2. สงฺขฺยาวาโร

[85] นเหตุยา ตีณิ, นอธิปติยา นว, นปุเรชาเต นว, นปจฺฉาชาเต นว, นอาเสวเน นว, นกมฺเม ตีณิ, นวิปาเก นว, นวิปฺปยุตฺเต นวฯ

2-6. สหชาต-ปจฺจย-นิสฺสย-สํสฏฺฐ-สมฺปยุตฺตวาโร

(เอวํ อิตเร ทฺเว คณนาปิ สหชาตวาโรปิ ปจฺจยวาโรปิ นิสฺสยวาโรปิ สํสฏฺฐวาโรปิ สมฺปยุตฺตวาโรปิ ปฏิจฺจวารสทิสาฯ)

7. ปญฺหาวาโร

1. ปจฺจยานุโลมํ

1. วิภงฺควาโร

เหตุปจฺจโย

[86] กิเลโส เจว สํกิลิฏฺโฐ จ ธมฺโม กิเลสสฺส เจว สํกิลิฏฺฐสฺส จ ธมฺมสฺส เหตุปจฺจเยน ปจฺจโย – กิเลสา เจว สํกิลิฏฺฐา จ เหตู สมฺปยุตฺตกานํ กิเลสานํ เหตุปจฺจเยน ปจฺจโยฯ (1)

กิเลโส เจว สํกิลิฏฺโฐ จ ธมฺโม สํกิลิฏฺฐสฺส เจว โน จ กิเลสสฺส ธมฺมสฺส เหตุปจฺจเยน ปจฺจโย – กิเลสา เจว สํกิลิฏฺฐา จ เหตู สมฺปยุตฺตกานํ ขนฺธานํ เหตุปจฺจเยน ปจฺจโยฯ

กิเลโส เจว สํกิลิฏฺโฐ จ ธมฺโม กิเลสสฺส เจว สํกิลิฏฺฐสฺส จ สํกิลิฏฺฐสฺส เจว โน จ กิเลสสฺส จ ธมฺมสฺส เหตุปจฺจเยน ปจฺจโย – กิเลสา เจว สํกิลิฏฺฐา จ เหตู สมฺปยุตฺตกานํ ขนฺธานํ กิเลสานญฺจ เหตุปจฺจเยน ปจฺจโยฯ (3)

อารมฺมณปจฺจโย

[87] กิเลโส เจว สํกิลิฏฺโฐ จ ธมฺโม กิเลสสฺส เจว สํกิลิฏฺฐสฺส จ ธมฺมสฺส อารมฺมณปจฺจเยน ปจฺจโย – กิเลเส อารพฺภ กิเลสา อุปฺปชฺชนฺติฯ (มูลํ กาตพฺพํฯ) กิเลเส อารพฺภ สํกิลิฏฺฐา เจว โน จ กิเลสา ขนฺธา อุปฺปชฺชนฺติฯ (มูลํ กาตพฺพํฯ) กิเลเส อารพฺภ กิเลสา จ สมฺปยุตฺตกา ขนฺธา จ อุปฺปชฺชนฺติฯ (3)

[88] สํกิลิฏฺโฐ เจว โน จ กิเลโส ธมฺโม สํกิลิฏฺฐสฺส เจว โน จ กิเลสสฺส ธมฺมสฺส อารมฺมณปจฺจเยน ปจฺจโย – สํกิลิฏฺเฐ เจว โน จ กิเลเส ขนฺเธ อารพฺภ สํกิลิฏฺฐา เจว โน จ กิเลสา ขนฺธา อุปฺปชฺชนฺติฯ (มูลํ กาตพฺพํฯ) สํกิลิฏฺเฐ เจว โน จ กิเลเส ขนฺเธ อารพฺภ กิเลสา อุปฺปชฺชนฺติฯ (มูลํ กาตพฺพํฯ) สํกิลิฏฺเฐ เจว โน จ กิเลเส ขนฺเธ อารพฺภ กิเลสา จ สมฺปยุตฺตกา ขนฺธา จ อุปฺปชฺชนฺติฯ (3)

(อิตเรปิ ตีณิ กาตพฺพาฯ)

อธิปติปจฺจโย

[89] กิเลโส เจว สํกิลิฏฺโฐ จ ธมฺโม กิเลสสฺส เจว สํกิลิฏฺฐสฺส จ ธมฺมสฺส อธิปติปจฺจเยน ปจฺจโย – อารมฺมณาธิปติ… ตีณิฯ

สํกิลิฏฺโฐ เจว โน จ กิเลโส ธมฺโม สํกิลิฏฺฐสฺส เจว โน จ กิเลสสฺส ธมฺมสฺส อธิปติปจฺจเยน ปจฺจโย – อารมฺมณาธิปติ, สหชาตาธิปติฯ อารมฺมณาธิปติ – สํกิลิฏฺเฐ เจว โน จ กิเลเส ขนฺเธ ครุํ กตฺวา…เป.… ตีณิฯ (ทฺเว อธิปติ ตีณิปิ กาตพฺพา, อิตเร ทฺเวปิ ตีณิ กาตพฺพาฯ)

อนนฺตรปจฺจยาทิ

[90] กิเลโส เจว สํกิลิฏฺโฐ จ ธมฺโม กิเลสสฺส เจว สํกิลิฏฺฐสฺส จ ธมฺมสฺส อนนฺตรปจฺจเยน ปจฺจโย (นวปิ กาตพฺพา, อาวชฺชนาปิ วุฏฺฐานมฺปิ นตฺถิ)… สมนนฺตรปจฺจเยน ปจฺจโย… สหชาตปจฺจเยน ปจฺจโย… อญฺญมญฺญปจฺจเยน ปจฺจโย… นิสฺสยปจฺจเยน ปจฺจโย… อุปนิสฺสยปจฺจเยน ปจฺจโย… นว ปญฺหา (ปุเรชาตปจฺจโย ปจฺฉาชาตปจฺจโยปิ นตฺถิ)… อาเสวนปจฺจเยน ปจฺจโยฯ

กมฺมปจฺจยาทิ

[91] สํกิลิฏฺโฐ เจว โน จ กิเลโส ธมฺโม สํกิลิฏฺฐสฺส เจว โน จ กิเลสสฺส ธมฺมสฺส กมฺมปจฺจเยน ปจฺจโย – สํกิลิฏฺฐา เจว โน จ กิเลสา เจตนา สมฺปยุตฺตกานํ ขนฺธานํ กมฺมปจฺจเยน ปจฺจโยฯ (1)