กิเลสญฺเจว สํกิลิฏฺฐญฺจ สํกิลิฏฺฐญฺเจว โน จ กิเลสญฺจ ธมฺมํ ปฏิจฺจ สํกิลิฏฺโฐ เจว โน จ กิเลโส ธมฺโม อุปฺปชฺชติ เหตุปจฺจยา – สํกิลิฏฺฐญฺเจว โน จ กิเลสํ เอกํ ขนฺธญฺจ กิเลเส จ ปฏิจฺจ ตโย ขนฺธา…เป.… ทฺเว ขนฺเธ จ…เป.…ฯ (2)
กิเลสญฺเจว สํกิลิฏฺฐญฺจ สํกิลิฏฺฐญฺเจว โน จ กิเลสญฺจ ธมฺมํ ปฏิจฺจ กิเลโส เจว สํกิลิฏฺโฐ จ สํกิลิฏฺโฐ เจว โน จ กิเลโส จ ธมฺมา อุปฺปชฺชนฺติ เหตุปจฺจยา – สํกิลิฏฺฐญฺเจว โน จ กิเลสํ เอกํ ขนฺธญฺจ โลภญฺจ ปฏิจฺจ ตโย ขนฺธา โมโห ทิฏฺฐิ ถินํ อุทฺธจฺจํ อหิริกํ อโนตฺตปฺปํ…เป.… ทฺเว ขนฺเธ จ…เป.… (จกฺกํ)ฯ (3)
1. ปจฺจยานุโลมํ
2. สงฺขฺยาวาโร
[83] เหตุยา นว, อารมฺมเณ นว (สพฺพตฺถ นว), กมฺเม นว, อาหาเร นว…เป.… อวิคเต นวฯ
2. ปจฺจยปจฺจนียํ
1. วิภงฺควาโร
นเหตุปจฺจโย
[84] กิเลสญฺเจว สํกิลิฏฺฐญฺจ ธมฺมํ ปฏิจฺจ กิเลโส เจว สํกิลิฏฺโฐ จ ธมฺโม อุปฺปชฺชติ นเหตุปจฺจยา – วิจิกิจฺฉํ ปฏิจฺจ วิจิกิจฺฉาสหคโต โมโห, อุทฺธจฺจํ ปฏิจฺจ อุทฺธจฺจสหคโต โมโหฯ (1)
สํกิลิฏฺฐญฺเจว โน จ กิเลสํ ธมฺมํ ปฏิจฺจ กิเลโส เจว สํกิลิฏฺโฐ จ ธมฺโม อุปฺปชฺชติ นเหตุปจฺจยา – วิจิกิจฺฉาสหคเต อุทฺธจฺจสหคเต ขนฺเธ ปฏิจฺจ วิจิกิจฺฉาสหคโต อุทฺธจฺจสหคโต โมโหฯ (1)
กิเลสญฺเจว สํกิลิฏฺฐญฺจ สํกิลิฏฺฐญฺเจว โน จ กิเลสญฺจ ธมฺมํ ปฏิจฺจ กิเลโส เจว สํกิลิฏฺโฐ จ ธมฺโม อุปฺปชฺชติ นเหตุปจฺจยา – วิจิกิจฺฉาสหคเต อุทฺธจฺจสหคเต ขนฺเธ จ วิจิกิจฺฉญฺจ อุทฺธจฺจญฺจ ปฏิจฺจ วิจิกิจฺฉาสหคโต อุทฺธจฺจสหคโต โมโหฯ (1)
2. ปจฺจยปจฺจนียํ
2. สงฺขฺยาวาโร
[85] นเหตุยา ตีณิ, นอธิปติยา นว, นปุเรชาเต นว, นปจฺฉาชาเต นว, นอาเสวเน นว, นกมฺเม ตีณิ, นวิปาเก นว, นวิปฺปยุตฺเต นวฯ
2-6. สหชาต-ปจฺจย-นิสฺสย-สํสฏฺฐ-สมฺปยุตฺตวาโร
(เอวํ อิตเร ทฺเว คณนาปิ สหชาตวาโรปิ ปจฺจยวาโรปิ นิสฺสยวาโรปิ สํสฏฺฐวาโรปิ สมฺปยุตฺตวาโรปิ ปฏิจฺจวารสทิสาฯ)
7. ปญฺหาวาโร
1. ปจฺจยานุโลมํ
1. วิภงฺควาโร
เหตุปจฺจโย
[86] กิเลโส เจว สํกิลิฏฺโฐ จ ธมฺโม กิเลสสฺส เจว สํกิลิฏฺฐสฺส จ ธมฺมสฺส เหตุปจฺจเยน ปจฺจโย – กิเลสา เจว สํกิลิฏฺฐา จ เหตู สมฺปยุตฺตกานํ กิเลสานํ เหตุปจฺจเยน ปจฺจโยฯ (1)
กิเลโส เจว สํกิลิฏฺโฐ จ ธมฺโม สํกิลิฏฺฐสฺส เจว โน จ กิเลสสฺส ธมฺมสฺส เหตุปจฺจเยน ปจฺจโย – กิเลสา เจว สํกิลิฏฺฐา จ เหตู สมฺปยุตฺตกานํ ขนฺธานํ เหตุปจฺจเยน ปจฺจโยฯ
กิเลโส เจว สํกิลิฏฺโฐ จ ธมฺโม กิเลสสฺส เจว สํกิลิฏฺฐสฺส จ สํกิลิฏฺฐสฺส เจว โน จ กิเลสสฺส จ ธมฺมสฺส เหตุปจฺจเยน ปจฺจโย – กิเลสา เจว สํกิลิฏฺฐา จ เหตู สมฺปยุตฺตกานํ ขนฺธานํ กิเลสานญฺจ เหตุปจฺจเยน ปจฺจโยฯ (3)
อารมฺมณปจฺจโย
[87] กิเลโส เจว สํกิลิฏฺโฐ จ ธมฺโม กิเลสสฺส เจว สํกิลิฏฺฐสฺส จ ธมฺมสฺส อารมฺมณปจฺจเยน ปจฺจโย – กิเลเส อารพฺภ กิเลสา อุปฺปชฺชนฺติฯ (มูลํ กาตพฺพํฯ) กิเลเส อารพฺภ สํกิลิฏฺฐา เจว โน จ กิเลสา ขนฺธา อุปฺปชฺชนฺติฯ (มูลํ กาตพฺพํฯ) กิเลเส อารพฺภ กิเลสา จ สมฺปยุตฺตกา ขนฺธา จ อุปฺปชฺชนฺติฯ (3)