เหตุปจฺจโย
[44] สํกิลิฏฺฐํ ธมฺมํ ปจฺจยา สํกิลิฏฺโฐ ธมฺโม อุปฺปชฺชติ เหตุปจฺจยา… ตีณิ (ปฏิจฺจสทิสํ)ฯ
อสํกิลิฏฺฐํ ธมฺมํ ปจฺจยา อสํกิลิฏฺโฐ ธมฺโม อุปฺปชฺชติ เหตุปจฺจยา – อสํกิลิฏฺฐํ เอกํ ขนฺธํ ปจฺจยา ตโย ขนฺธา จิตฺตสมุฏฺฐานญฺจ รูปํ…เป.… ทฺเว ขนฺเธ…เป.… ปฏิสนฺธิกฺขเณ…เป.… (ยาว อชฺฌตฺติกา มหาภูตา) วตฺถุํ ปจฺจยา อสํกิลิฏฺฐา ขนฺธาฯ (1)
อสํกิลิฏฺฐํ ธมฺมํ ปจฺจยา สํกิลิฏฺโฐ ธมฺโม อุปฺปชฺชติ เหตุปจฺจยา – วตฺถุํ ปจฺจยา สํกิลิฏฺฐา ขนฺธาฯ (2)
อสํกิลิฏฺฐํ ธมฺมํ ปจฺจยา สํกิลิฏฺโฐ จ อสํกิลิฏฺโฐ จ ธมฺมา อุปฺปชฺชนฺติ เหตุปจฺจยา – วตฺถุํ ปจฺจยา สํกิลิฏฺฐา ขนฺธา, มหาภูเต ปจฺจยา จิตฺตสมุฏฺฐานํ รูปํฯ (3)
[45] สํกิลิฏฺฐญฺจ อสํกิลิฏฺฐญฺจ ธมฺมํ ปจฺจยา สํกิลิฏฺโฐ ธมฺโม อุปฺปชฺชติ เหตุปจฺจยา – สํกิลิฏฺฐํ เอกํ ขนฺธญฺจ วตฺถุญฺจ ปจฺจยา ตโย ขนฺธา…เป.… ทฺเว ขนฺเธ จ…เป.…ฯ (1)
สํกิลิฏฺฐญฺจ อสํกิลิฏฺฐญฺจ ธมฺมํ ปจฺจยา อสํกิลิฏฺโฐ ธมฺโม อุปฺปชฺชติ เหตุปจฺจยา – สํกิลิฏฺเฐ ขนฺเธ จ มหาภูเต จ ปจฺจยา จิตฺตสมุฏฺฐานํ รูปํฯ (2)
สํกิลิฏฺฐญฺจ อสํกิลิฏฺฐญฺจ ธมฺมํ ปจฺจยา สํกิลิฏฺโฐ จ อสํกิลิฏฺโฐ จ ธมฺมา อุปฺปชฺชนฺติ เหตุปจฺจยา – สํกิลิฏฺฐํ เอกํ ขนฺธญฺจ วตฺถุญฺจ ปจฺจยา ตโย ขนฺธา…เป.… ทฺเว ขนฺเธ จ…เป.… สํกิลิฏฺเฐ ขนฺเธ จ มหาภูเต จ ปจฺจยา จิตฺตสมุฏฺฐานํ รูปํ (สํขิตฺตํ)ฯ (3)
1. ปจฺจยานุโลมํ
2. สงฺขฺยาวาโร