เหตุปจฺจยาทิ

[541] นเหตุํ อนิทสฺสนสปฺปฏิฆํ ธมฺมํ ปฏิจฺจ นเหตุ อนิทสฺสนสปฺปฏิโฆ ธมฺโม อุปฺปชฺชติ เหตุปจฺจยา… อธิปติปจฺจยา… สหชาตปจฺจยา… อญฺญมญฺญปจฺจยา … นิสฺสยปจฺจยา… กมฺมปจฺจยา… วิปากปจฺจยา… อาหารปจฺจยา… อินฺทฺริยปจฺจยา… ฌานปจฺจยา… มคฺคปจฺจยา… วิปฺปยุตฺตปจฺจยา… อตฺถิปจฺจยา… อวิคตปจฺจยาฯ

สุทฺธํ

[542] เหตุยา เอกํ, อธิปติยา เอกํ, สหชาเต เอกํ, อญฺญมญฺเญ เอกํ, นิสฺสเย เอกํ, กมฺเม เอกํ, วิปาเก เอกํ, มคฺเค เอกํ, วิปฺปยุตฺเต เอกํ, อตฺถิยา เอกํ, อวิคเต เอกํ (สํขิตฺตํ)ฯ

[543] นเหตุยา เอกํ, นอารมฺมเณ เอกํ, นอธิปติยา เอกํ (สพฺเพ ปจฺจยา กาตพฺพา)…เป.… โนวิคเต เอกํ (สํขิตฺตํ)ฯ

7. ปญฺหาวาโร

ปจฺจยจตุกฺกํ

สหชาตปจฺจยาทิ

[544] นเหตุ อนิทสฺสนสปฺปฏิโฆ ธมฺโม นเหตุสฺส อนิทสฺสนสปฺปฏิฆสฺส ธมฺมสฺส สหชาตปจฺจเยน ปจฺจโย… อญฺญมญฺญปจฺจเยน ปจฺจโย… นิสฺสยปจฺจเยน ปจฺจโย… อตฺถิปจฺจเยน ปจฺจโย… อวิคตปจฺจเยน ปจฺจโย (สพฺพตฺถ เอกํ)ฯ

2. อนิทสฺสนอปฺปฏิฆปทํ

1-6. ปฏิจฺจวาราทิ

ปจฺจยจตุกฺกํ

เหตุปจฺจโย

[545] เหตุํ อนิทสฺสนอปฺปฏิฆํ ธมฺมํ ปฏิจฺจ เหตุ อนิทสฺสนอปฺปฏิโฆ ธมฺโม อุปฺปชฺชติ เหตุปจฺจยา… ตีณิฯ

นเหตุํ อนิทสฺสนอปฺปฏิฆํ ธมฺมํ ปฏิจฺจ นเหตุ อนิทสฺสนอปฺปฏิโฆ ธมฺโม อุปฺปชฺชติ เหตุปจฺจยา… ตีณิฯ

เหตุํ อนิทสฺสนอปฺปฏิฆญฺจ นเหตุํ อนิทสฺสนอปฺปฏิฆญฺจ ธมฺมํ ปฏิจฺจ เหตุ อนิทสฺสนอปฺปฏิโฆ ธมฺโม อุปฺปชฺชติ เหตุปจฺจยา… ตีณิ (สํขิตฺตํ)ฯ