สเหตุกํ อกุสลํ ธมฺมํ ปฏิจฺจ สเหตุโก อกุสโล ธมฺโม อุปฺปชฺชติ อารมฺมณปจฺจยาฯ สเหตุกํ อกุสลํ ธมฺมํ ปฏิจฺจ อเหตุโก อกุสโล ธมฺโม อุปฺปชฺชติ อารมฺมณปจฺจยาฯ สเหตุกํ อกุสลํ ธมฺมํ ปฏิจฺจ สเหตุโก อกุสโล จ อเหตุโก อกุสโล จ ธมฺมา อุปฺปชฺชนฺติ อารมฺมณปจฺจยาฯ (3)

อเหตุกํ อกุสลํ ธมฺมํ ปฏิจฺจ สเหตุโก อกุสโล ธมฺโม อุปฺปชฺชติ อารมฺมณปจฺจยาฯ (1)

สเหตุกํ อกุสลญฺจ อเหตุกํ อกุสลญฺจ ธมฺมํ ปฏิจฺจ สเหตุโก อกุสโล ธมฺโม อุปฺปชฺชติ อารมฺมณปจฺจยาฯ (1)

สเหตุกํ อกุสลํ ธมฺมํ ปฏิจฺจ สเหตุโก อกุสโล ธมฺโม อุปฺปชฺชติ อธิปติปจฺจยา (สํขิตฺตํ)ฯ

[10] เหตุยา ตีณิ, อารมฺมเณ ปญฺจ, อธิปติยา เอกํ, อนนฺตเร ปญฺจ, สมนนฺตเร ปญฺจ, สหชาเต ปญฺจ, อญฺญมญฺเญ ปญฺจ, นิสฺสเย ปญฺจ, อุปนิสฺสเย ปญฺจ, ปุเรชาเต ปญฺจ, อาเสวเน ปญฺจ, กมฺเม ปญฺจ, อาหาเร ปญฺจ, อินฺทฺริเย ปญฺจ, ฌาเน ปญฺจ, มคฺเค ปญฺจ, สมฺปยุตฺเต ปญฺจ, วิปฺปยุตฺเต ปญฺจ, อตฺถิยา ปญฺจ, นตฺถิยา ปญฺจ, วิคเต ปญฺจ, อวิคเต ปญฺจ (สํขิตฺตํ)ฯ

นเหตุ-นอธิปติปจฺจยา

[11] สเหตุกํ อกุสลํ ธมฺมํ ปฏิจฺจ อเหตุโก อกุสโล ธมฺโม อุปฺปชฺชติ นเหตุปจฺจยาฯ (1)

สเหตุกํ อกุสลํ ธมฺมํ ปฏิจฺจ สเหตุโก อกุสโล ธมฺโม อุปฺปชฺชติ นอธิปติปจฺจยา (สํขิตฺตํ)ฯ

[12] นเหตุยา เอกํ, นอธิปติยา ปญฺจ, นปุเรชาเต ปญฺจ, นปจฺฉาชาเต ปญฺจ, นอาเสวเน ปญฺจ, นกมฺเม ตีณิ, นวิปาเก ปญฺจ, นวิปฺปยุตฺเต ปญฺจ (สํขิตฺตํ)ฯ

เหตุปจฺจยา นอธิปติยา ตีณิ (สํขิตฺตํ)ฯ

นเหตุปจฺจยา อารมฺมเณ เอกํ (สํขิตฺตํ)ฯ

(สหชาตวาโรปิ ปจฺจยวาโรปิ นิสฺสยวาโรปิ สํสฏฺฐวาโรปิ สมฺปยุตฺตวาโรปิ ปฏิจฺจวารสทิสา วิตฺถาเรตพฺพาฯ)

7. ปญฺหาวาโร

ปจฺจยจตุกฺกํ