เหตุ วิปาโก จ นเหตุ วิปาโก จ ธมฺมา เหตุสฺส วิปากสฺส ธมฺมสฺส อารมฺมณปจฺจเยน ปจฺจโย… ตีณิ (ตทารมฺมณาเยว ลพฺภนฺติ)ฯ

[115] เหตุ วิปาโก ธมฺโม เหตุสฺส วิปากสฺส ธมฺมสฺส อธิปติปจฺจเยน ปจฺจโย… ตีณิ (สหชาตาธิปติเยว ลพฺภติ, อารมฺมณาธิปติ นตฺถิ)…เป.…ฯ

อุปนิสฺสยปจฺจยาทิ

[116] เหตุ วิปาโก ธมฺโม เหตุสฺส วิปากสฺส ธมฺมสฺส อุปนิสฺสยปจฺจเยน ปจฺจโย – อนนฺตรูปนิสฺสโย, ปกตูปนิสฺสโยฯ เหตุ วิปาโก ธมฺโม นเหตุสฺส วิปากสฺส ธมฺมสฺส อุปนิสฺสยปจฺจเยน ปจฺจโย – อนนฺตรูปนิสฺสโย, ปกตูปนิสฺสโยฯ เหตุ วิปาโก ธมฺโม เหตุสฺส วิปากสฺส จ นเหตุสฺส วิปากสฺส จ ธมฺมสฺส อุปนิสฺสยปจฺจเยน ปจฺจโย – อนนฺตรูปนิสฺสโย, ปกตูปนิสฺสโยฯ (3)

นเหตุ วิปาโก ธมฺโม นเหตุสฺส วิปากสฺส ธมฺมสฺส อุปนิสฺสยปจฺจเยน ปจฺจโย – อนนฺตรูปนิสฺสโย , ปกตูปนิสฺสโย…เป.… (อิตเร ทฺเว อนนฺตรูปนิสฺสโย ปกตูปนิสฺสโยเยว)ฯ

[117] นเหตุ วิปาโก ธมฺโม นเหตุสฺส วิปากสฺส ธมฺมสฺส กมฺมปจฺจเยน ปจฺจโย… ตีณิ (สหชาตกมฺมเมว, สํขิตฺตํ)ฯ

เหตุ วิปาโก ธมฺโม เหตุสฺส วิปากสฺส ธมฺมสฺส วิปากปจฺจเยน ปจฺจโย… นวฯ

นเหตุ วิปาโก ธมฺโม นเหตุสฺส วิปากสฺส ธมฺมสฺส อาหารปจฺจเยน ปจฺจโย (สํขิตฺตํ)ฯ

[118] เหตุยา ตีณิ, อารมฺมเณ นว, อธิปติยา ฉ, อนนฺตเร นว, สมนนฺตเร นว, สหชาเต นว, อญฺญมญฺเญ นว, นิสฺสเย นว, อุปนิสฺสเย นว, กมฺเม ตีณิ, วิปาเก นว, อาหาเร ตีณิ, อินฺทฺริเย นว, ฌาเน ตีณิ, มคฺเค นว, สมฺปยุตฺเต นว, อตฺถิยา นว, นตฺถิยา นว, วิคเต นว, อวิคเต นว (อนุโลมํ)ฯ

ปจฺจนียุทฺธาโร

[119] เหตุ วิปาโก ธมฺโม เหตุสฺส วิปากสฺส ธมฺมสฺส อารมฺมณปจฺจเยน ปจฺจโย… สหชาตปจฺจเยน ปจฺจโย… อุปนิสฺสยปจฺจเยน ปจฺจโย (สํขิตฺตํ)ฯ

[120] นเหตุยา นว, นอารมฺมเณ นว (สํขิตฺตํ, ปจฺจนียํ)ฯ

เหตุปจฺจยา นอารมฺมเณ ตีณิ (สํขิตฺตํ, อนุโลมปจฺจนียํ)ฯ

นเหตุปจฺจยา อารมฺมเณ นว (สํขิตฺตํ, ปจฺจนียานุโลมํ)ฯ

(ยถา กุสลตฺติเก ปญฺหาวารสฺส อนุโลมมฺปิ ปจฺจนียมฺปิ อนุโลมปจฺจนียมฺปิ ปจฺจนียานุโลมมฺปิ คณิตํ, เอวํ คเณตพฺพํฯ)

2. วิปากธมฺมปทํ

1-6. ปฏิจฺจวาราทิ

ปจฺจยจตุกฺกํ

เหตุปจฺจโย

[121] เหตุํ วิปากธมฺมธมฺมํ ปฏิจฺจ เหตุ วิปากธมฺมธมฺโม อุปฺปชฺชติ เหตุปจฺจยาฯ เหตุํ วิปากธมฺมธมฺมํ ปฏิจฺจ นเหตุ วิปากธมฺมธมฺโม อุปฺปชฺชติ เหตุปจฺจยาฯ เหตุํ วิปากธมฺมธมฺมํ ปฏิจฺจ เหตุ วิปากธมฺมธมฺโม จ นเหตุ วิปากธมฺมธมฺโม จ ธมฺมา อุปฺปชฺชนฺติ เหตุปจฺจยาฯ (3)

นเหตุํ วิปากธมฺมธมฺมํ ปฏิจฺจ นเหตุ วิปากธมฺมธมฺโม อุปฺปชฺชติ เหตุปจฺจยา… ตีณิฯ

เหตุํ วิปากธมฺมธมฺมญฺจ นเหตุํ วิปากธมฺมธมฺมญฺจ ปฏิจฺจ เหตุ วิปากธมฺมธมฺโม อุปฺปชฺชติ เหตุปจฺจยา… ตีณิ (สํขิตฺตํ)ฯ

[122] เหตุยา นว, อารมฺมเณ นว, อธิปติยา นว…เป.… กมฺเม นว, อาหาเร นว, อินฺทฺริเย นว, ฌาเน นว, มคฺเค นว, สมฺปยุตฺเต นว, วิปฺปยุตฺเต นว, อตฺถิยา นว, นตฺถิยา นว, วิคเต นว, อวิคเต นวฯ

นเหตุ-นอธิปติปจฺจยา

[123] นเหตุํ วิปากธมฺมธมฺมํ ปฏิจฺจ เหตุ วิปากธมฺมธมฺโม อุปฺปชฺชติ นเหตุปจฺจยาฯ (1)