เหตุปจฺจยา นอธิปติยา นว (สํขิตฺตํ)ฯ
นอธิปติปจฺจยา เหตุยา นว (สํขิตฺตํ)ฯ
(สหชาตวาโรปิ ปจฺจยวาโรปิ นิสฺสยวาโรปิ สํสฏฺฐวาโรปิ สมฺปยุตฺตวาโรปิ ปฏิจฺจวารสทิสา วิตฺถาเรตพฺพาฯ)
7. ปญฺหาวาโร
ปจฺจยจตุกฺกํ
เหตุปจฺจยาทิ
[89] เหตุ เจว เหตุสมฺปยุตฺโต จ อพฺยากโต ธมฺโม เหตุสฺส เจว เหตุสมฺปยุตฺตสฺส จ อพฺยากตสฺส ธมฺมสฺส เหตุปจฺจเยน ปจฺจโย (สํขิตฺตํ)ฯ
[90] เหตุยา ตีณิ, อารมฺมเณ นว, อธิปติยา นว…เป.… อาเสวเน นว, กมฺเม ตีณิ, วิปาเก นว, อาหาเร ตีณิ, อินฺทฺริเย นว, ฌาเน ตีณิ, มคฺเค สมฺปยุตฺเต นว…เป.… อวิคเต นว (สํขิตฺตํ)ฯ
ปจฺจนียุทฺธาโร
[91] เหตุ เจว เหตุสมฺปยุตฺโต จ อพฺยากโต ธมฺโม เหตุสฺส เจว เหตุสมฺปยุตฺตสฺส จ อพฺยากตสฺส ธมฺมสฺส อารมฺมณปจฺจเยน ปจฺจโย… สหชาตปจฺจเยน ปจฺจโย… อุปนิสฺสยปจฺจเยน ปจฺจโย (สํขิตฺตํ)ฯ
[92] นเหตุยา นว, นอารมฺมเณ นว (สํขิตฺตํ)ฯ
เหตุปจฺจยา นอารมฺมเณ ตีณิ (สํขิตฺตํ)ฯ
นเหตุปจฺจยา อารมฺมเณ นว (สํขิตฺตํ)ฯ
(ยถา กุสลตฺติเก ปญฺหาวารสฺส อนุโลมมฺปิ ปจฺจนียมฺปิ อนุโลมปจฺจนียมฺปิ ปจฺจนียานุโลมมฺปิ คณิตํ, เอวํ คเณตพฺพํฯ)
เหตุเหตุสมฺปยุตฺตทุกกุสลตฺติกํ นิฏฺฐิตํฯ
6-1. นเหตุสเหตุกทุก-กุสลตฺติกํ
1-2. กุสลากุสลปทํ
1-7. ปฏิจฺจวาราทิ
ปจฺจยจตุกฺกํ
เหตุปจฺจโย
[93] นเหตุํ สเหตุกํ กุสลํ ธมฺมํ ปฏิจฺจ นเหตุ สเหตุโก กุสโล ธมฺโม อุปฺปชฺชติ เหตุปจฺจยา (สํขิตฺตํ)ฯ
[94] เหตุยา เอกํ, อารมฺมเณ เอกํ (สพฺพตฺถ เอกํ), อวิคเต เอกํฯ
นอธิปติยา เอกํ, นปุเรชาเต เอกํ…เป.… นวิปาเก เอกํ, นวิปฺปยุตฺเต เอกํ (ปญฺหาวาเรปิ สพฺพตฺถ เอกํ)ฯ
เหตุปจฺจโย
[95] นเหตุํ สเหตุกํ อกุสลํ ธมฺมํ ปฏิจฺจ นเหตุ สเหตุโก อกุสโล ธมฺโม อุปฺปชฺชติ เหตุปจฺจยา (สํขิตฺตํ)ฯ
[96] เหตุยา เอกํ, อารมฺมเณ เอกํ (สพฺพตฺถ เอกํ), อวิคเต เอกํฯ (เหตุปจฺจโย นตฺถิฯ ปญฺหาวาเรปิ สพฺพตฺถ เอกํ, ปญฺหาวาเรปิ อิเมสํ ติณฺณนฺนํ เหตุปจฺจโย นตฺถิฯ)
3. อพฺยากตปทํ
1-6. ปฏิจฺจวาราทิ
ปจฺจยจตุกฺกํ
เหตุปจฺจโย
[97] นเหตุํ สเหตุกํ อพฺยากตํ ธมฺมํ ปฏิจฺจ นเหตุ สเหตุโก อพฺยากโต ธมฺโม อุปฺปชฺชติ เหตุปจฺจยาฯ นเหตุํ สเหตุกํ อพฺยากตํ ธมฺมํ ปฏิจฺจ นเหตุ อเหตุโก อพฺยากโต ธมฺโม อุปฺปชฺชติ เหตุปจฺจยาฯ นเหตุํ สเหตุกํ อพฺยากตํ ธมฺมํ ปฏิจฺจ นเหตุ สเหตุโก อพฺยากโต จ นเหตุ อเหตุโก อพฺยากโต จ ธมฺมา อุปฺปชฺชนฺติ เหตุปจฺจยาฯ (3)
นเหตุํ อเหตุกํ อพฺยากตํ ธมฺมํ ปฏิจฺจ นเหตุ อเหตุโก อพฺยากโต ธมฺโม อุปฺปชฺชติ เหตุปจฺจยา… ตีณิฯ