เมนู

อารมฺมณปจฺจยาทิ

[75] เหตุ สุขาย เวทนาย สมฺปยุตฺโต ธมฺโม เหตุสฺส สุขาย เวทนาย สมฺปยุตฺตสฺส ธมฺมสฺส อารมฺมณปจฺจเยน ปจฺจโย… ตีณิฯ

นเหตุ สุขาย เวทนาย สมฺปยุตฺโต ธมฺโม นเหตุสฺส สุขาย เวทนาย สมฺปยุตฺตสฺส ธมฺมสฺส อารมฺมณปจฺจเยน ปจฺจโย… ตีณิฯ

เหตุ สุขาย เวทนาย สมฺปยุตฺโต จ นเหตุ สุขาย เวทนาย สมฺปยุตฺโต จ ธมฺมา เหตุสฺส สุขาย เวทนาย สมฺปยุตฺตสฺส ธมฺมสฺส อารมฺมณปจฺจเยน ปจฺจโย… ตีณิฯ

[76] เหตุ สุขาย เวทนาย สมฺปยุตฺโต ธมฺโม เหตุสฺส สุขาย เวทนาย สมฺปยุตฺตสฺส ธมฺมสฺส อธิปติปจฺจเยน ปจฺจโย – อารมฺมณาธิปติ, สหชาตาธิปติ… ตีณิฯ

นเหตุ สุขาย เวทนาย สมฺปยุตฺโต ธมฺโม นเหตุสฺส สุขาย เวทนาย สมฺปยุตฺตสฺส ธมฺมสฺส อธิปติปจฺจเยน ปจฺจโย – อารมฺมณาธิปติ, สหชาตาธิปติ… ตีณิฯ

เหตุ สุขาย เวทนาย สมฺปยุตฺโต จ นเหตุ สุขาย เวทนาย สมฺปยุตฺโต จ ธมฺมา เหตุสฺส สุขาย เวทนาย สมฺปยุตฺตสฺส ธมฺมสฺส อธิปติปจฺจเยน ปจฺจโย – อารมฺมณาธิปติ… ตีณิ…เป.…ฯ

อุปนิสฺสยปจฺจยาทิ

[77] เหตุ สุขาย เวทนาย สมฺปยุตฺโต ธมฺโม เหตุสฺส สุขาย เวทนาย สมฺปยุตฺตสฺส ธมฺมสฺส อุปนิสฺสยปจฺจเยน ปจฺจโย – อารมฺมณูปนิสฺสโย , อนนฺตรูปนิสฺสโย, ปกตูปนิสฺสโย… นว (สํขิตฺตํ)ฯ

[78] นเหตุ สุขาย เวทนาย สมฺปยุตฺโต ธมฺโม นเหตุสฺส สุขาย เวทนาย สมฺปยุตฺตสฺส ธมฺมสฺส กมฺมปจฺจเยน ปจฺจโยฯ นเหตุ สุขาย เวทนาย สมฺปยุตฺโต ธมฺโม เหตุสฺส สุขาย เวทนาย สมฺปยุตฺตสฺส ธมฺมสฺส กมฺมปจฺจเยน ปจฺจโยฯ

นเหตุ สุขาย เวทนาย สมฺปยุตฺโต ธมฺโม เหตุสฺส สุขาย เวทนาย สมฺปยุตฺตสฺส จ นเหตุสฺส สุขาย เวทนาย สมฺปยุตฺตสฺส จ ธมฺมสฺส กมฺมปจฺจเยน ปจฺจโยฯ (3)

…วิปากปจฺจเยน ปจฺจโยฯ

[79] นเหตุ สุขาย เวทนาย สมฺปยุตฺโต ธมฺโม นเหตุสฺส สุขาย เวทนาย สมฺปยุตฺตสฺส ธมฺมสฺส อาหารปจฺจเยน ปจฺจโย… ตีณิ…เป.…ฯ เหตุ สุขาย เวทนาย สมฺปยุตฺโต ธมฺโม เหตุสฺส สุขาย เวทนาย สมฺปยุตฺตสฺส ธมฺมสฺส อวิคตปจฺจเยน ปจฺจโยฯ

[80] เหตุยา ตีณิ, อารมฺมเณ นว, อธิปติยา นว, อนนฺตเร นว, สมนนฺตเร นว, สหชาเต นว, อญฺญมญฺเญ นว, นิสฺสเย นว, อุปนิสฺสเย นว, อาเสวเน นว, กมฺเม ตีณิ, วิปาเก นว, อาหาเร ตีณิ, อินฺทฺริเย นว, ฌาเน ตีณิ, มคฺเค นว, สมฺปยุตฺเต นว, อตฺถิยา นว, นตฺถิยา นว, วิคเต นว, อวิคเต นวฯ

ปจฺจนียุทฺธาโร

[81] เหตุ สุขาย เวทนาย สมฺปยุตฺโต ธมฺโม เหตุสฺส สุขาย เวทนาย สมฺปยุตฺตสฺส ธมฺมสฺส อารมฺมณปจฺจเยน ปจฺจโย… สหชาตปจฺจเยน ปจฺจโย… อุปนิสฺสยปจฺจเยน ปจฺจโย (สํขิตฺตํ)ฯ

[82] นเหตุยา นว, นอารมฺมเณ นว…เป.… โนอวิคเต นว (ปจฺจนียํ)ฯ

เหตุปจฺจยา นอารมฺมเณ ตีณิ (สํขิตฺตํ, อนุโลมปจฺจนียํ)ฯ

นเหตุปจฺจยา อารมฺมเณ นว (สํขิตฺตํ, ปจฺจนียานุโลมํ)ฯ

(ยถา กุสลตฺติเก ปญฺหาวารสฺส อนุโลมมฺปิ ปจฺจนียมฺปิ อนุโลมปจฺจนียมฺปิ ปจฺจนียานุโลมมฺปิ คณิตํ, เอวํ คเณตพฺพํฯ)

2. ทุกฺขายเวทนายสมฺปยุตฺตปทํ

1. ปฏิจฺจวาราทิ

ปจฺจยจตุกฺกํ