(ยถา กุสลตฺติเก ปญฺหาวารสฺส อนุโลมมฺปิ ปจฺจนียมฺปิ อนุโลมปจฺจนียมฺปิ ปจฺจนียานุโลมมฺปิ คณิตํ, เอวํ คเณตพฺพํฯ)
เหตุทุกวิปากตฺติกํ นิฏฺฐิตํฯ
1-4. เหตุทุก-อุปาทินฺนตฺติกํ
1. อุปาทินฺนุปาทานิยปทํ
1-6. ปฏิจฺจวาราทิ
ปจฺจยจตุกฺกํ
เหตุปจฺจโย
[152] เหตุํ อุปาทินฺนุปาทานิยํ ธมฺมํ ปฏิจฺจ เหตุ อุปาทินฺนุปาทานิโย ธมฺโม อุปฺปชฺชติ เหตุปจฺจยา… ตีณิฯ
นเหตุํ อุปาทินฺนุปาทานิยํ ธมฺมํ ปฏิจฺจ นเหตุ อุปาทินฺนุปาทานิโย ธมฺโม อุปฺปชฺชติ เหตุปจฺจยา… ตีณิฯ
เหตุํ อุปาทินฺนุปาทานิยญฺจ นเหตุํ อุปาทินฺนุปาทานิยญฺจ ธมฺมํ ปฏิจฺจ เหตุ อุปาทินฺนุปาทานิโย ธมฺโม อุปฺปชฺชติ เหตุปจฺจยา… ตีณิ (สํขิตฺตํ)ฯ
[153] เหตุยา นว, อารมฺมเณ นว, อนนฺตเร นว, สมนนฺตเร นว…เป.… กมฺเม นว, วิปาเก นว…เป.… อวิคเต นว (สํขิตฺตํ)ฯ
นเหตุปจฺจยาทิ
[154] นเหตุํ อุปาทินฺนุปาทานิยํ ธมฺมํ ปฏิจฺจ นเหตุ อุปาทินฺนุปาทานิโย ธมฺโม อุปฺปชฺชติ นเหตุปจฺจยาฯ (1)
[155] เหตุํ อุปาทินฺนุปาทานิยํ ธมฺมํ ปฏิจฺจ นเหตุ อุปาทินฺนุปาทานิโย ธมฺโม อุปฺปชฺชติ นอารมฺมณปจฺจยาฯ (1)
นเหตุํ อุปาทินฺนุปาทานิยํ ธมฺมํ ปฏิจฺจ นเหตุ อุปาทินฺนุปาทานิโย ธมฺโม อุปฺปชฺชติ นอารมฺมณปจฺจยาฯ (1)
เหตุํ อุปาทินฺนุปาทานิยญฺจ นเหตุํ อุปาทินฺนุปาทานิยญฺจ ธมฺมํ ปฏิจฺจ นเหตุ อุปาทินฺนุปาทานิโย ธมฺโม อุปฺปชฺชติ นอารมฺมณปจฺจยาฯ (1)
[156] เหตุํ อุปาทินฺนุปาทานิยํ ธมฺมํ ปฏิจฺจ เหตุ อุปาทินฺนุปาทานิโย ธมฺโม อุปฺปชฺชติ นอธิปติปจฺจยา… นว…เป.…ฯ
[157] นเหตุํ อุปาทินฺนุปาทานิยํ ธมฺมํ ปฏิจฺจ นเหตุ อุปาทินฺนุปาทานิโย ธมฺโม อุปฺปชฺชติ นวิปากปจฺจยา… นอาหารปจฺจยา (สํขิตฺตํ)ฯ
[158] นเหตุยา เอกํ, นอารมฺมเณ ตีณิ, นอธิปติยา นว, นอนนฺตเร ตีณิ, นสมนนฺตเร ตีณิ, นอญฺญมญฺเญ ตีณิ, นอุปนิสฺสเย ตีณิ, นปุเรชาเต นว, นปจฺฉาชาเต นว, นอาเสวเน นว, นวิปาเก เอกํ, นอาหาเร เอกํ, นอินฺทฺริเย เอกํ, นฌาเน เอกํ , นมคฺเค เอกํ, นสมฺปยุตฺเต ตีณิ, นวิปฺปยุตฺเต นว, โนนตฺถิยา ตีณิ, โนวิคเต ตีณิฯ
เหตุปจฺจยา นอารมฺมเณ ตีณิ (สํขิตฺตํ)ฯ
นเหตุปจฺจยา อารมฺมเณ เอกํ (สํขิตฺตํ)ฯ
(สหชาตวาโรปิ ปจฺจยวาโรปิ นิสฺสยวาโรปิ สํสฏฺฐวาโรปิ สมฺปยุตฺตวาโรปิ ปฏิจฺจวารสทิสา วิตฺถาเรตพฺพาฯ)
7. ปญฺหาวาโร
ปจฺจยจตุกฺกํ
เหตุ-อารมฺมณปจฺจยา
[159] เหตุ อุปาทินฺนุปาทานิโย ธมฺโม เหตุสฺส อุปาทินฺนุปาทานิยสฺส ธมฺมสฺส เหตุปจฺจเยน ปจฺจโย… ตีณิฯ
[160] เหตุ อุปาทินฺนุปาทานิโย ธมฺโม เหตุสฺส อุปาทินฺนุปาทานิยสฺส ธมฺมสฺส อารมฺมณปจฺจเยน ปจฺจโย… ตีณิฯ
นเหตุ อุปาทินฺนุปาทานิโย ธมฺโม นเหตุสฺส อุปาทินฺนุปาทานิยสฺส ธมฺมสฺส อารมฺมณปจฺจเยน ปจฺจโย… ตีณิฯ
เหตุ อุปาทินฺนุปาทานิโย จ นเหตุ อุปาทินฺนุปาทานิโย จ ธมฺมา เหตุสฺส อุปาทินฺนุปาทานิยสฺส ธมฺมสฺส อารมฺมณปจฺจเยน ปจฺจโย… ตีณิ (สํขิตฺตํ)ฯ
