เมนู

นเหตุปจฺจโย

[144] สปฺปีติกํ ธมฺมํ ปฏิจฺจ สปฺปีติโก ธมฺโม อุปฺปชฺชติ นเหตุปจฺจยา – อเหตุกํ สปฺปีติกํ เอกํ ขนฺธํ ปฏิจฺจ ตโย ขนฺธา…เป.… ทฺเว ขนฺเธ…เป.…ฯ สปฺปีติกํ ธมฺมํ ปฏิจฺจ อปฺปีติโก ธมฺโม อุปฺปชฺชติ นเหตุปจฺจยา – อเหตุเก สปฺปีติเก ขนฺเธ ปฏิจฺจ ปีติ จ จิตฺตสมุฏฺฐานญฺจ รูปํฯ สปฺปีติกํ ธมฺมํ ปฏิจฺจ สปฺปีติโก จ อปฺปีติโก จ ธมฺมา อุปฺปชฺชนฺติ นเหตุปจฺจยา – อเหตุกํ สปฺปีติกํ เอกํ ขนฺธํ ปฏิจฺจ ตโย ขนฺธา ปีติ จ จิตฺตสมุฏฺฐานญฺจ รูปํ…เป.… ทฺเว ขนฺเธ…เป.…ฯ (3)

อปฺปีติกํ ธมฺมํ ปฏิจฺจ อปฺปีติโก ธมฺโม อุปฺปชฺชติ นเหตุปจฺจยา – อเหตุกํ อปฺปีติกํ เอกํ ขนฺธํ ปฏิจฺจ ตโย ขนฺธา จิตฺตสมุฏฺฐานญฺจ รูปํ…เป.… ทฺเว ขนฺเธ…เป.… ปีติํ ปฏิจฺจ จิตฺตสมุฏฺฐานํ รูปํ; อเหตุกปฏิสนฺธิกฺขเณ อปฺปีติกํ เอกํ ขนฺธํ ปฏิจฺจ ตโย ขนฺธา กฏตฺตา จ รูปํ…เป.… ทฺเว ขนฺเธ ปฏิจฺจ ทฺเว ขนฺธา กฏตฺตา จ รูปํ, ขนฺเธ ปฏิจฺจ วตฺถุ, วตฺถุํ ปฏิจฺจ ขนฺธา, เอกํ มหาภูตํ…เป.… (ยาว อสญฺญสตฺตาปิ) วิจิกิจฺฉาสหคเต อุทฺธจฺจสหคเต ขนฺเธ ปฏิจฺจ วิจิกิจฺฉาสหคโต อุทฺธจฺจสหคโต โมโหฯ อปฺปีติกํ ธมฺมํ ปฏิจฺจ สปฺปีติโก ธมฺโม อุปฺปชฺชติ นเหตุปจฺจยา – อเหตุกํ ปีติํ ปฏิจฺจ สปฺปีติกา ขนฺธาฯ (มูลํ กาตพฺพํฯ) ปีติํ ปฏิจฺจ สปฺปีติกา ขนฺธา จิตฺตสมุฏฺฐานญฺจ รูปํฯ (3)

[145] สปฺปีติกญฺจ อปฺปีติกญฺจ ธมฺมํ ปฏิจฺจ สปฺปีติโก ธมฺโม อุปฺปชฺชติ นเหตุปจฺจยา – อเหตุกํ สปฺปีติกํ เอกํ ขนฺธญฺจ ปีติญฺจ ปฏิจฺจ ตโย ขนฺธา…เป.… ทฺเว ขนฺเธ จ…เป.…ฯ สปฺปีติกญฺจ อปฺปีติกญฺจ ธมฺมํ ปฏิจฺจ อปฺปีติโก ธมฺโม อุปฺปชฺชติ นเหตุปจฺจยา – อเหตุเก สปฺปีติเก ขนฺเธ จ ปีติญฺจ ปฏิจฺจ จิตฺตสมุฏฺฐานํ รูปํ, อเหตุเก สปฺปีติเก ขนฺเธ จ มหาภูเต จ ปฏิจฺจ จิตฺตสมุฏฺฐานํ รูปํฯ สปฺปีติกญฺจ อปฺปีติกญฺจ ธมฺมํ ปฏิจฺจ สปฺปีติโก จ อปฺปีติโก จ ธมฺมา อุปฺปชฺชนฺติ นเหตุปจฺจยา – อเหตุกํ สปฺปีติกํ เอกํ ขนฺธญฺจ ปีติญฺจ ปฏิจฺจ ตโย ขนฺธา จิตฺตสมุฏฺฐานญฺจ รูปํ…เป.… ทฺเว ขนฺเธ จ…เป.… อเหตุกํ สปฺปีติกํ เอกํ ขนฺธญฺจ ปีติญฺจ ปฏิจฺจ ตโย ขนฺธา…เป.… ทฺเว ขนฺเธ จ…เป.… อเหตุเก สปฺปีติเก ขนฺเธ จ ปีติญฺจ มหาภูเต จ ปฏิจฺจ จิตฺตสมุฏฺฐานํ รูปํฯ (3)

2. ปจฺจยปจฺจนียํ

2. สงฺขฺยาวาโร

สุทฺธํ

[146] นเหตุยา นว, นอารมฺมเณ ตีณิ, นอธิปติยา นว, นอนนฺตเร ตีณิ…เป.… นอุปนิสฺสเย ตีณิ, นปุเรชาเต นว, นปจฺฉาชาเต นว, นอาเสวเน นว, นกมฺเม จตฺตาริ, นวิปาเก นว, นอาหาเร เอกํ, นอินฺทฺริเย เอกํ, นฌาเน เอกํ, นมคฺเค นว, นสมฺปยุตฺเต ตีณิ, นวิปฺปยุตฺเต ฉ, โนนตฺถิยา ตีณิ, โนวิคเต ตีณิฯ

2. สหชาตวาโร

(เอวํ อิตเร ทฺเว คณนาปิ สหชาตวาโรปิ กาตพฺโพฯ)

3. ปจฺจยวาโร

1-4. ปจฺจยานุโลมาทิ

[147] สปฺปีติกํ ธมฺมํ ปจฺจยา สปฺปีติโก ธมฺโม อุปฺปชฺชติ เหตุปจฺจยาฯ (สํขิตฺตํฯ ยถา สวิตกฺกทุเก อนุโลมปจฺจยวารํ, เอวํ ปวตฺติปฏิสนฺธิ นว ปญฺหา ปริปุณฺณา ปีติ นินฺนานากรณาฯ)

เหตุยา นว, อารมฺมเณ นว, อธิปติยา นว…เป.… อวิคเต นวฯ

อนุโลมํฯ

สปฺปีติกํ ธมฺมํ ปจฺจยา สปฺปีติโก ธมฺโม อุปฺปชฺชติ นเหตุปจฺจยา… ตีณิ (ปฏิจฺจสทิสา)ฯ

อปฺปีติกํ ธมฺมํ ปจฺจยา อปฺปีติโก ธมฺโม อุปฺปชฺชติ นเหตุปจฺจยาฯ (ปวตฺติปฏิสนฺธิ กาตพฺพา ปฏิจฺจวารสทิสา, ยาว อสญฺญสตฺตาฯ) จกฺขายตนํ ปจฺจยา จกฺขุวิญฺญาณํ…เป.… กายายตนํ ปจฺจยา กายวิญฺญาณํ, วตฺถุํ ปจฺจยา อเหตุกา อปฺปีติกา ขนฺธา ปีติ จ, วิจิกิจฺฉาสหคเต อุทฺธจฺจสหคเต ขนฺเธ จ วตฺถุญฺจ ปจฺจยา วิจิกิจฺฉาสหคโต อุทฺธจฺจสหคโต โมโหฯ (อนุโลมสทิสา นว ปญฺหา, ปวตฺติเยว ปฏิสนฺธิ นตฺถิ, เอโกเยว โมโหฯ)

นเหตุยา นว, นอารมฺมเณ ตีณิ, นอธิปติยา นว, นอนนฺตเร ตีณิ…เป.… นอุปนิสฺสเย ตีณิ, นปุเรชาเต นว, นปจฺฉาชาเต นว, นอาเสวเน นว, นกมฺเม นว, นวิปาเก นว, นอาหาเร เอกํ, นอินฺทฺริเย เอกํ, นฌาเน เอกํ, นมคฺเค นว, นสมฺปยุตฺเต ตีณิ, นวิปฺปยุตฺเต ฉ, โนนตฺถิยา ตีณิ, โนวิคเต ตีณิฯ

ปจฺจนียํฯ

4. นิสฺสยวาโร

(เอวํ อิตเร ทฺเว คณนาปิ นิสฺสยวาโรปิ กาตพฺโพฯ)

5. สํสฏฺฐวาโร

1-4. ปจฺจยานุโลมาทิ