เหตุปจฺจยาทิ

[310] เหตุ อาจยคามี ธมฺโม เหตุสฺส อาจยคามิสฺส ธมฺมสฺส เหตุปจฺจเยน ปจฺจโย… ตีณิฯ

เหตุ อาจยคามี ธมฺโม เหตุสฺส อาจยคามิสฺส ธมฺมสฺส อารมฺมณปจฺจเยน ปจฺจโย… นวฯ

เหตุ อาจยคามี ธมฺโม เหตุสฺส อาจยคามิสฺส ธมฺมสฺส อธิปติปจฺจเยน ปจฺจโย – อารมฺมณาธิปติ, สหชาตาธิปติ… ตีณิฯ

นเหตุ อาจยคามี ธมฺโม นเหตุสฺส อาจยคามิสฺส ธมฺมสฺส อธิปติปจฺจเยน ปจฺจโย – อารมฺมณาธิปติ, สหชาตาธิปติ… ตีณิฯ

เหตุ อาจยคามี จ นเหตุ อาจยคามี จ ธมฺมา เหตุสฺส อาจยคามิสฺส ธมฺมสฺส อธิปติปจฺจเยน ปจฺจโย – อารมฺมณาธิปติ… ตีณิ (สํขิตฺตํ)ฯ

[311] เหตุยา ตีณิ, อารมฺมเณ นว, อธิปติยา นว…เป.… อุปนิสฺสเย นว, อาเสวเน นว, กมฺเม ตีณิ, อาหาเร ตีณิ, อวิคเต นว (สํขิตฺตํ)ฯ

ปจฺจนียุทฺธาโร

[312] เหตุ อาจยคามี ธมฺโม เหตุสฺส อาจยคามิสฺส ธมฺมสฺส อารมฺมณปจฺจเยน ปจฺจโย… สหชาตปจฺจเยน ปจฺจโย… อุปนิสฺสยปจฺจเยน ปจฺจโย (สํขิตฺตํ)ฯ

[313] นเหตุยา นว, นอารมฺมเณ นว (สํขิตฺตํ)ฯ

เหตุปจฺจยา นอารมฺมเณ ตีณิ (สํขิตฺตํ)ฯ

นเหตุปจฺจยา อารมฺมเณ นว (สํขิตฺตํ)ฯ

(ยถา กุสลตฺติเก ปญฺหาวารสฺส อนุโลมมฺปิ ปจฺจนียมฺปิ อนุโลมปจฺจนียมฺปิ ปจฺจนียานุโลมมฺปิ นณิตํ, เอวํ คเณตพฺพํฯ)

2. อปจยคามิปทํ

1-6. ปฏิจฺจวาราทิ

ปจฺจยจตุกฺกํ

เหตุปจฺจโย

[314] เหตุํ อปจยคามิํ ธมฺมํ ปฏิจฺจ เหตุ อปจยคามี ธมฺโม อุปฺปชฺชติ เหตุปจฺจยา… ตีณิฯ

นเหตุํ อปจยคามิํ ธมฺมํ ปฏิจฺจ นเหตุ อปจยคามี ธมฺโม อุปฺปชฺชติ เหตุปจฺจยา… ตีณิฯ

เหตุํ อปจยคามิญฺจ นเหตุํ อปจยคามิญฺจ ธมฺมํ ปฏิจฺจ เหตุ อปจยคามี ธมฺโม อุปฺปชฺชติ เหตุปจฺจยา… ตีณิ (สํขิตฺตํ)ฯ

[315] เหตุยา นว, อารมฺมเณ นว…เป.… กมฺเม นว, อาหาเร นว…เป.… อวิคเต นว (สํขิตฺตํ)ฯ

นอธิปติปจฺจโย

[316] เหตุํ อปจยคามิํ ธมฺมํ ปฏิจฺจ เหตุ อปจยคามี ธมฺโม อุปฺปชฺชติ นอธิปติปจฺจยา (สํขิตฺตํ)ฯ

[317] นอธิปติยา ฉ, นปุเรชาเต นว, นปจฺฉาชาเต นว, นกมฺเม ตีณิ, นวิปาเก นว, นวิปฺปยุตฺเต นว (สํขิตฺตํ)ฯ

เหตุปจฺจยา นอธิปติยา ฉ (สํขิตฺตํ)ฯ

นอธิปติปจฺจยา เหตุยา ฉ (สํขิตฺตํ)ฯ

(สหชาตวาโรปิ ปจฺจยวาโรปิ นิสฺสยวาโรปิ สํสฏฺฐวาโรปิ สมฺปยุตฺตวาโรปิ ปฏิจฺจวารสทิสา วิตฺถาเรตพฺพาฯ)

7. ปญฺหาวาโร

ปจฺจยจตุกฺกํ

เหตุ-อธิปติปจฺจยา

[318] เหตุ อปจยคามี ธมฺโม เหตุสฺส อปจยคามิสฺส ธมฺมสฺส เหตุปจฺจเยน ปจฺจโย… ตีณิฯ