เหตุปจฺจยาทิ

[505] เหตุ ปจฺจุปฺปนฺนารมฺมโณ ธมฺโม เหตุสฺส ปจฺจุปฺปนฺนารมฺมณสฺส ธมฺมสฺส เหตุปจฺจเยน ปจฺจโย… ตีณิฯ

เหตุ ปจฺจุปฺปนฺนารมฺมโณ ธมฺโม เหตุสฺส ปจฺจุปฺปนฺนารมฺมณสฺส ธมฺมสฺส อารมฺมณปจฺจเยน ปจฺจโย… นวฯ

เหตุ ปจฺจุปฺปนฺนารมฺมโณ ธมฺโม เหตุสฺส ปจฺจุปฺปนฺนารมฺมณสฺส ธมฺมสฺส อธิปติปจฺจเยน ปจฺจโย – อารมฺมณาธิปติ, สหชาตาธิปติ… ตีณิฯ

นเหตุ ปจฺจุปฺปนฺนารมฺมโณ ธมฺโม นเหตุสฺส ปจฺจุปฺปนฺนารมฺมณสฺส ธมฺมสฺส อธิปติปจฺจเยน ปจฺจโย – อารมฺมณาธิปติ, สหชาตาธิปติ… ตีณิฯ

เหตุ ปจฺจุปฺปนฺนารมฺมโณ จ นเหตุ ปจฺจุปฺปนฺนารมฺมโณ จ ธมฺมา เหตุสฺส ปจฺจุปฺปนฺนารมฺมณสฺส ธมฺมสฺส อธิปติปจฺจเยน ปจฺจโย – อารมฺมณาธิปติ… ตีณิ (สํขิตฺตํ)ฯ

[506] เหตุยา ตีณิ, อารมฺมเณ นว, อธิปติยา นว, อนนฺตเร นว, สมนนฺตเร นว, สหชาเต นว, อญฺญมญฺเญ นว, นิสฺสเย นว, อุปนิสฺสเย นว, อาเสวเน นว, กมฺเม ตีณิ, วิปาเก นว, อาหาเร ตีณิ, อินฺทฺริเย นว…เป.… อวิคเต นว (สํขิตฺตํ)ฯ

ปจฺจนียุทฺธาโร

[507] เหตุ ปจฺจุปฺปนฺนารมฺมโณ ธมฺโม เหตุสฺส ปจฺจุปฺปนฺนารมฺมณสฺส ธมฺมสฺส อารมฺมณปจฺจเยน ปจฺจโย… สหชาตปจฺจเยน ปจฺจโย… อุปนิสฺสยปจฺจเยน ปจฺจโย (สํขิตฺตํ)ฯ

[508] นเหตุยา นว, นอารมฺมเณ นว (สํขิตฺตํ)ฯ

เหตุปจฺจยา นอารมฺมเณ ตีณิ (สํขิตฺตํ)ฯ

นเหตุปจฺจยา อารมฺมเณ นว (สํขิตฺตํ)ฯ

(ยถา กุสลตฺติเก ปญฺหาวารสฺส อนุโลมมฺปิ ปจฺจนียมฺปิ อนุโลมปจฺจนียมฺปิ ปจฺจนียานุโลมมฺปิ คณิตํ, เอวํ คเณตพฺพํฯ)

เหตุทุกอตีตารมฺมณตฺติกํ นิฏฺฐิตํฯ

1-20. เหตุทุก-อชฺฌตฺตตฺติกํ

1. อชฺฌตฺตปทํ

1-6. ปฏิจฺจวาราทิ

ปจฺจยจตุกฺกํ

เหตุปจฺจโย

[509] เหตุํ อชฺฌตฺตํ ธมฺมํ ปฏิจฺจ เหตุ อชฺฌตฺโต ธมฺโม อุปฺปชฺชติ เหตุปจฺจยา… ตีณิฯ

นเหตุํ อชฺฌตฺตํ ธมฺมํ ปฏิจฺจ นเหตุ อชฺฌตฺโต ธมฺโม อุปฺปชฺชติ เหตุปจฺจยา… ตีณิฯ

เหตุํ อชฺฌตฺตญฺจ นเหตุํ อชฺฌตฺตญฺจ ธมฺมํ ปฏิจฺจ เหตุ อชฺฌตฺโต ธมฺโม อุปฺปชฺชติ เหตุปจฺจยา… ตีณิ (สํขิตฺตํ)ฯ

[510] เหตุยา นว, อารมฺมเณ นว, อธิปติยา นว…เป.… กมฺเม นว, วิปาเก นว, อาหาเร นว…เป.… อวิคเต นว (สํขิตฺตํ)ฯ

นเหตุปจฺจยาทิ

[511] นเหตุํ อชฺฌตฺตํ ธมฺมํ ปฏิจฺจ นเหตุ อชฺฌตฺโต ธมฺโม อุปฺปชฺชติ นเหตุปจฺจยาฯ นเหตุํ อชฺฌตฺตํ ธมฺมํ ปฏิจฺจ เหตุ อชฺฌตฺโต ธมฺโม อุปฺปชฺชติ นเหตุปจฺจยาฯ (2)

เหตุํ อชฺฌตฺตํ ธมฺมํ ปฏิจฺจ นเหตุ อชฺฌตฺโต ธมฺโม อุปฺปชฺชติ นอารมฺมณปจฺจยาฯ (1)

นเหตุํ อชฺฌตฺตํ ธมฺมํ ปฏิจฺจ นเหตุ อชฺฌตฺโต ธมฺโม อุปฺปชฺชติ นอารมฺมณปจฺจยาฯ (1)

เหตุํ อชฺฌตฺตญฺจ นเหตุํ อชฺฌตฺตญฺจ ธมฺมํ ปฏิจฺจ นเหตุ อชฺฌตฺโต ธมฺโม อุปฺปชฺชติ นอารมฺมณปจฺจยาฯ (1)