เหตุปจฺจยา นอารมฺมเณ ตีณิ (สํขิตฺตํ)ฯ

นเหตุปจฺจยา อารมฺมเณ ทฺเว (สํขิตฺตํ)ฯ

(ยถา กุสลตฺติเก ปญฺหาวารสฺส อนุโลมมฺปิ ปจฺจนียมฺปิ อนุโลมปจฺจนียมฺปิ ปจฺจนียานุโลมมฺปิ คณิตํ, เอวํ คเณตพฺพํฯ)

รูปีทุกกุสลตฺติกํ นิฏฺฐิตํฯ

11-1. โลกิยทุก-กุสลตฺติกํ

1. กุสลปทํ

1-7. ปฏิจฺจวาราทิ

ปจฺจยจตุกฺกํ

เหตุปจฺจโย

[43] โลกิยํ กุสลํ ธมฺมํ ปฏิจฺจ โลกิโย กุสโล ธมฺโม อุปฺปชฺชติ เหตุปจฺจยาฯ (1)

โลกุตฺตรํ กุสลํ ธมฺมํ ปฏิจฺจ โลกุตฺตโร กุสโล ธมฺโม อุปฺปชฺชติ เหตุปจฺจยาฯ (1)

โลกิยํ กุสลํ ธมฺมํ ปฏิจฺจ โลกิโย กุสโล ธมฺโม อุปฺปชฺชติ อารมฺมณปจฺจยาฯ (1)

โลกุตฺตรํ กุสลํ ธมฺมํ ปฏิจฺจ โลกุตฺตโร กุสโล ธมฺโม อุปฺปชฺชติ อารมฺมณปจฺจยาฯ (1) (สํขิตฺตํฯ)

[44] เหตุยา ทฺเว, อารมฺมเณ ทฺเว, อธิปติยา ทฺเว…เป.… กมฺเม ทฺเว…เป.… อวิคเต ทฺเว (สํขิตฺตํ, อนุโลมํ)ฯ

[45] นอธิปติยา ทฺเว…เป.… นอาเสวเน เอกํ…เป.… นวิปฺปยุตฺเต ทฺเว (สํขิตฺตํ)ฯ

(สหชาตวาโรปิ ปจฺจยวาโรปิ นิสฺสยวาโรปิ สํสฏฺฐวาโรปิ สมฺปยุตฺตวาโรปิ ปฏิจฺจวารสทิสา วิตฺถาเรตพฺพาฯ)

ปจฺจยจตุกฺกํ

เหตุปจฺจยาทิ

[46] โลกิโย กุสโล ธมฺโม โลกิยสฺส กุสลสฺส ธมฺมสฺส เหตุปจฺจเยน ปจฺจโยฯ (1)