เหตุปจฺจโย

[88] เหตุ ทุกฺขาย เวทนาย สมฺปยุตฺโต ธมฺโม เหตุสฺส ทุกฺขาย เวทนาย สมฺปยุตฺตสฺส ธมฺมสฺส เหตุปจฺจเยน ปจฺจโยฯ เหตุ ทุกฺขาย เวทนาย สมฺปยุตฺโต ธมฺโม นเหตุสฺส ทุกฺขาย เวทนาย สมฺปยุตฺตสฺส ธมฺมสฺส เหตุปจฺจเยน ปจฺจโยฯ เหตุ ทุกฺขาย เวทนาย สมฺปยุตฺโต ธมฺโม เหตุสฺส ทุกฺขาย เวทนาย สมฺปยุตฺตสฺส จ นเหตุสฺส ทุกฺขาย เวทนาย สมฺปยุตฺตสฺส จ ธมฺมสฺส เหตุปจฺจเยน ปจฺจโยฯ (3)

อารมฺมณปจฺจยาทิ

[89] เหตุ ทุกฺขาย เวทนาย สมฺปยุตฺโต ธมฺโม เหตุสฺส ทุกฺขาย เวทนาย สมฺปยุตฺตสฺส ธมฺมสฺส อารมฺมณปจฺจเยน ปจฺจโย… ตีณิฯ

นเหตุ ทุกฺขาย เวทนาย สมฺปยุตฺโต ธมฺโม นเหตุสฺส ทุกฺขาย เวทนาย สมฺปยุตฺตสฺส ธมฺมสฺส อารมฺมณปจฺจเยน ปจฺจโย… ตีณิฯ

เหตุ ทุกฺขาย เวทนาย สมฺปยุตฺโต จ นเหตุ ทุกฺขาย เวทนาย สมฺปยุตฺโต จ ธมฺมา เหตุสฺส ทุกฺขาย เวทนาย สมฺปยุตฺตสฺส ธมฺมสฺส อารมฺมณปจฺจเยน ปจฺจโย… ตีณิ (สํขิตฺตํ)ฯ

[90] นเหตุ ทุกฺขาย เวทนาย สมฺปยุตฺโต ธมฺโม นเหตุสฺส ทุกฺขาย เวทนาย สมฺปยุตฺตสฺส ธมฺมสฺส กมฺมปจฺจเยน ปจฺจโย… ตีณิ (สํขิตฺตํ)ฯ

[91] เหตุยา ตีณิ, อารมฺมเณ นว, อธิปติยา ตีณิ, อนนฺตเร นว, สมนนฺตเร นว, สหชาเต นว, อญฺญมญฺเญ นว, นิสฺสเย นว, อุปนิสฺสเย นว, อาเสวเน นว, กมฺเม ตีณิ, วิปาเก เอกํ, อาหาเร ตีณิ, อินฺทฺริเย ตีณิ, ฌาเน ตีณิ, มคฺเค ตีณิ, สมฺปยุตฺเต นว, อตฺถิยา นว, นตฺถิยา นว, วิคเต นว, อวิคเต นว (อนุโลมํ)ฯ

ปจฺจนียุทฺธาโร

[92] เหตุ ทุกฺขาย เวทนาย สมฺปยุตฺโต ธมฺโม เหตุสฺส ทุกฺขาย เวทนาย สมฺปยุตฺตสฺส ธมฺมสฺส อารมฺมณปจฺจเยน ปจฺจโย… สหชาตปจฺจเยน ปจฺจโย… อุปนิสฺสยปจฺจเยน ปจฺจโย (สํขิตฺตํ)ฯ

[93] นเหตุยา นว, นอารมฺมเณ นว, นอธิปติยา นว (สํขิตฺตํ, ปจฺจนียํ)ฯ

เหตุปจฺจยา นอารมฺมเณ ตีณิ (สํขิตฺตํ, อนุโลมปจฺจนียํ)ฯ

นเหตุปจฺจยา อารมฺมเณ นว (สํขิตฺตํ, ปจฺจนียานุโลมํ)ฯ

(ยถา กุสลตฺติเก ปญฺหาวารสฺส อนุโลมมฺปิ ปจฺจนียมฺปิ อนุโลมปจฺจนียมฺปิ ปจฺจนียานุโลมมฺปิ คณิตํ, เอวํ คเณตพฺพํฯ)

3. อทุกฺขมสุขายเวทนายสมฺปยุตฺตปทํ

1-6. ปฏิจฺจวาราทิ

ปจฺจยจตุกฺกํ

เหตุปจฺจโย

[94] เหตุํ อทุกฺขมสุขาย เวทนาย สมฺปยุตฺตํ ธมฺมํ ปฏิจฺจ เหตุ อทุกฺขมสุขาย เวทนาย สมฺปยุตฺโต ธมฺโม อุปฺปชฺชติ เหตุปจฺจยา… ตีณิฯ

นเหตุํ อทุกฺขมสุขาย เวทนาย สมฺปยุตฺตํ ธมฺมํ ปฏิจฺจ นเหตุ อทุกฺขมสุขาย เวทนาย สมฺปยุตฺโต ธมฺโม อุปฺปชฺชติ เหตุปจฺจยา… ตีณิฯ

เหตุํ อทุกฺขมสุขาย เวทนาย สมฺปยุตฺตญฺจ นเหตุํ อทุกฺขมสุขาย เวทนาย สมฺปยุตฺตญฺจ ธมฺมํ ปฏิจฺจ เหตุ อทุกฺขมสุขาย เวทนาย สมฺปยุตฺโต ธมฺโม อุปฺปชฺชติ เหตุปจฺจยา… ตีณิ (สํขิตฺตํ)ฯ