เมนู

[183] อุเปกฺขาสหคตํ ธมฺมํ ปจฺจยา อุเปกฺขาสหคโต ธมฺโม อุปฺปชฺชติ เหตุปจฺจยา – อุเปกฺขาสหคตํ เอกํ ขนฺธํ ปจฺจยา ทฺเว ขนฺธา, ทฺเว ขนฺเธ…เป.… ปฏิสนฺธิกฺขเณ…เป.… (ยถา สวิตกฺกทุกสทิสํ ปจฺจยวาเร นานากรณํฯ ‘‘อุเปกฺข’’นฺติ นวปิ ปญฺหา กาตพฺพา, ปฏิสนฺธิปวตฺติปิ วตฺถุปิฯ)

เหตุยา นว, อารมฺมเณ นว…เป.… ปุเรชาเต นว, อาเสวเน นว (สพฺพตฺถ นว), อวิคเต นวฯ

อนุโลมํฯ

[184] อุเปกฺขาสหคตํ ธมฺมํ ปจฺจยา อุเปกฺขาสหคโต ธมฺโม อุปฺปชฺชติ นเหตุปจฺจยา – อเหตุกํ อุเปกฺขาสหคตํ เอกํ ขนฺธํ ปจฺจยา ทฺเว ขนฺธา, ทฺเว ขนฺเธ…เป.… อเหตุกปฏิสนฺธิกฺขเณ…เป.… วิจิกิจฺฉาสหคเต อุทฺธจฺจสหคเต ขนฺเธ ปจฺจยา วิจิกิจฺฉาสหคโต อุทฺธจฺจสหคโต โมโหฯ (เอวํ นวปิ ปญฺหา ปวตฺติปฏิสนฺธิโย ยถา สวิตกฺกทุกสฺส เอวํ กาตพฺพาฯ ตีณิเยว โมโห, ปวตฺเต วตฺถุปิ กาตพฺพาฯ)

นเหตุยา นว, นอารมฺมเณ ตีณิ, นอธิปติยา นว, นอนนฺตเร ตีณิ, นสมนนฺตเร ตีณิ, นอุปนิสฺสเย ตีณิ, นปุเรชาเต นว, นปจฺฉาชาเต นว, นอาเสวเน นว, นกมฺเม จตฺตาริ, นวิปาเก นว, นอาหาเร เอกํ, นอินฺทฺริเย เอกํ, นฌาเน เอกํ, นมคฺเค นว, นสมฺปยุตฺเต ตีณิ, นวิปฺปยุตฺเต ฉ, โนนตฺถิยา ตีณิ, โนวิคเต ตีณิฯ

ปจฺจนียํฯ

4. นิสฺสยวาโร

(เอวํ อิตเร ทฺเว คณนาปิ นิสฺสยวาโรปิ กาตพฺโพฯ)

5. สํสฏฺฐวาโร

1-4. ปจฺจยานุโลมาทิ

เหตุปจฺจโย

[185] อุเปกฺขาสหคตํ ธมฺมํ สํสฏฺโฐ อุเปกฺขาสหคโต ธมฺโม อุปฺปชฺชติ เหตุปจฺจยา – อุเปกฺขาสหคตํ เอกํ ขนฺธํ สํสฏฺฐา ทฺเว ขนฺธา, ทฺเว ขนฺเธ …เป.… ปฏิสนฺธิกฺขเณ…เป.…ฯ (ยถา สวิตกฺกทุกํ สมฺปยุตฺตวาโร เอวํ กาตพฺโพฯ)

เหตุยา ฉ, อารมฺมเณ ฉ (สพฺพตฺถ ฉ), อวิคเต ฉฯ

อนุโลมํฯ

อุเปกฺขาสหคตํ ธมฺมํ สํสฏฺโฐ อุเปกฺขาสหคโต ธมฺโม อุปฺปชฺชติ นเหตุปจฺจยา – อเหตุกํ อุเปกฺขาสหคตํ เอกํ ขนฺธํ สํสฏฺฐา ทฺเว ขนฺธา, ทฺเว ขนฺเธ…เป.… อเหตุกปฏิสนฺธิกฺขเณ…เป.… วิจิกิจฺฉาสหคเต อุทฺธจฺจสหคเต ขนฺเธ สํสฏฺโฐ วิจิกิจฺฉาสหคโต อุทฺธจฺจสหคโต โมโหฯ (เอวํ ปญฺจ ปญฺหา ยถา สวิตกฺกทุเก เอวํ กาตพฺพาฯ)

นเหตุยา ฉ, นอธิปติยา ฉ, นปุเรชาเต ฉ, นปจฺฉาชาเต ฉ, นอาเสวเน ฉ, นกมฺเม จตฺตาริ, นวิปาเก ฉ, นวิปฺปยุตฺเต ฉฯ

ปจฺจนียํฯ

6. สมฺปยุตฺตวาโร

(เอวํ อิตเร ทฺเว คณนาปิ สมฺปยุตฺตวาโรปิ กาตพฺโพฯ)

7. ปญฺหาวาโร

1. ปจฺจยานุโลมํ

1. วิภงฺควาโร

เหตุปจฺจยาทิ

[186] อุเปกฺขาสหคโต ธมฺโม อุเปกฺขาสหคตสฺส ธมฺมสฺส เหตุปจฺจเยน ปจฺจโย – อุเปกฺขาสหคตา เหตู สมฺปยุตฺตกานํ ขนฺธานํ เหตุปจฺจเยน ปจฺจโย; ปฏิสนฺธิกฺขเณ…เป.…ฯ (เอวํ จตฺตาริ ปญฺหา ยถา สวิตกฺกทุกสฺสฯ)

อุเปกฺขาสหคโต ธมฺโม อุเปกฺขาสหคตสฺส ธมฺมสฺส อารมฺมณปจฺจเยน ปจฺจโย… อธิปติปจฺจเยน ปจฺจโยฯ (ยถา สปฺปีติกทุกํ เอวํ อารมฺมณมฺปิ อธิปติปิ วิตฺถาเรตพฺพา, ‘‘อุเปกฺขา’’ติ นานํฯ)