เหตุปจฺจโย

[18] สาสโว อพฺยากโต ธมฺโม สาสวสฺส อพฺยากตสฺส ธมฺมสฺส เหตุปจฺจเยน ปจฺจโยฯ (1)

อนาสโว อพฺยากโต ธมฺโม อนาสวสฺส อพฺยากตสฺส ธมฺมสฺส เหตุปจฺจเยน ปจฺจโยฯ (1) (สํขิตฺตํฯ)

[19] เหตุยา จตฺตาริ, อารมฺมเณ ตีณิ, อธิปติยา อนนฺตเร สมนนฺตเร จตฺตาริ, สหชาเต ปญฺจ, อญฺญมญฺเญ ทฺเว, นิสฺสเย สตฺต, อุปนิสฺสเย จตฺตาริ, ปุเรชาเต ปจฺฉาชาเต ทฺเว, อาเสวเน เอกํ, กมฺเม…เป.… มคฺเค จตฺตาริ, สมฺปยุตฺเต ทฺเว, วิปฺปยุตฺเต ตีณิ…เป.… อวิคเต สตฺต (สํขิตฺตํ)ฯ

(ยถา กุสลตฺติเก ปญฺหาวารสฺส อนุโลมมฺปิ ปจฺจนียมฺปิ อนุโลมปจฺจนียมฺปิ ปจฺจนียานุโลมมฺปิ คณิตํ, เอวํ คเณตพฺพํฯ)

สาสวทุกกุสลตฺติกํ นิฏฺฐิตํฯ

16-1. อาสวสมฺปยุตฺตทุก-กุสลตฺติกํ

1. กุสลปทํ

1-7. ปฏิจฺจวาราทิ

เหตุปจฺจโย

[20] อาสววิปฺปยุตฺตํ กุสลํ ธมฺมํ ปฏิจฺจ อาสววิปฺปยุตฺโต กุสโล ธมฺโม อุปฺปชฺชติ เหตุปจฺจยา (สํขิตฺตํ)ฯ

[21] เหตุยา เอกํ, อารมฺมเณ เอกํ…เป.… อวิคเต เอกํ (สํขิตฺตํฯ สหชาตวาเรปิ…เป.… ปญฺหาวาเรปิ สพฺพตฺถ เอกํ)ฯ

2. อกุสลปทํ

เหตุปจฺจโย

[22] อาสวสมฺปยุตฺตํ อกุสลํ ธมฺมํ ปฏิจฺจ อาสวสมฺปยุตฺโต อกุสโล ธมฺโม อุปฺปชฺชติ เหตุปจฺจยา… ตีณิฯ

อาสววิปฺปยุตฺตํ อกุสลํ ธมฺมํ ปฏิจฺจ อาสวสมฺปยุตฺโต อกุสโล ธมฺโม อุปฺปชฺชติ เหตุปจฺจยาฯ (1)

อาสวสมฺปยุตฺตํ อกุสลญฺจ อาสววิปฺปยุตฺตํ อกุสลญฺจ ธมฺมํ ปฏิจฺจ อาสวสมฺปยุตฺโต อกุสโล ธมฺโม อุปฺปชฺชติ เหตุปจฺจยาฯ (1)

[23] เหตุยา ปญฺจ, อารมฺมเณ ปญฺจ…เป.… อวิคเต ปญฺจ (สํขิตฺตํฯ สหชาตวาเรปิ…เป.… สมฺปยุตฺตวาเรปิ สพฺพตฺถ ปญฺจฯ)

นเหตุยา เอกํ, นอธิปติยา ปญฺจ, นปุเรชาเต ปญฺจ…เป.… นกมฺเม ตีณิ, นวิปาเก ปญฺจ, นวิปฺปยุตฺเต ปญฺจ (สํขิตฺตํ)ฯ

[24] อาสวสมฺปยุตฺโต อกุสโล ธมฺโม อาสวสมฺปยุตฺตสฺส อกุสลสฺส ธมฺมสฺส เหตุปจฺจเยน ปจฺจโย… ตีณิฯ

อาสววิปฺปยุตฺโต อกุสโล ธมฺโม อาสวสมฺปยุตฺตสฺส อกุสลสฺส ธมฺมสฺส เหตุปจฺจเยน ปจฺจโยฯ (1)

อาสวสมฺปยุตฺโต อกุสโล จ อาสววิปฺปยุตฺโต อกุสโล จ ธมฺมา อาสวสมฺปยุตฺตสฺส อกุสลสฺส ธมฺมสฺส เหตุปจฺจเยน ปจฺจโยฯ (1) (สํขิตฺตํฯ)

[25] เหตุยา ปญฺจ, อารมฺมเณ นว, อธิปติยา เอกํ, อนนฺตเร สมนนฺตเร นว, สหชาเต อญฺญมญฺเญ นิสฺสเย ปญฺจ, อุปนิสฺสเย อาเสวเน นว, กมฺเม อาหาเร อินฺทฺริเย ฌาเน มคฺเค ตีณิ, สมฺปยุตฺเต ปญฺจ…เป.… อวิคเต ปญฺจ (สํขิตฺตํ)ฯ

(ยถา กุสลตฺติเก ปญฺหาวารสฺส อนุโลมมฺปิ ปจฺจนียมฺปิ อนุโลมปจฺจนียมฺปิ ปจฺจนียานุโลมมฺปิ คณิตํ, เอวํ คเณตพฺพํฯ)

3. อพฺยากตปทํ

เหตุปจฺจโย

[26] อาสววิปฺปยุตฺตํ อพฺยากตํ ธมฺมํ ปฏิจฺจ อาสววิปฺปยุตฺโต อพฺยากโต ธมฺโม อุปฺปชฺชติ เหตุปจฺจยา (สํขิตฺตํ)ฯ

[27] เหตุยา เอกํ, อารมฺมเณ เอกํ…เป.… อวิคเต เอกํ (สํขิตฺตํ)ฯ

นเหตุยา เอกํ, นอารมฺมเณ เอกํ, นอธิปติยา เอกํ…เป.… โนวิคเต เอกํ (สํขิตฺตํฯ สหชาตวาเรปิ…เป.… สมฺปยุตฺตวาเรปิ สพฺพตฺถ เอกํ)ฯ