺโต อพฺยากโต ธมฺโม อุปฺปชฺชติ เหตุปจฺจยา (สํขิตฺตํ)ฯ
เหตุยา เอกํ, อารมฺมเณ เอกํ…เป.… อวิคเต เอกํ (สํขิตฺตํ)ฯ
(สหชาตวาเรปิ…เป.… ปญฺหาวาเรปิ สพฺพตฺถ เอกํฯ)
23-1. สญฺโญชนสญฺโญชนิยทุก-กุสลตฺติกํ
1-7. ปฏิจฺจวาราทิ
ปจฺจยจตุกฺกํ
เหตุปจฺจโย
[28] สญฺโญชนิยญฺเจว โน จ สญฺโญชนํ กุสลํ ธมฺมํ ปฏิจฺจ สญฺโญชนิโย เจว โน จ สญฺโญชโน กุสโล ธมฺโม อุปฺปชฺชติ เหตุปจฺจยา (สํขิตฺตํ)ฯ
[29] เหตุยา เอกํ, อารมฺมเณ เอกํ…เป.… อวิคเต เอกํ (สํขิตฺตํ)ฯ
(สหชาตวาเรปิ…เป.… ปญฺหาวาเรปิ สพฺพตฺถ เอกํฯ)
[30] สญฺโญชนญฺเจว สญฺโญชนิยญฺจ อกุสลํ ธมฺมํ ปฏิจฺจ สญฺโญชโน เจว สญฺโญชนิโย จ อกุสโล ธมฺโม อุปฺปชฺชติ เหตุปจฺจยา… ตีณิ (สํขิตฺตํ)ฯ
[31] เหตุยา นว, อารมฺมเณ นว, อธิปติยา นว…เป.… อวิคเต นว (สํขิตฺตํ)ฯ
นเหตุยา ตีณิ, นอธิปติยา นว, นปุเรชาเต นว, นปจฺฉาชาเต นว, นอาเสวเน นว, นกมฺเม ตีณิ, นวิปาเก นว, นวิปฺปยุตฺเต นว (สํขิตฺตํ)ฯ
(สหชาตวาโรปิ…เป.… สมฺปยุตฺตวาโรปิ ปฏิจฺจวารสทิสาฯ)
[32] สญฺโญชโน เจว สญฺโญชนิโย จ อกุสโล ธมฺโม สญฺโญชนสฺส เจว สญฺโญชนิยสฺส จ อกุสลสฺส ธมฺมสฺส เหตุปจฺจเยน ปจฺจโย (สํขิตฺตํ)ฯ
[33] เหตุยา ตีณิ, อารมฺมเณ นว, อธิปติยา นว…เป.… อุปนิสฺสเย อาเสวเน นว, กมฺเม อาหาเร อินฺทฺริเย ฌาเน ตีณิ, มคฺเค สมฺปยุตฺเต นว…เป.… อวิคเต นว (สํขิตฺตํ)ฯ
[34] นเหตุยา นว นอารมฺมเณ นว (สํขิตฺตํ)ฯ
เหตุปจฺจยา นอารมฺมเณ ตีณิ (สํขิตฺตํ)ฯ
นเหตุปจฺจยา อารมฺมเณ นว (สํขิตฺตํ)ฯ
(ยถา กุสลตฺติเก ปญฺหาวารสฺส อนุโลมมฺปิ ปจฺจนียมฺปิ อนุโลมปจฺจนียมฺปิ ปจฺจนียานุโลมมฺปิ คณิตํ, เอวํ คเณตพฺพํฯ)
[35] สญฺโญชนิยญฺเจว โน จ สญฺโญชนํ อพฺยากตํ ธมฺมํ ปฏิจฺจ สญฺโญชนิโย เจว โน จ สญฺโญชโน อพฺยากโต ธมฺโม อุปฺปชฺชติ เหตุปจฺจยา (สํขิตฺตํ)ฯ
[36] เหตุยา เอกํ, อารมฺมเณ เอกํ…เป.… อวิคเต เอกํ (สํขิตฺตํ)ฯ
(สหชาตวาเรปิ…เป.… ปญฺหาวาเรปิ สพฺพตฺถ เอกํฯ)
24-1. สญฺโญชนสญฺโญชนสมฺปยุตฺตทุก-กุสลตฺติกํ
1-7. ปฏิจฺจวาราทิ
ปจฺจยจตุกฺกํ
เหตุปจฺจโย
[37] สญฺโญชนญฺเจว สญฺโญชนสมฺปยุตฺตญฺจ อกุสลํ ธมฺมํ ปฏิจฺจ สญฺโญชโน เจว สญฺโญชนสมฺปยุตฺโต จ อกุสโล ธมฺโม อุปฺปชฺชติ เหตุปจฺจยา… ตีณิฯ
สญฺโญชนสมฺปยุตฺตญฺเจว โน จ สญฺโญชนํ อกุสลํ ธมฺมํ ปฏิจฺจ สญฺโญชนสมฺปยุตฺโต เจว โน จ สญฺโญชโน อกุสโล ธมฺโม อุปฺปชฺชติ เหตุปจฺจยา… ตีณิฯ