(ยถา กุสลตฺติเก ปญฺหาวารสฺส อนุโลมมฺปิ ปจฺจนียมฺปิ อนุโลมปจฺจนียมฺปิ ปจฺจนียานุโลมมฺปิ คณิตํ, เอวํ คเณตพฺพํฯ เกนจิ วิญฺเญยฺยํ อกุสลมฺปิ เกนจิ วิญฺเญยฺยํ อพฺยากตมฺปิ เกนจิ วิญฺเญยฺยกุสลสทิสํ วิตฺถาเรตพฺพํ)ฯ
เกนจิวิญฺเญยฺยทุกกุสลตฺติกํ นิฏฺฐิตํฯ
จูฬนฺตรทุกํ นิฏฺฐิตํฯ
14-1. อาสวทุก-กุสลตฺติกํ
1. กุสลปทํ
1-7. ปฏิจฺจวาราทิ
เหตุปจฺจโย
[1] โนอาสวํ กุสลํ ธมฺมํ ปฏิจฺจ โนอาสโว กุสโล ธมฺโม อุปฺปชฺชติ เหตุปจฺจยา (สํขิตฺตํ)ฯ
[2] เหตุยา เอกํ, อารมฺมเณ เอกํ…เป.… กมฺเม เอกํ…เป.… อวิคเต เอกํ (สํขิตฺตํ)ฯ
(สหชาตวาเรปิ…เป.… ปญฺหาวาเรปิ สพฺพตฺถ เอกํฯ)
2. อกุสลปทํ
เหตุปจฺจโย
[3] อาสวํ อกุสลํ ธมฺมํ ปฏิจฺจ อาสโว อกุสโล ธมฺโม อุปฺปชฺชติ เหตุปจฺจยา (สํขิตฺตํ)ฯ
[4] เหตุยา นว, อารมฺมเณ นว…เป.… อวิคเต นว (สํขิตฺตํ)ฯ
นเหตุยา เอกํ, นอธิปติยา นว…เป.… นกมฺเม ตีณิ, นวิปาเก นว, นวิปฺปยุตฺเต นว (สํขิตฺตํ)ฯ
(สหชาตวาโรปิ…เป.… สมฺปยุตฺตวาโรปิ สพฺพตฺถ วิตฺถาเรตพฺโพฯ)
[5] อาสโว อกุสโล ธมฺโม อาสวสฺส อกุสลสฺส ธมฺมสฺส เหตุปจฺจเยน ปจฺจโยฯ
[6] เหตุยา สตฺต, อารมฺมเณ นว, อธิปติยา นว (มชฺเฌ ติณฺณํ สหชาตาธิปติ ลพฺภติ) , อนนฺตเร นว…เป.… อุปนิสฺสเย นว, อาเสวเน นว, กมฺเม ตีณิ…เป.… ฌาเน ตีณิ, มคฺเค นว…เป.… อวิคเต นว (สํขิตฺตํ)ฯ
3. อพฺยากตปทํ
เหตุปจฺจโย
[7] โนอาสวํ อพฺยากตํ ธมฺมํ ปฏิจฺจ โนอาสโว อพฺยากโต ธมฺโม อุปฺปชฺชติ เหตุปจฺจยา (สํขิตฺตํ)ฯ
[8] เหตุยา เอกํ, อารมฺมเณ เอกํ…เป.… อวิคเต เอกํฯ (สํขิตฺตํฯ สหชาตวาเรปิ ปจฺจยวาเรปิ…เป.… ปญฺหาวาเรปิ สพฺพตฺถ เอกํฯ)
อาสวทุกกุสลตฺติกํ นิฏฺฐิตํฯ
15-1. สาสวทุก-กุสลตฺติกํ
1. กุสลปทํ
เหตุปจฺจโย
[9] สาสวํ กุสลํ ธมฺมํ ปฏิจฺจ สาสโว กุสโล ธมฺโม อุปฺปชฺชติ เหตุปจฺจยาฯ (1)
อนาสวํ กุสลํ ธมฺมํ ปฏิจฺจ อนาสโว กุสโล ธมฺโม อุปฺปชฺชติ เหตุปจฺจยาฯ (1) (สํขิตฺตํฯ)
[10] เหตุยา ทฺเว, อารมฺมเณ ทฺเว, อธิปติยา ทฺเว…เป.… อวิคเต ทฺเว (สํขิตฺตํ, อนุโลมํ)ฯ
[11] นอธิปติยา ทฺเว…เป.… นอาเสวเน เอกํ…เป.… นวิปฺปยุตฺเต ทฺเว (สํขิตฺตํฯ ปจฺจนียํฯ สหชาตวาเรปิ…เป.… สมฺปยุตฺตวาเรปิ สพฺพตฺถ ทฺเว)ฯ
7. ปญฺหาวาโร
เหตุปจฺจโย
[12] สาสโว กุสโล ธมฺโม สาสวสฺส กุสลสฺส ธมฺมสฺส เหตุปจฺจเยน ปจฺจโยฯ (1)
อนาสโว กุสโล ธมฺโม อนาสวสฺส กุสลสฺส ธมฺมสฺส เหตุปจฺจเยน ปจฺจโยฯ (1) (สํขิตฺตํฯ)