อาสววิปฺปยุตฺโต อนาสโว อพฺยากโต ธมฺโม อาสววิปฺปยุตฺตสฺส อนาสวสฺส อพฺยากตสฺส ธมฺมสฺส อารมฺมณปจฺจเยน ปจฺจโยฯ อาสววิปฺปยุตฺโต อนาสโว อพฺยากโต ธมฺโม อาสววิปฺปยุตฺตสฺส สาสวสฺส อพฺยากตสฺส ธมฺมสฺส อารมฺมณปจฺจเยน ปจฺจโยฯ (2) (สํขิตฺตํฯ)
[55] เหตุยา จตฺตาริ, อารมฺมเณ ตีณิ, อธิปติยา จตฺตาริ, อนนฺตเร จตฺตาริ, สมนนฺตเร จตฺตาริ, สหชาเต ปญฺจ , อญฺญมญฺเญ ทฺเว, นิสฺสเย สตฺต, อุปนิสฺสเย จตฺตาริ, ปุเรชาเต ทฺเว, อาเสวเน เอกํ, กมฺเม จตฺตาริ, วิปาเก จตฺตาริ, อาหาเร จตฺตาริ…เป.… อวิคเต สตฺต (สํขิตฺตํ)ฯ
ปจฺจนียุทฺธาโร
[56] อาสววิปฺปยุตฺโต สาสโว อพฺยากโต ธมฺโม อาสววิปฺปยุตฺตสฺส สาสวสฺส อพฺยากตสฺส ธมฺมสฺส อารมฺมณปจฺจเยน ปจฺจโย… สหชาตปจฺจเยน ปจฺจโย… อุปนิสฺสยปจฺจเยน ปจฺจโย… ปุเรชาตปจฺจเยน ปจฺจโย… ปจฺฉาชาตปจฺจเยน ปจฺจโย… อาหารปจฺจเยน ปจฺจโย… อินฺทฺริยปจฺจเยน ปจฺจโย (สํขิตฺตํ)ฯ
[57] นเหตุยา สตฺต, นอารมฺมเณ สตฺต (สํขิตฺตํ)ฯ
เหตุปจฺจยา นอารมฺมเณ จตฺตาริ (สํขิตฺตํ)ฯ
นเหตุปจฺจยา อารมฺมเณ ตีณิ (สํขิตฺตํ)ฯ
(ยถา กุสลตฺติเก ปญฺหาวารสฺส อนุโลมมฺปิ ปจฺจนียมฺปิ อนุโลมปจฺจนียมฺปิ ปจฺจนียานุโลมมฺปิ คณิตํ, เอวํ คเณตพฺพํฯ)
อาสววิปฺปยุตฺตสาสวทุกกุสลตฺติกํ นิฏฺฐิตํฯ
อาสวโคจฺฉกํ นิฏฺฐิตํฯ
20-1. สญฺโญชนทุก-กุสลตฺติกํ
1-7. ปฏิจฺจวาราทิ
ปจฺจยจตุกฺกํ
เหตุปจฺจโย
[1] โนสญฺโญชนํ กุสลํ ธมฺมํ ปฏิจฺจ โนสญฺโญชโน กุสโล ธมฺโม อุปฺปชฺชติ เหตุปจฺจยา (สํขิตฺตํ)ฯ