เหตุปจฺจยา นอธิปติยา นว (สํขิตฺตํ)ฯ

นเหตุปจฺจยา อารมฺมเณ ทฺเว (สํขิตฺตํ)ฯ

(สหชาตวาโรปิ ปจฺจยวาโรปิ นิสฺสยวาโรปิ สํสฏฺฐวาโรปิ สมฺปยุตฺตวาโรปิ ปฏิจฺจวารสทิสา วิตฺถาเรตพฺพาฯ)

7. ปญฺหาวาโร

ปจฺจยจตุกฺกํ

เหตุปจฺจยาทิ

[254] เหตุ อุเปกฺขาสหคโต ธมฺโม เหตุสฺส อุเปกฺขาสหคตสฺส ธมฺมสฺส เหตุปจฺจเยน ปจฺจโย… ตีณิฯ

เหตุ อุเปกฺขาสหคโต ธมฺโม เหตุสฺส อุเปกฺขาสหคตสฺส ธมฺมสฺส อารมฺมณปจฺจเยน ปจฺจโย… นวฯ

เหตุ อุเปกฺขาสหคโต ธมฺโม เหตุสฺส อุเปกฺขาสหคตสฺส ธมฺมสฺส อธิปติปจฺจเยน ปจฺจโย… นว (สํขิตฺตํ)ฯ

[255] เหตุยา ตีณิ, อารมฺมเณ นว, อธิปติยา นว, อนนฺตเร นว, สมนนฺตเร นว, สหชาเต นว, อญฺญมญฺเญ นว, นิสฺสเย นว, อุปนิสฺสเย นว, อาเสวเน นว, กมฺเม ตีณิ, วิปาเก นว, อาหาเร ตีณิ, อินฺทฺริเย นว, ฌาเน ตีณิ, มคฺเค นว, สมฺปยุตฺเต นว, อตฺถิยา นว, นตฺถิยา นว, วิคเต นว, อวิคเต นว (สํขิตฺตํ)ฯ

ปจฺจนียุทฺธาโร

[256] เหตุ อุเปกฺขาสหคโต ธมฺโม เหตุสฺส อุเปกฺขาสหคตสฺส ธมฺมสฺส อารมฺมณปจฺจเยน ปจฺจโย… สหชาตปจฺจเยน ปจฺจโย… อุปนิสฺสยปจฺจเยน ปจฺจโย (สํขิตฺตํ)ฯ

[257] นเหตุยา นว, นอารมฺมเณ นว (สํขิตฺตํ)ฯ

เหตุปจฺจยา นอารมฺมเณ ตีณิ (สํขิตฺตํ)ฯ

นเหตุปจฺจยา อารมฺมเณ นว (สํขิตฺตํ)ฯ

(ยถา กุสลตฺติเก ปญฺหาวารสฺส อนุโลมมฺปิ ปจฺจนียมฺปิ อนุโลมปจฺจนียมฺปิ ปจฺจนียานุโลมมฺปิ นณิตํ, เอวํ คเณตพฺพํฯ)

เหตุทุกปีติตฺติกํ นิฏฺฐิตํฯ

1-8. เหตุทุก-ทสฺสเนนปหาตพฺพตฺติกํ

1. ทสฺสเนนปหาตพฺพปทํ

1-6. ปฏิจฺจวาราทิ

ปจฺจยจตุกฺกํ

เหตุปจฺจโย

[258] เหตุํ ทสฺสเนน ปหาตพฺพํ ธมฺมํ ปฏิจฺจ เหตุ ทสฺสเนน ปหาตพฺโพ ธมฺโม อุปฺปชฺชติ เหตุปจฺจยา… ตีณิฯ

นเหตุํ ทสฺสเนน ปหาตพฺพํ ธมฺมํ ปฏิจฺจ นเหตุ ทสฺสเนน ปหาตพฺโพ ธมฺโม อุปฺปชฺชติ เหตุปจฺจยา… ตีณิฯ

เหตุํ ทสฺสเนน ปหาตพฺพญฺจ นเหตุํ ทสฺสเนน ปหาตพฺพญฺจ ธมฺมํ ปฏิจฺจ เหตุ ทสฺสเนน ปหาตพฺโพ ธมฺโม อุปฺปชฺชติ เหตุปจฺจยา… ตีณิ (สํขิตฺตํ)ฯ

[259] เหตุยา นว, อารมฺมเณ นว, อธิปติยา นว…เป.… กมฺเม นว, อาหาเร นว…เป.… อวิคเต นว (สํขิตฺตํ)ฯ

นเหตุ-นอธิปติปจฺจยา

[260] นเหตุํ ทสฺสเนน ปหาตพฺพํ ธมฺมํ ปฏิจฺจ เหตุ ทสฺสเนน ปหาตพฺโพ ธมฺโม อุปฺปชฺชติ นเหตุปจฺจยาฯ (1)

เหตุํ ทสฺสเนน ปหาตพฺพํ ธมฺมํ ปฏิจฺจ เหตุ ทสฺสเนน ปหาตพฺโพ ธมฺโม อุปฺปชฺชติ นอธิปติปจฺจยา… นวฯ

[261] นเหตุยา เอกํ, นอธิปติยา นว, นปุเรชาเต นว, นปจฺฉาชาเต นว, นอาเสวเน นว, นกมฺเม ตีณิ, นวิปาเก นว, นวิปฺปยุตฺเต นว (สํขิตฺตํ)ฯ

เหตุปจฺจยา นอธิปติยา นว (สํขิตฺตํ)ฯ