เมนู

[40] เหตุยา นว, อารมฺมเณ จตฺตาริ, อธิปติยา ปญฺจ, อนนฺตเร จตฺตาริ, สมนนฺตเร จตฺตาริ, สหชาเต นว, อญฺญมญฺเญ ฉ…เป.… ปุเรชาเต ทฺเว, อาเสวเน ทฺเว, กมฺเม นว, วิปาเก นว…เป.… อวิคเต นว (สํขิตฺตํ)ฯ

นเหตุ-นอารมฺมณปจฺจยา

[41] เหตุวิปฺปยุตฺตํ อพฺยากตํ ธมฺมํ ปฏิจฺจ เหตุวิปฺปยุตฺโต อพฺยากโต ธมฺโม อุปฺปชฺชติ นเหตุปจฺจยาฯ (1)

เหตุสมฺปยุตฺตํ อพฺยากตํ ธมฺมํ ปฏิจฺจ เหตุวิปฺปยุตฺโต อพฺยากโต ธมฺโม อุปฺปชฺชติ นอารมฺมณปจฺจยา (สํขิตฺตํ)ฯ

[42] นเหตุยา เอกํ, นอารมฺมเณ ตีณิ, นอธิปติยา นว, นอนนฺตเร ตีณิ, นสมนนฺตเร ตีณิ, นอญฺญมญฺเญ ตีณิ, นอุปนิสฺสเย ตีณิ, นปุเรชาเต นว, นปจฺฉาชาเต นว, นอาเสวเน นว, นกมฺเม ทฺเว, นวิปาเก ปญฺจ, นอาหาเร เอกํ, นอินฺทฺริเย เอกํ, นฌาเน เอกํ, นมคฺเค เอกํ, นสมฺปยุตฺเต ตีณิ, นวิปฺปยุตฺเต ทฺเว, โนนตฺถิยา ตีณิ, โนวิคเต ตีณิ (สํขิตฺตํ)ฯ

เหตุปจฺจยา นอารมฺมเณ ตีณิ (สํขิตฺตํ)ฯ

นเหตุปจฺจยา อารมฺมเณ เอกํ (สํขิตฺตํ)ฯ

(สหชาตวาโรปิ ปจฺจยวาโรปิ นิสฺสยวาโรปิ สํสฏฺฐวาโรปิ สมฺปยุตฺตวาโรปิ ปฏิจฺจวารสทิสา วิตฺถาเรตพฺพาฯ)

7. ปญฺหาวาโร

ปจฺจยจตุกฺกํ

เหตุ-อารมฺมณปจฺจยา

[43] เหตุสมฺปยุตฺโต อพฺยากโต ธมฺโม เหตุสมฺปยุตฺตสฺส อพฺยากตสฺส ธมฺมสฺส เหตุปจฺจเยน ปจฺจโย… ตีณิฯ

เหตุสมฺปยุตฺโต อพฺยากโต ธมฺโม เหตุสมฺปยุตฺตสฺส อพฺยากตสฺส ธมฺมสฺส อารมฺมณปจฺจเยน ปจฺจโย (สํขิตฺตํ)ฯ

[44] เหตุยา ตีณิ, อารมฺมเณ จตฺตาริ, อธิปติยา จตฺตาริ, อนนฺตเร จตฺตาริ, กมฺเม จตฺตาริ, วิปาเก จตฺตาริ…เป.… อวิคเต สตฺต (สํขิตฺตํ)ฯ

ปจฺจนียุทฺธาโร

[45] เหตุสมฺปยุตฺโต อพฺยากโต ธมฺโม เหตุสมฺปยุตฺตสฺส อพฺยากตสฺส ธมฺมสฺส อารมฺมณปจฺจเยน ปจฺจโย… สหชาตปจฺจเยน ปจฺจโย… อุปนิสฺสยปจฺจเยน ปจฺจโยฯ

[46] นเหตุยา สตฺต, นอารมฺมเณ สตฺต (สํขิตฺตํ)ฯ

เหตุปจฺจยา นอารมฺมเณ ตีณิ (สํขิตฺตํ)ฯ

นเหตุปจฺจยา อารมฺมเณ จตฺตาริ (สํขิตฺตํ)ฯ

(ยถา กุสลตฺติเก ปญฺหาวารสฺส อนุโลมมฺปิ ปจฺจนียมฺปิ อนุโลมปจฺจนียมฺปิ ปจฺจนียานุโลมมฺปิ คณิตํ, เอวํ คเณตพฺพํฯ)

เหตุสมฺปยุตฺตทุกกุสลตฺติกํ นิฏฺฐิตํฯ

4-1. เหตุสเหตุกทุก-กุสลตฺติกํ

1. กุสลปทํ

1-6. ปฏิจฺจวาราทิ

ปจฺจยจตุกฺกํ

เหตุปจฺจโย

[47] เหตุญฺเจว สเหตุกญฺจ กุสลํ ธมฺมํ ปฏิจฺจ เหตุ เจว สเหตุโก จ กุสโล ธมฺโม อุปฺปชฺชติ เหตุปจฺจยา… ตีณิฯ

สเหตุกญฺเจว น จ เหตุํ กุสลํ ธมฺมํ ปฏิจฺจ สเหตุโก เจว น จ เหตุ กุสโล ธมฺโม อุปฺปชฺชติ เหตุปจฺจยา… ตีณิฯ

เหตุญฺเจว สเหตุกญฺจ กุสลญฺจ สเหตุกญฺเจว น จ เหตุํ กุสลญฺจ ธมฺมํ ปฏิจฺจ เหตุ เจว สเหตุโก จ กุสโล ธมฺโม อุปฺปชฺชติ เหตุปจฺจยา… ตีณิ (สํขิตฺตํ)ฯ