เมนู

[207] เหตุยา ตีณิ, อารมฺมเณ ตีณิ, อธิปติยา ฉ, อนนฺตเร นว, สมนนฺตเร นว, สหชาเต นว, อญฺญมญฺเญ นว, นิสฺสเย นว, อุปนิสฺสเย นว, กมฺเม ตีณิ, วิปาเก นว, อาหาเร ตีณิ, อินฺทฺริเย นว, ฌาเน ตีณิ, มคฺเค นว, สมฺปยุตฺเต นว, อตฺถิยา นว, นตฺถิยา นว, วิคเต นว, อวิคเต นว (สํขิตฺตํ)ฯ

ปจฺจนียุทฺธาโร

[208] เหตุ อสํกิลิฏฺฐอสํกิเลสิโก ธมฺโม เหตุสฺส อสํกิลิฏฺฐอสํกิเลสิกสฺส ธมฺมสฺส สหชาตปจฺจเยน ปจฺจโย… อุปนิสฺสยปจฺจเยน ปจฺจโย (สํขิตฺตํ)ฯ

[209] นเหตุยา นว นอารมฺมเณ นว (สํขิตฺตํ)ฯ

เหตุปจฺจยา นอารมฺมเณ ตีณิ (สํขิตฺตํ)ฯ

นเหตุปจฺจยา อารมฺมเณ ตีณิ (สํขิตฺตํ)ฯ

(ยถา กุสลตฺติเก ปญฺหาวารสฺส อนุโลมมฺปิ ปจฺจนียมฺปิ อนุโลมปจฺจนียมฺปิ ปจฺจนียานุโลมมฺปิ คณิตํ, เอวํ คเณตพฺพํฯ)

เหตุทุกสํกิลิฏฺฐตฺติกํ นิฏฺฐิตํฯ

1-6. เหตุทุก-วิตกฺกตฺติกํ

1. สวิตกฺกสวิจารปทํ

1-6. ปฏิจฺจวาราทิ

ปจฺจยจตุกฺกํ

เหตุปจฺจโย

[210] เหตุํ สวิตกฺกสวิจารํ ธมฺมํ ปฏิจฺจ เหตุ สวิตกฺกสวิจาโร ธมฺโม อุปฺปชฺชติ เหตุปจฺจยาฯ เหตุํ สวิตกฺกสวิจารํ ธมฺมํ ปฏิจฺจ นเหตุ สวิตกฺกสวิจาโร ธมฺโม อุปฺปชฺชติ เหตุปจฺจยาฯ เหตุํ สวิตกฺกสวิจารํ ธมฺมํ ปฏิจฺจ เหตุ สวิตกฺกสวิจาโร จ นเหตุ สวิตกฺกสวิจาโร จ ธมฺมา อุปฺปชฺชนฺติ เหตุปจฺจยาฯ (3)

นเหตุํ สวิตกฺกสวิจารํ ธมฺมํ ปฏิจฺจ นเหตุ สวิตกฺกสวิจาโร ธมฺโม อุปฺปชฺชติ เหตุปจฺจยา… ตีณิฯ

เหตุํ สวิตกฺกสวิจารญฺจ นเหตุํ สวิตกฺกสวิจารญฺจ ธมฺมํ ปฏิจฺจ เหตุ สวิตกฺกสวิจาโร ธมฺโม อุปฺปชฺชติ เหตุปจฺจยา… ตีณิ (สํขิตฺตํ)ฯ

[211] เหตุยา นว, อารมฺมเณ นว, อธิปติยา นว, อนนฺตเร นว, สมนนฺตเร นว…เป.… กมฺเม นว, วิปาเก นว…เป.… อวิคเต นว (สํขิตฺตํ)ฯ

นเหตุ-นอธิปติปจฺจยา

[212] นเหตุํ สวิตกฺกสวิจารํ ธมฺมํ ปฏิจฺจ นเหตุ สวิตกฺกสวิจาโร ธมฺโม อุปฺปชฺชติ นเหตุปจฺจยา… ทฺเวฯ

เหตุํ สวิตกฺกสวิจารํ ธมฺมํ ปฏิจฺจ เหตุ สวิตกฺกสวิจาโร ธมฺโม อุปฺปชฺชติ นอธิปติปจฺจยา (สํขิตฺตํ)ฯ

[213] นเหตุยา ทฺเว, นอธิปติยา นว, นปุเรชาเต นว, นปจฺฉาชาเต นว, นอาเสวเน นว, นกมฺเม ตีณิ, นวิปาเก นว, นมคฺเค เอกํ, นวิปฺปยุตฺเต นว (สํขิตฺตํ)ฯ

เหตุปจฺจยา นอธิปติยา นว (สํขิตฺตํ)ฯ

นเหตุปจฺจยา อารมฺมเณ ทฺเว (สํขิตฺตํ)ฯ

(สหชาตวาโรปิ ปจฺจยวาโรปิ นิสฺสยวาโรปิ สํสฏฺฐวาโรปิ สมฺปยุตฺตวาโรปิ ปฏิจฺจวารสทิสา วิตฺถาเรตพฺพาฯ)

7. ปญฺหาวาโร

ปจฺจยจตุกฺกํ

เหตุปจฺจยาทิ

[214] เหตุ สวิตกฺกสวิจาโร ธมฺโม เหตุสฺส สวิตกฺกสวิจารสฺส ธมฺมสฺส เหตุปจฺจเยน ปจฺจโย… ตีณิฯ

เหตุ สวิตกฺกสวิจาโร ธมฺโม เหตุสฺส สวิตกฺกสวิจารสฺส ธมฺมสฺส อารมฺมณปจฺจเยน ปจฺจโย… นวฯ

เหตุ สวิตกฺกสวิจาโร ธมฺโม เหตุสฺส สวิตกฺกสวิจารสฺส ธมฺมสฺส อธิปติปจฺจเยน ปจฺจโย – อารมฺมณาธิปติ, สหชาตาธิปติ… ตีณิฯ