เหตุ-อารมฺมณปจฺจยา

[38] รูปิํ อพฺยากตํ ธมฺมํ ปฏิจฺจ รูปี อพฺยากโต ธมฺโม อุปฺปชฺชติ เหตุปจฺจยา… ตีณิฯ

อรูปิํ อพฺยากตํ ธมฺมํ ปฏิจฺจ อรูปี อพฺยากโต ธมฺโม อุปฺปชฺชติ เหตุปจฺจยา… ตีณิฯ

รูปิํ อพฺยากตญฺจ อรูปิํ อพฺยากตญฺจ ธมฺมํ ปฏิจฺจ รูปี อพฺยากโต ธมฺโม อุปฺปชฺชติ เหตุปจฺจยา… ตีณิฯ

รูปิํ อพฺยากตํ ธมฺมํ ปฏิจฺจ อรูปี อพฺยากโต ธมฺโม อุปฺปชฺชติ อารมฺมณปจฺจยา (สํขิตฺตํ)ฯ

[39] เหตุยา นว, อารมฺมเณ ตีณิ, อธิปติยา ปญฺจ, อนนฺตเร ตีณิ, สมนนฺตเร ตีณิ…เป.… อญฺญมญฺเญ ฉ…เป.… ปุเรชาเต เอกํ, อาเสวเน เอกํ, กมฺเม นว, วิปาเก นว…เป.… อวิคเต นว (สํขิตฺตํ)ฯ

[40] นเหตุยา นว, นอารมฺมเณ ตีณิ, นอธิปติยา นว…เป.… นกมฺเม ทฺเว, นวิปาเก ปญฺจ, นอาหาเร เอกํ, นอินฺทฺริเย เอกํ, นฌาเน ทฺเว, นมคฺเค นว, นสมฺปยุตฺเต ตีณิ, นวิปฺปยุตฺเต ทฺเว, โนนตฺถิยา ตีณิ, โนวิคเต ตีณิ (สํขิตฺตํ, ปจฺจนียํ)ฯ

ปจฺจยจตุกฺกํ

เหตุปจฺจโย

[41] อรูปี อพฺยากโต ธมฺโม อรูปิสฺส อพฺยากตสฺส ธมฺมสฺส เหตุปจฺจเยน ปจฺจโย (สํขิตฺตํ)ฯ

[42] เหตุยา ตีณิ, อารมฺมเณ ทฺเว, อธิปติยา ตีณิ, อนนฺตเร เอกํ, สมนนฺตเร เอกํ, สหชาเต สตฺต, อญฺญมญฺเญ ฉ, นิสฺสเย สตฺต, อุปนิสฺสเย ทฺเว, ปุเรชาเต เอกํ, ปจฺฉาชาเต เอกํ, อาเสวเน เอกํ, กมฺเม ตีณิ, วิปาเก ตีณิ, อาหาเร จตฺตาริ, อินฺทฺริเย ฉ, ฌาเน ตีณิ, มคฺเค ตีณิ, สมฺปยุตฺเต เอกํ, วิปฺปยุตฺเต ทฺเว…เป.… อวิคเต สตฺต (สํขิตฺตํ)ฯ

นเหตุยา สตฺต, นอารมฺมเณ สตฺต (สํขิตฺตํ)ฯ