[4] นอธิปติยา เอกํ, นปุเรชาเต เอกํ, นปจฺฉาชาเต เอกํ, นอาเสวเน เอกํ, นกมฺเม เอกํ, นวิปาเก เอกํ, นวิปฺปยุตฺเต เอกํ (สํขิตฺตํ)ฯ

(สหชาตวาโรปิ ปจฺจยวาโรปิ นิสฺสยวาโรปิ สํสฏฺฐวาโรปิ สมฺปยุตฺตวาโรปิ ปฏิจฺจวารสทิสา วิตฺถาเรตพฺพาฯ)

ปจฺจยจตุกฺกํ

เหตุปจฺจโย

[5] สปฺปจฺจโย กุสโล ธมฺโม สปฺปจฺจยสฺส กุสลสฺส ธมฺมสฺส เหตุปจฺจเยน ปจฺจโย (สํขิตฺตํ)ฯ

[6] เหตุยา เอกํ, อารมฺมเณ เอกํ…เป.… อวิคเต เอกํ (สํขิตฺตํ)ฯ

[7] สปฺปจฺจยํ อกุสลํ ธมฺมํ ปฏิจฺจ สปฺปจฺจโย อกุสโล ธมฺโม อุปฺปชฺชติ เหตุปจฺจยาฯ (1) (สํขิตฺตํฯ)

[8] เหตุยา เอกํ, อารมฺมเณ เอกํ…เป.… อวิคเต เอกํฯ (สหชาตวาเรปิ…เป.… ปญฺหาวาเรปิ สพฺพตฺถ เอกํ)ฯ

3. อพฺยากตปทํ

1-7. ปฏิจฺจวาราทิ

ปจฺจยจตุกฺกํ

เหตุปจฺจโย

[9] สปฺปจฺจยํ อพฺยากตํ ธมฺมํ ปฏิจฺจ สปฺปจฺจโย อพฺยากโต ธมฺโม อุปฺปชฺชติ เหตุปจฺจยา (สํขิตฺตํ)ฯ

[10] เหตุยา เอกํ, อารมฺมเณ เอกํ…เป.… อวิคเต เอกํ (สํขิตฺตํ)ฯ

นเหตุยา เอกํ, นอารมฺมเณ เอกํ, นอธิปติยา เอกํ (สพฺพตฺถ เอกํ, สํขิตฺตํ)ฯ

ปจฺจยจตุกฺกํ

เหตุปจฺจยาทิ

[11] สปฺปจฺจโย อพฺยากโต ธมฺโม สปฺปจฺจยสฺส อพฺยากตสฺส ธมฺมสฺส เหตุปจฺจเยน ปจฺจโยฯ (1)

สปฺปจฺจโย อพฺยากโต ธมฺโม สปฺปจฺจยสฺส อพฺยากตสฺส ธมฺมสฺส อารมฺมณปจฺจเยน ปจฺจโยฯ (1)

อปฺปจฺจโย อพฺยากโต ธมฺโม สปฺปจฺจยสฺส อพฺยากตสฺส ธมฺมสฺส อารมฺมณปจฺจเยน ปจฺจโยฯ (1)

สปฺปจฺจโย อพฺยากโต ธมฺโม สปฺปจฺจยสฺส อพฺยากตสฺส ธมฺมสฺส อุปนิสฺสยปจฺจเยน ปจฺจโยฯ (1)

อปฺปจฺจโย อพฺยากโต ธมฺโม สปฺปจฺจยสฺส อพฺยากตสฺส ธมฺมสฺส อุปนิสฺสยปจฺจเยน ปจฺจโย – อารมฺมณูปนิสฺสโยฯ (1) (สํขิตฺตํฯ)

เหตุยา เอกํ, อารมฺมเณ ทฺเว, อธิปติยา ทฺเว, อนนฺตเร เอกํ…เป.… นิสฺสเย เอกํ, อุปนิสฺสเย ทฺเว, ปุเรชาเต เอกํ, ปจฺฉาชาเต เอกํ, (สพฺพตฺถ เอกํ), อวิคเต เอกํ (สํขิตฺตํ)ฯ

ปจฺจนียุทฺธาโร

[12] สปฺปจฺจโย อพฺยากโต ธมฺโม สปฺปจฺจยสฺส อพฺยากตสฺส ธมฺมสฺส อารมฺมณปจฺจเยน ปจฺจโย… สหชาตปจฺจเยน ปจฺจโย… อุปนิสฺสยปจฺจเยน ปจฺจโยฯ

อปฺปจฺจโย อพฺยากโต ธมฺโม สปฺปจฺจยสฺส อพฺยากตสฺส ธมฺมสฺส อารมฺมณปจฺจเยน ปจฺจโย… อุปนิสฺสยปจฺจเยน ปจฺจโย (สํขิตฺตํ)ฯ

[13] นเหตุยา ทฺเว, นอารมฺมเณ เอกํ (สํขิตฺตํ)ฯ

เหตุปจฺจยา นอารมฺมเณ เอกํ (สํขิตฺตํ)ฯ

นเหตุปจฺจยา อารมฺมเณ ทฺเว (สํขิตฺตํ)ฯ

สปฺปจฺจยทุกกุสลตฺติกํ นิฏฺฐิตํฯ

8-1. สงฺขตทุก-กุสลตฺติกํ

[14] สงฺขตํ กุสลํ ธมฺมํ ปฏิจฺจ สงฺขโต กุสโล ธมฺโม อุปฺปชฺชติ เหตุปจฺจยา (สํขิตฺตํฯ สปฺปจฺจยสทิสํ วิตฺถาเรตพฺพํ)ฯ

สงฺขตทุกกุสลตฺติกํ นิฏฺฐิตํฯ

9-1. สนิทสฺสนทุก-กุสลตฺติกํ

1. กุสลปทํ

1-6. ปฏิจฺจวาราทิ

ปจฺจยจตุกฺกํ