[101] เหตุ อทุกฺขมสุขาย เวทนาย สมฺปยุตฺโต ธมฺโม เหตุสฺส อทุกฺขมสุขาย เวทนาย สมฺปยุตฺตสฺส ธมฺมสฺส อธิปติปจฺจเยน ปจฺจโย – อารมฺมณาธิปติ, สหชาตาธิปติ… ตีณิฯ
นเหตุ อทุกฺขมสุขาย เวทนาย สมฺปยุตฺโต ธมฺโม นเหตุสฺส อทุกฺขมสุขาย เวทนาย สมฺปยุตฺตสฺส ธมฺมสฺส อธิปติปจฺจเยน ปจฺจโย – อารมฺมณาธิปติ, สหชาตาธิปติ… ตีณิฯ
เหตุ อทุกฺขมสุขาย เวทนาย สมฺปยุตฺโต จ นเหตุ อทุกฺขมสุขาย เวทนาย สมฺปยุตฺโต จ ธมฺมา เหตุสฺส อทุกฺขมสุขาย เวทนาย สมฺปยุตฺตสฺส ธมฺมสฺส อธิปติปจฺจเยน ปจฺจโย – อารมฺมณาธิปติ… ตีณิ (อารมฺมณาธิปติเยว)…เป.…ฯ
อุปนิสฺสยปจฺจยาทิ
[102] เหตุ อทุกฺขมสุขาย เวทนาย สมฺปยุตฺโต ธมฺโม เหตุสฺส อทุกฺขมสุขาย เวทนาย สมฺปยุตฺตสฺส ธมฺมสฺส อุปนิสฺสยปจฺจเยน ปจฺจโย – อารมฺมณูปนิสฺสโย, อนนฺตรูปนิสฺสโย, ปกตูปนิสฺสโย… นว, อาเสวนปจฺจเยน ปจฺจโย… นวฯ
[103] นเหตุ อทุกฺขมสุขาย เวทนาย สมฺปยุตฺโต ธมฺโม นเหตุสฺส อทุกฺขมสุขาย เวทนาย สมฺปยุตฺตสฺส ธมฺมสฺส กมฺมปจฺจเยน ปจฺจโย… ตีณิฯ
[104] เหตุ อทุกฺขมสุขาย เวทนาย สมฺปยุตฺโต ธมฺโม เหตุสฺส อทุกฺขมสุขาย เวทนาย สมฺปยุตฺตสฺส ธมฺมสฺส วิปากปจฺจเยน ปจฺจโย… นว…เป.… อวิคตปจฺจเยน ปจฺจโย… นวฯ
[105] เหตุยา ตีณิ, อารมฺมเณ นว, อธิปติยา นว, อนนฺตเร นว, สมนนฺตเร นว, สหชาเต นว, อญฺญมญฺเญ นว, นิสฺสเย นว, อุปนิสฺสเย นว, อาเสวเน นว, กมฺเม ตีณิ, วิปาเก นว, อาหาเร ตีณิ, อินฺทฺริเย นว, ฌาเน ตีณิ, มคฺเค นว, สมฺปยุตฺเต นว, อตฺถิยา นว, นตฺถิยา นว, วิคเต นว, อวิคเต นว (อนุโลมํ)ฯ
ปจฺจนียุทฺธาโร
[106] เหตุ อทุกฺขมสุขาย เวทนาย สมฺปยุตฺโต ธมฺโม เหตุสฺส อทุกฺขมสุขาย เวทนาย สมฺปยุตฺตสฺส ธมฺมสฺส อารมฺมณปจฺจเยน ปจฺจโย… สหชาตปจฺจเยน ปจฺจโย… อุปนิสฺสยปจฺจเยน ปจฺจโย (สํขิตฺตํ)ฯ
[107] นเหตุยา นว, นอารมฺมเณ นว (สํขิตฺตํ, ปจฺจนียํ)ฯ
เหตุปจฺจยา นอารมฺมเณ ตีณิ (สํขิตฺตํ, อนุโลมปจฺจนียํ)ฯ
นเหตุปจฺจยา อารมฺมเณ นว (สํขิตฺตํ, ปจฺจนียานุโลมํ)ฯ
(ยถา กุสลตฺติเก ปญฺหาวารสฺส อนุโลมมฺปิ ปจฺจนียมฺปิ อนุโลมปจฺจนียมฺปิ ปจฺจนียานุโลมมฺปิ คณิตํ, เอวํ คเณตพฺพํฯ)
เหตุทุกเวทนาตฺติกํ นิฏฺฐิตํฯ
1-3. เหตุทุก-วิปากตฺติกํ
1. วิปากปทํ
1-6. ปฏิจฺจวาราทิ
ปจฺจยจตุกฺกํ
เหตุปจฺจโย
[108] เหตุํ วิปากํ ธมฺมํ ปฏิจฺจ เหตุ วิปาโก ธมฺโม อุปฺปชฺชติ เหตุปจฺจยาฯ เหตุํ วิปากํ ธมฺมํ ปฏิจฺจ นเหตุ วิปาโก ธมฺโม อุปฺปชฺชติ เหตุปจฺจยาฯ เหตุํ วิปากํ ธมฺมํ ปฏิจฺจ เหตุ วิปาโก จ นเหตุ วิปาโก จ ธมฺมา อุปฺปชฺชนฺติ เหตุปจฺจยาฯ (3)
นเหตุํ วิปากํ ธมฺมํ ปฏิจฺจ นเหตุ วิปาโก ธมฺโม อุปฺปชฺชติ เหตุปจฺจยา… ตีณิฯ
เหตุํ วิปากญฺจ นเหตุํ วิปากญฺจ ธมฺมํ ปฏิจฺจ เหตุ วิปาโก ธมฺโม อุปฺปชฺชติ เหตุปจฺจยา… ตีณิ (สํขิตฺตํ)ฯ
