เมนู

เหตุปจฺจโย

[93] นเหตุํ สเหตุกํ กุสลํ ธมฺมํ ปฏิจฺจ นเหตุ สเหตุโก กุสโล ธมฺโม อุปฺปชฺชติ เหตุปจฺจยา (สํขิตฺตํ)ฯ

[94] เหตุยา เอกํ, อารมฺมเณ เอกํ (สพฺพตฺถ เอกํ), อวิคเต เอกํฯ

นอธิปติยา เอกํ, นปุเรชาเต เอกํ…เป.… นวิปาเก เอกํ, นวิปฺปยุตฺเต เอกํ (ปญฺหาวาเรปิ สพฺพตฺถ เอกํ)ฯ

เหตุปจฺจโย

[95] นเหตุํ สเหตุกํ อกุสลํ ธมฺมํ ปฏิจฺจ นเหตุ สเหตุโก อกุสโล ธมฺโม อุปฺปชฺชติ เหตุปจฺจยา (สํขิตฺตํ)ฯ

[96] เหตุยา เอกํ, อารมฺมเณ เอกํ (สพฺพตฺถ เอกํ), อวิคเต เอกํฯ (เหตุปจฺจโย นตฺถิฯ ปญฺหาวาเรปิ สพฺพตฺถ เอกํ, ปญฺหาวาเรปิ อิเมสํ ติณฺณนฺนํ เหตุปจฺจโย นตฺถิฯ)

3. อพฺยากตปทํ

1-6. ปฏิจฺจวาราทิ

ปจฺจยจตุกฺกํ

เหตุปจฺจโย

[97] นเหตุํ สเหตุกํ อพฺยากตํ ธมฺมํ ปฏิจฺจ นเหตุ สเหตุโก อพฺยากโต ธมฺโม อุปฺปชฺชติ เหตุปจฺจยาฯ นเหตุํ สเหตุกํ อพฺยากตํ ธมฺมํ ปฏิจฺจ นเหตุ อเหตุโก อพฺยากโต ธมฺโม อุปฺปชฺชติ เหตุปจฺจยาฯ นเหตุํ สเหตุกํ อพฺยากตํ ธมฺมํ ปฏิจฺจ นเหตุ สเหตุโก อพฺยากโต จ นเหตุ อเหตุโก อพฺยากโต จ ธมฺมา อุปฺปชฺชนฺติ เหตุปจฺจยาฯ (3)

นเหตุํ อเหตุกํ อพฺยากตํ ธมฺมํ ปฏิจฺจ นเหตุ อเหตุโก อพฺยากโต ธมฺโม อุปฺปชฺชติ เหตุปจฺจยา… ตีณิฯ

นเหตุํ สเหตุกํ อพฺยากตญฺจ นเหตุํ อเหตุกํ อพฺยากตญฺจ ธมฺมํ ปฏิจฺจ นเหตุ สเหตุโก อพฺยากโต ธมฺโม อุปฺปชฺชติ เหตุปจฺจยา… ตีณิ (สํขิตฺตํ)ฯ

[98] เหตุยา นว, อารมฺมเณ จตฺตาริ, อธิปติยา ปญฺจ…เป.… ปุเรชาเต อาเสวเน ทฺเว, กมฺเม นว, วิปาเก นว…เป.… อวิคเต นว (สํขิตฺตํ)ฯ

นเหตุปจฺจโย

[99] นเหตุํ อเหตุกํ อพฺยากตํ ธมฺมํ ปฏิจฺจ นเหตุ อเหตุโก อพฺยากโต ธมฺโม อุปฺปชฺชติ นเหตุปจฺจยา (สํขิตฺตํ)ฯ

[100] นเหตุยา เอกํ, นอารมฺมเณ ตีณิ, นอธิปติยา นว, นอนนฺตเร ตีณิ, นสมนนฺตเร ตีณิ, นอญฺญมญฺเญ ตีณิ, นอุปนิสฺสเย ตีณิ, นปุเรชาเต นว, นปจฺฉาชาเต นว, นอาเสวเน นว, นกมฺเม ทฺเว, นวิปาเก ปญฺจ, นอาหาเร เอกํ, นอินฺทฺริเย เอกํ, นฌาเน เอกํ, นมคฺเค เอกํ, นสมฺปยุตฺเต ตีณิ, นวิปฺปยุตฺเต ทฺเว, โนนตฺถิยา ตีณิ, โนวิคเต ตีณิ (สํขิตฺตํ)ฯ

เหตุปจฺจยา นอารมฺมเณ ตีณิ (สํขิตฺตํ)ฯ

นเหตุปจฺจยา อารมฺมเณ เอกํ (สํขิตฺตํ)ฯ

(สหชาตวาโรปิ ปจฺจยวาโรปิ นิสฺสยวาโรปิ สํสฏฺฐวาโรปิ สมฺปยุตฺตวาโรปิ ปฏิจฺจวารสทิสา วิตฺถาเรตพฺพาฯ)

7. ปญฺหาวาโร

ปจฺจยจตุกฺกํ

อารมฺมณปจฺจโย

[101] นเหตุ สเหตุโก อพฺยากโต ธมฺโม นเหตุสฺส สเหตุกสฺส อพฺยากตสฺส ธมฺมสฺส อารมฺมณปจฺจเยน ปจฺจโย (สํขิตฺตํ)ฯ