เหตุปจฺจโย

[42] อาสวญฺเจว อาสวสมฺปยุตฺตญฺจ อกุสลํ ธมฺมํ ปฏิจฺจ อาสโว เจว อาสวสมฺปยุตฺโต จ อกุสโล ธมฺโม อุปฺปชฺชติ เหตุปจฺจยา… ตีณิฯ

อาสวสมฺปยุตฺตญฺเจว โน จ อาสวํ อกุสลํ ธมฺมํ ปฏิจฺจ อาสวสมฺปยุตฺโต เจว โน จ อาสโว อกุสโล ธมฺโม อุปฺปชฺชติ เหตุปจฺจยา… ตีณิฯ

อาสวญฺเจว อาสวสมฺปยุตฺตญฺจ อกุสลญฺจ อาสวสมฺปยุตฺตญฺเจว โน จ อาสวํ อกุสลญฺจ ธมฺมํ ปฏิจฺจ อาสโว เจว อาสวสมฺปยุตฺโต จ อกุสโล ธมฺโม อุปฺปชฺชติ เหตุปจฺจยา… ตีณิ (สํขิตฺตํ)ฯ

[43] เหตุยา นว, อารมฺมเณ นว…เป.… อวิคเต นว (สํขิตฺตํ)ฯ

ปจฺจนียํ

นอธิปติปจฺจโย

[44] อาสวญฺเจว อาสวสมฺปยุตฺตญฺจ อกุสลํ ธมฺมํ ปฏิจฺจ อาสโว เจว อาสวสมฺปยุตฺโต จ อกุสโล ธมฺโม อุปฺปชฺชติ นอธิปติปจฺจยาฯ

[45] นอธิปติยา นว, นปุเรชาเต นว, นปจฺฉาชาเต นว, นอาเสวเน นว, นกมฺเม ตีณิ, นวิปาเก นว, นวิปฺปยุตฺเต นว (สํขิตฺตํ)ฯ

(สหชาตวาเรปิ… สมฺปยุตฺตวาเรปิ สพฺพตฺถ นวฯ)

7. ปญฺหาวาโร

ปจฺจยจตุกฺกํ

เหตุปจฺจโย

[46] อาสโว เจว อาสวสมฺปยุตฺโต จ อกุสโล ธมฺโม อาสวสฺส เจว อาสวสมฺปยุตฺตสฺส จ อกุสลสฺส ธมฺมสฺส เหตุปจฺจเยน ปจฺจโย (สํขิตฺตํ)ฯ

[47] เหตุยา จตฺตาริ, อารมฺมเณ นว, อธิปติยา นว…เป.… อวิคเต นว (สํขิตฺตํ)ฯ

นเหตุยา นว, นอารมฺมเณ นว (สํขิตฺตํ)ฯ

เหตุปจฺจยา นอารมฺมเณ จตฺตาริ (สํขิตฺตํ)ฯ

นเหตุปจฺจยา อารมฺมเณ นว (สํขิตฺตํ)ฯ

(ยถา กุสลตฺติเก ปญฺหาวารสฺส อนุโลมมฺปิ ปจฺจนียมฺปิ อนุโลมปจฺจนียมฺปิ ปจฺจนียานุโลมมฺปิ คณิตํ, เอวํ คเณตพฺพํฯ)

อาสวอาสวสมฺปยุตฺตทุกกุสลตฺติกํ นิฏฺฐิตํฯ

19-1. อาสววิปฺปยุตฺตสาสวทุก-กุสลตฺติกํ

กุสลปทํ

เหตุปจฺจโย

[48] อาสววิปฺปยุตฺตํ สาสวํ กุสลํ ธมฺมํ ปฏิจฺจ อาสววิปฺปยุตฺโต สาสโว กุสโล ธมฺโม อุปฺปชฺชติ เหตุปจฺจยาฯ อาสววิปฺปยุตฺตํ อนาสวํ กุสลํ ธมฺมํ ปฏิจฺจ อาสววิปฺปยุตฺโต อนาสโว กุสโล ธมฺโม อุปฺปชฺชติ เหตุปจฺจยาฯ (2) (สํขิตฺตํฯ)

[49] เหตุยา ทฺเว, อารมฺมเณ ทฺเว…เป.… อวิคเต ทฺเว (สํขิตฺตํ)ฯ

(สหชาตวาโรปิ…เป.… ปญฺหาวาโรปิ วิตฺถาเรตพฺโพฯ)

อพฺยากตปทํ

เหตุปจฺจโย

[50] อาสววิปฺปยุตฺตํ สาสวํ อพฺยากตํ ธมฺมํ ปฏิจฺจ อาสววิปฺปยุตฺโต สาสโว อพฺยากโต ธมฺโม อุปฺปชฺชติ เหตุปจฺจยาฯ (1)

อาสววิปฺปยุตฺตํ อนาสวํ อพฺยากตํ ธมฺมํ ปฏิจฺจ อาสววิปฺปยุตฺโต อนาสโว อพฺยากโต ธมฺโม อุปฺปชฺชติ เหตุปจฺจยาฯ อาสววิปฺปยุตฺตํ อนาสวํ อพฺยากตํ ธมฺมํ ปฏิจฺจ อาสววิปฺปยุตฺโต สาสโว อพฺยากโต ธมฺโม อุปฺปชฺชติ เหตุปจฺจยาฯ อาสววิปฺปยุตฺตํ อนาสวํ อพฺยากตํ ธมฺมํ ปฏิจฺจ อาสววิปฺปยุตฺโต สาสโว อพฺยากโต จ อาสววิปฺปยุตฺโต อนาสโว อพฺยากโต จ ธมฺมา อุปฺปชฺชนฺติ เหตุปจฺจยาฯ (3)

อาสววิปฺปยุตฺตํ สาสวํ อพฺยากตญฺจ อาสววิปฺปยุตฺตํ อนาสวํ อพฺยากตญฺจ ธมฺมํ ปฏิจฺจ อาสววิปฺปยุตฺโต สาสโว อพฺยากโต ธมฺโม อุปฺปชฺชติ เหตุปจฺจยาฯ (1) (สํขิตฺตํฯ)