เมนู

โลกุตฺตโร กุสโล ธมฺโม โลกุตฺตรสฺส กุสลสฺส ธมฺมสฺส เหตุปจฺจเยน ปจฺจโยฯ (1)

โลกิโย กุสโล ธมฺโม โลกิยสฺส กุสลสฺส ธมฺมสฺส อารมฺมณปจฺจเยน ปจฺจโยฯ (1)

โลกุตฺตโร กุสโล ธมฺโม โลกิยสฺส กุสลสฺส ธมฺมสฺส อารมฺมณปจฺจเยน ปจฺจโยฯ (1)

โลกิโย กุสโล ธมฺโม โลกิยสฺส กุสลสฺส ธมฺมสฺส อธิปติปจฺจเยน ปจฺจโย – อารมฺมณาธิปติ, สหชาตาธิปติฯ (1)

โลกุตฺตโร กุสโล ธมฺโม โลกุตฺตรสฺส กุสลสฺส ธมฺมสฺส อธิปติปจฺจเยน ปจฺจโย – สหชาตาธิปติฯ โลกุตฺตโร กุสโล ธมฺโม โลกิยสฺส กุสลสฺส ธมฺมสฺส อธิปติปจฺจเยน ปจฺจโย – อารมฺมณาธิปติฯ (2) (สํขิตฺตํฯ)

[47] เหตุยา ทฺเว, อารมฺมเณ ทฺเว, อธิปติยา ตีณิ, อนนฺตเร ทฺเว, สมนนฺตเร ทฺเว, สหชาเต ทฺเว…เป.… อุปนิสฺสเย จตฺตาริ, อาเสวเน ทฺเว, กมฺเม ทฺเว, อาหาเร ทฺเว…เป.… อวิคเต ทฺเว (สํขิตฺตํฯ)

2. อกุสลปทํ

1-7. ปฏิจฺจวาราทิ

ปจฺจยจตุกฺกํ

เหตุปจฺจโย

[48] โลกิยํ อกุสลํ ธมฺมํ ปฏิจฺจ โลกิโย อกุสโล ธมฺโม อุปฺปชฺชติ เหตุปจฺจยา (สํขิตฺตํ)ฯ

[49] เหตุยา เอกํ, อารมฺมเณ เอกํ…เป.… อวิคเต เอกํ (สํขิตฺตํ, สหชาตวาโรปิ…เป.… ปญฺหาวาโรปิ สพฺพตฺถ สทิสา)ฯ

3. อพฺยากตปทํ

1-7. ปฏิจฺจวาราทิ

ปจฺจยจตุกฺกํ

เหตุปจฺจโย

[50] โลกิยํ อพฺยากตํ ธมฺมํ ปฏิจฺจ โลกิโย อพฺยากโต ธมฺโม อุปฺปชฺชติ เหตุปจฺจยาฯ (1)