อนิยฺยานิกํ ธมฺมํ ปจฺจยา อนิยฺยานิโก ธมฺโม อุปฺปชฺชติ เหตุปจฺจยา – อนิยฺยานิกํ เอกํ ขนฺธํ ปจฺจยา ตโย ขนฺธา จิตฺตสมุฏฺฐานญฺจ รูปํ…เป.… ทฺเว ขนฺเธ…เป.… (ยาว อชฺฌตฺติกา มหาภูตา) วตฺถุํ ปจฺจยา อนิยฺยานิกา ขนฺธาฯ อนิยฺยานิกํ ธมฺมํ ปจฺจยา นิยฺยานิโก ธมฺโม อุปฺปชฺชติ เหตุปจฺจยา – วตฺถุํ ปจฺจยา นิยฺยานิกา ขนฺธาฯ อนิยฺยานิกํ ธมฺมํ ปจฺจยา นิยฺยานิโก จ อนิยฺยานิโก จ ธมฺมา อุปฺปชฺชนฺติ เหตุปจฺจยา – วตฺถุํ ปจฺจยา นิยฺยานิกา ขนฺธา, มหาภูเต ปจฺจยา จิตฺตสมุฏฺฐานํ รูปํฯ (3)

[307] นิยฺยานิกญฺจ อนิยฺยานิกญฺจ ธมฺมํ ปจฺจยา นิยฺยานิโก ธมฺโม อุปฺปชฺชติ เหตุปจฺจยา – นิยฺยานิกํ เอกํ ขนฺธญฺจ วตฺถุญฺจ ปจฺจยา ตโย ขนฺธา…เป.… ทฺเว ขนฺเธ จ…เป.…ฯ นิยฺยานิกญฺจ อนิยฺยานิกญฺจ ธมฺมํ ปจฺจยา อนิยฺยานิโก ธมฺโม อุปฺปชฺชติ เหตุปจฺจยา – นิยฺยานิเก ขนฺเธ จ มหาภูเต จ ปจฺจยา จิตฺตสมุฏฺฐานํ รูปํฯ นิยฺยานิกญฺจ อนิยฺยานิกญฺจ ธมฺมํ ปจฺจยา นิยฺยานิโก จ อนิยฺยานิโก จ ธมฺมา อุปฺปชฺชนฺติ เหตุปจฺจยา – นิยฺยานิกํ เอกํ ขนฺธญฺจ วตฺถุญฺจ ปจฺจยา ตโย ขนฺธา…เป.… ทฺเว ขนฺเธ จ…เป.… นิยฺยานิเก ขนฺเธ จ มหาภูเต จ ปจฺจยา จิตฺตสมุฏฺฐานํ รูปํฯ (3)

1. ปจฺจยานุโลมํ

2. สงฺขฺยาวาโร

[308] เหตุยา นว, อารมฺมเณ จตฺตาริ, อธิปติยา นว, อนนฺตเร จตฺตาริ, สมนนฺตเร จตฺตาริ, สหชาเต นว, อญฺญมญฺเญ จตฺตาริ, นิสฺสเย นว, อุปนิสฺสเย จตฺตาริ, ปุเรชาเต จตฺตาริ, อาเสวเน จตฺตาริ, กมฺเม นว, วิปาเก เอกํ…เป.… อวิคเต นวฯ

2. ปจฺจยปจฺจนียํ

1. วิภงฺควาโร

นเหตุปจฺจโย

[309] อนิยฺยานิกํ ธมฺมํ ปจฺจยา อนิยฺยานิโก ธมฺโม อุปฺปชฺชติ นเหตุปจฺจยา – อเหตุกํ อนิยฺยานิกํ เอกํ ขนฺธํ ปจฺจยา ตโย ขนฺธา จิตฺตสมุฏฺฐานญฺจ รูปํ…เป.… ทฺเว ขนฺเธ…เป.… (ยาว อสญฺญสตฺตา) จกฺขายตนํ ปจฺจยา จกฺขุวิญฺญาณํ…เป.… กายายตนํ ปจฺจยา กายวิญฺญาณํ, วตฺถุํ ปจฺจยา อเหตุกา อนิยฺยานิกา ขนฺธา, วิจิกิจฺฉาสหคเต อุทฺธจฺจสหคเต ขนฺเธ จ วตฺถุญฺจ ปจฺจยา วิจิกิจฺฉาสหคโต อุทฺธจฺจสหคโต โมโหฯ (1)

นอารมฺมณปจฺจยาทิ

[310] นิยฺยานิกํ ธมฺมํ ปจฺจยา อนิยฺยานิโก ธมฺโม อุปฺปชฺชติ นอารมฺมณปจฺจยา… ตีณิฯ

นิยฺยานิกํ ธมฺมํ ปจฺจยา นิยฺยานิโก ธมฺโม อุปฺปชฺชติ นอธิปติปจฺจยา – นิยฺยานิเก ขนฺเธ ปจฺจยา นิยฺยานิกาธิปติฯ (1)

อนิยฺยานิกํ ธมฺมํ ปจฺจยา อนิยฺยานิโก ธมฺโม อุปฺปชฺชติ นอธิปติปจฺจยา – อนิยฺยานิกํ เอกํ ขนฺธํ ปจฺจยา…เป.… (ยาว อสญฺญสตฺตา) จกฺขายตนํ ปจฺจยา จกฺขุวิญฺญาณํ…เป.… กายายตนํ ปจฺจยา กายวิญฺญาณํ, วตฺถุํ ปจฺจยา อนิยฺยานิกา ขนฺธาฯ อนิยฺยานิกํ ธมฺมํ ปจฺจยา นิยฺยานิโก ธมฺโม อุปฺปชฺชติ นอธิปติปจฺจยา – วตฺถุํ ปจฺจยา นิยฺยานิกาธิปติฯ (2)

นิยฺยานิกญฺจ อนิยฺยานิกญฺจ ธมฺมํ ปจฺจยา นิยฺยานิโก ธมฺโม อุปฺปชฺชติ นอธิปติปจฺจยา – นิยฺยานิเก ขนฺเธ จ วตฺถุญฺจ ปจฺจยา นิยฺยานิกาธิปติฯ (1)

2. ปจฺจยปจฺจนียํ

2. สงฺขฺยาวาโร

[311] นเหตุยา เอกํ, นอารมฺมเณ ตีณิ, นอธิปติยา จตฺตาริ, นอนนฺตเร ตีณิ…เป.… นอุปนิสฺสเย ตีณิ, นปุเรชาเต จตฺตาริ, นปจฺฉาชาเต นว, นอาเสวเน เอกํ, นกมฺเม จตฺตาริ, นวิปาเก นว, นอาหาเร เอกํ, นอินฺทฺริเย เอกํ, นฌาเน เอกํ, นมคฺเค เอกํ, นสมฺปยุตฺเต ตีณิ, นวิปฺปยุตฺเต ทฺเว, โนนตฺถิยา ตีณิ, โนวิคเต ตีณิฯ

4. นิสฺสยวาโร

(เอวํ อิตเร ทฺเว คณนาปิ นิสฺสยวาโรปิ กาตพฺโพฯ)

5. สํสฏฺฐวาโร

1-4. ปจฺจยานุโลมาทิ

[312] นิยฺยานิกํ ธมฺมํ สํสฏฺโฐ นิยฺยานิโก ธมฺโม อุปฺปชฺชติ เหตุปจฺจยา – นิยฺยานิกํ เอกํ ขนฺธํ สํสฏฺฐา ตโย ขนฺธา…เป.… ทฺเว ขนฺเธ…เป.…ฯ (1)