เมนู

เหตุปจฺจโย

[17] สเหตุกํ อพฺยากตํ ธมฺมํ ปฏิจฺจ สเหตุโก อพฺยากโต ธมฺโม อุปฺปชฺชติ เหตุปจฺจยา… ตีณิฯ

อเหตุกํ อพฺยากตํ ธมฺมํ ปฏิจฺจ อเหตุโก อพฺยากโต ธมฺโม อุปฺปชฺชติ เหตุปจฺจยา… ตีณิฯ

สเหตุกํ อพฺยากตญฺจ อเหตุกํ อพฺยากตญฺจ ธมฺมํ ปฏิจฺจ สเหตุโก อพฺยากโต ธมฺโม อุปฺปชฺชติ เหตุปจฺจยา… ตีณิฯ

[18] เหตุยา นว, อารมฺมเณ จตฺตาริ, อธิปติยา ปญฺจ, อนนฺตเร จตฺตาริ, สมนนฺตเร จตฺตาริ, สหชาเต นว, อญฺญมญฺเญ ฉ…เป.… ปุเรชาเต ทฺเว, อาเสวเน ทฺเว, กมฺเม นว, วิปาเก นว…เป.… วิปฺปยุตฺเต นว…เป.… อวิคเต นว (สํขิตฺตํ)ฯ

นเหตุ-นอารมฺมณปจฺจยา

[19] อเหตุกํ อพฺยากตํ ธมฺมํ ปฏิจฺจ อเหตุโก อพฺยากโต ธมฺโม อุปฺปชฺชติ นเหตุปจฺจยาฯ (1)

สเหตุกํ อพฺยากตํ ธมฺมํ ปฏิจฺจ อเหตุโก อพฺยากโต ธมฺโม อุปฺปชฺชติ นอารมฺมณปจฺจยาฯ (1)

อเหตุกํ อพฺยากตํ ธมฺมํ ปฏิจฺจ อเหตุโก อพฺยากโต ธมฺโม อุปฺปชฺชติ นอารมฺมณปจฺจยาฯ (1)

สเหตุกํ อพฺยากตญฺจ อเหตุกํ อพฺยากตญฺจ ธมฺมํ ปฏิจฺจ อเหตุโก อพฺยากโต ธมฺโม อุปฺปชฺชติ นอารมฺมณปจฺจยาฯ (1)

สเหตุกํ อพฺยากตํ ธมฺมํ ปฏิจฺจ สเหตุโก อพฺยากโต ธมฺโม อุปฺปชฺชติ นอธิปติปจฺจยา (สํขิตฺตํ)ฯ

[20] นเหตุยา เอกํ, นอารมฺมเณ ตีณิ, นอธิปติยา นว, นอนนฺตเร ตีณิ, นสมนนฺตเร ตีณิ, นอญฺญมญฺเญ ตีณิ, นอุปนิสฺสเย ตีณิ, นปุเรชาเต นว, นปจฺฉาชาเต นว, นอาเสวเน นว, นกมฺเม ทฺเว, นวิปาเก ปญฺจ, นอาหาเร เอกํ, นอินฺทฺริเย เอกํ, นฌาเน เอกํ, นมคฺเค เอกํ, นสมฺปยุตฺเต ตีณิ, นวิปฺปยุตฺเต ทฺเว, โนนตฺถิยา ตีณิ, โนวิคเต ตีณิ (สํขิตฺตํ)ฯ

เหตุปจฺจยา นอารมฺมเณ ตีณิ (สํขิตฺตํ)ฯ

นเหตุปจฺจยา อารมฺมเณ เอกํ (สํขิตฺตํ)ฯ

(สหชาตวาโรปิ ปจฺจยวาโรปิ นิสฺสยวาโรปิ สํสฏฺฐวาโรปิ สมฺปยุตฺตวาโรปิ ปฏิจฺจวารสทิสา วิตฺถาเรตพฺพาฯ)

7. ปญฺหาวาโร

ปจฺจยจตุกฺกํ

เหตุ-อารมฺมณปจฺจยา

[21] สเหตุโก อพฺยากโต ธมฺโม สเหตุกสฺส อพฺยากตสฺส ธมฺมสฺส เหตุปจฺจเยน ปจฺจโย… ตีณิฯ

สเหตุโก อพฺยากโต ธมฺโม สเหตุกสฺส อพฺยากตสฺส ธมฺมสฺส อารมฺมณปจฺจเยน ปจฺจโย (สํขิตฺตํ)ฯ

[22] เหตุยา ตีณิ, อารมฺมเณ จตฺตาริ, อธิปติยา จตฺตาริ, อนนฺตเร จตฺตาริ, สมนนฺตเร จตฺตาริ, สหชาเต สตฺต, อญฺญมญฺเญ ฉ, นิสฺสเย สตฺต, อุปนิสฺสเย จตฺตาริ, ปุเรชาเต ทฺเว, ปจฺฉาชาเต ทฺเว, อาเสวเน ทฺเว, กมฺเม จตฺตาริ, วิปาเก จตฺตาริ, อาหาเร จตฺตาริ, อินฺทฺริเย จตฺตาริ, ฌาเน จตฺตาริ, มคฺเค ตีณิ, สมฺปยุตฺเต ทฺเว, วิปฺปยุตฺเต ตีณิ, อตฺถิยา สตฺต…เป.… อวิคเต สตฺต (สํขิตฺตํ)ฯ

ปจฺจนียุทฺธาโร

[23] สเหตุโก อพฺยากโต ธมฺโม สเหตุกสฺส อพฺยากตสฺส ธมฺมสฺส อารมฺมณปจฺจเยน ปจฺจโย… สหชาตปจฺจเยน ปจฺจโย… อุปนิสฺสยปจฺจเยน ปจฺจโย (สํขิตฺตํ)ฯ

[24] นเหตุยา สตฺต, นอารมฺมเณ สตฺต (สํขิตฺตํ)ฯ

เหตุปจฺจยา นอารมฺมเณ ตีณิ (สํขิตฺตํ)ฯ

นเหตุปจฺจยา อารมฺมเณ จตฺตาริ (สํขิตฺตํ)ฯ