อาสวสมฺปยุตฺตํ อกุสลญฺจ อาสววิปฺปยุตฺตํ อกุสลญฺจ ธมฺมํ ปฏิจฺจ อาสวสมฺปยุตฺโต อกุสโล ธมฺโม อุปฺปชฺชติ เหตุปจฺจยาฯ (1)

[23] เหตุยา ปญฺจ, อารมฺมเณ ปญฺจ…เป.… อวิคเต ปญฺจ (สํขิตฺตํฯ สหชาตวาเรปิ…เป.… สมฺปยุตฺตวาเรปิ สพฺพตฺถ ปญฺจฯ)

นเหตุยา เอกํ, นอธิปติยา ปญฺจ, นปุเรชาเต ปญฺจ…เป.… นกมฺเม ตีณิ, นวิปาเก ปญฺจ, นวิปฺปยุตฺเต ปญฺจ (สํขิตฺตํ)ฯ

[24] อาสวสมฺปยุตฺโต อกุสโล ธมฺโม อาสวสมฺปยุตฺตสฺส อกุสลสฺส ธมฺมสฺส เหตุปจฺจเยน ปจฺจโย… ตีณิฯ

อาสววิปฺปยุตฺโต อกุสโล ธมฺโม อาสวสมฺปยุตฺตสฺส อกุสลสฺส ธมฺมสฺส เหตุปจฺจเยน ปจฺจโยฯ (1)

อาสวสมฺปยุตฺโต อกุสโล จ อาสววิปฺปยุตฺโต อกุสโล จ ธมฺมา อาสวสมฺปยุตฺตสฺส อกุสลสฺส ธมฺมสฺส เหตุปจฺจเยน ปจฺจโยฯ (1) (สํขิตฺตํฯ)

[25] เหตุยา ปญฺจ, อารมฺมเณ นว, อธิปติยา เอกํ, อนนฺตเร สมนนฺตเร นว, สหชาเต อญฺญมญฺเญ นิสฺสเย ปญฺจ, อุปนิสฺสเย อาเสวเน นว, กมฺเม อาหาเร อินฺทฺริเย ฌาเน มคฺเค ตีณิ, สมฺปยุตฺเต ปญฺจ…เป.… อวิคเต ปญฺจ (สํขิตฺตํ)ฯ

(ยถา กุสลตฺติเก ปญฺหาวารสฺส อนุโลมมฺปิ ปจฺจนียมฺปิ อนุโลมปจฺจนียมฺปิ ปจฺจนียานุโลมมฺปิ คณิตํ, เอวํ คเณตพฺพํฯ)

3. อพฺยากตปทํ

เหตุปจฺจโย

[26] อาสววิปฺปยุตฺตํ อพฺยากตํ ธมฺมํ ปฏิจฺจ อาสววิปฺปยุตฺโต อพฺยากโต ธมฺโม อุปฺปชฺชติ เหตุปจฺจยา (สํขิตฺตํ)ฯ

[27] เหตุยา เอกํ, อารมฺมเณ เอกํ…เป.… อวิคเต เอกํ (สํขิตฺตํ)ฯ

นเหตุยา เอกํ, นอารมฺมเณ เอกํ, นอธิปติยา เอกํ…เป.… โนวิคเต เอกํ (สํขิตฺตํฯ สหชาตวาเรปิ…เป.… สมฺปยุตฺตวาเรปิ สพฺพตฺถ เอกํ)ฯ

[28] อาสววิปฺปยุตฺโต อพฺยากโต ธมฺโม อาสววิปฺปยุตฺตสฺส อพฺยากตสฺส ธมฺมสฺส เหตุปจฺจเยน ปจฺจโย (สํขิตฺตํ)ฯ

[29] เหตุยา เอกํ, อารมฺมเณ เอกํ…เป.… อวิคเต เอกํ (สํขิตฺตํ)ฯ

(ยถา กุสลตฺติเก ปญฺหาวารสฺส อนุโลมมฺปิ ปจฺจนียมฺปิ อนุโลมปจฺจนียมฺปิ ปจฺจนียานุโลมมฺปิ คณิตํ, เอวํ คเณตพฺพํฯ)

อาสวสมฺปยุตฺตทุกกุสลตฺติกํ นิฏฺฐิตํฯ

17-1. อาสวสาสวทุก-กุสลตฺติกํ

1. กุสลปทํ

1-6. ปฏิจฺจวาราทิ

เหตุปจฺจโย

[30] สาสวญฺเจว โน จ อาสวํ กุสลํ ธมฺมํ ปฏิจฺจ สาสโว เจว โน จ อาสโว กุสโล ธมฺโม อุปฺปชฺชติ เหตุปจฺจยา (สํขิตฺตํ)ฯ

[31] เหตุยา เอกํ, อารมฺมเณ เอกํ…เป.… อวิคเต เอกํ (สํขิตฺตํ)ฯ

(สหชาตวาเรปิ…เป.… ปญฺหาวาเรปิ สพฺพตฺถ เอกํฯ)

2. อกุสลปทํ

เหตุปจฺจโย

[32] อาสวญฺเจว สาสวญฺจ อกุสลํ ธมฺมํ ปฏิจฺจ อาสโว เจว สาสโว จ อกุสโล ธมฺโม อุปฺปชฺชติ เหตุปจฺจยา… ตีณิฯ

สาสวญฺเจว โน จ อาสวํ อกุสลํ ธมฺมํ ปฏิจฺจ สาสโว เจว โน จ อาสโว อกุสโล ธมฺโม อุปฺปชฺชติ เหตุปจฺจยา… ตีณิฯ

อาสวญฺเจว สาสวญฺจ อกุสลญฺจ สาสวญฺเจว โน จ อาสวํ อกุสลญฺจ ธมฺมํ ปฏิจฺจ อาสโว เจว สาสโว จ อกุสโล ธมฺโม อุปฺปชฺชติ เหตุปจฺจยา… ตีณิ (สํขิตฺตํ)ฯ

[33] เหตุยา นว, อารมฺมเณ นว…เป.… อวิคเต นว (สํขิตฺตํ)ฯ

ปจฺจนียํ

นเหตุปจฺจโย

[34] สาสวญฺเจว โน จ อาสวํ อกุสลํ ธมฺมํ ปฏิจฺจ อาสโว เจว สาสโว จ อกุสโล ธมฺโม อุปฺปชฺชติ นเหตุปจฺจยา (สํขิตฺตํ)ฯ