เมนู

เหตุปจฺจโย

[126] เหตุสมฺปยุตฺตํ ธมฺมํ ปฏิจฺจ เหตุสมฺปยุตฺโต ธมฺโม อุปฺปชฺชติ เหตุปจฺจยา – เหตุสมฺปยุตฺตํ เอกํ ขนฺธํ ปฏิจฺจ ตโย ขนฺธา…เป.… ทฺเว ขนฺเธ…เป.… ปฏิสนฺธิกฺขเณ…เป.…ฯ (1)

เหตุสมฺปยุตฺตํ ธมฺมํ ปฏิจฺจ เหตุวิปฺปยุตฺโต ธมฺโม อุปฺปชฺชติ เหตุปจฺจยา – เหตุสมฺปยุตฺเต ขนฺเธ ปฏิจฺจ จิตฺตสมุฏฺฐานํ รูปํ; ปฏิสนฺธิกฺขเณ…เป.…ฯ (2)

(อิมินา การเณน วิตฺถาเรตพฺพํ ยถา สเหตุกทุกํ นินฺนานากรณํฯ)

เหตุสมฺปยุตฺตทุกํ นิฏฺฐิตํฯ

4. เหตุสเหตุกทุกํ

1. ปฏิจฺจวาโร

1. ปจฺจยานุโลมํ

1. วิภงฺควาโร

เหตุปจฺจโย

[127] เหตุญฺเจว สเหตุกญฺจ ธมฺมํ ปฏิจฺจ เหตุ เจว สเหตุโก จ ธมฺโม อุปฺปชฺชติ เหตุปจฺจยา – อโลภํ ปฏิจฺจ อโทโส อโมโห (จกฺกํ)ฯ โลภํ ปฏิจฺจ โมโห (จกฺกํ); ปฏิสนฺธิกฺขเณ อโลภํ ปฏิจฺจ อโทโส อโมโห (จกฺกํ)ฯ (1)

เหตุญฺเจว สเหตุกญฺจ ธมฺมํ ปฏิจฺจ สเหตุโก เจว น จ เหตุ ธมฺโม อุปฺปชฺชติ เหตุปจฺจยา – เหตุํ ปฏิจฺจ สมฺปยุตฺตกา ขนฺธา; ปฏิสนฺธิกฺขเณ…เป.…ฯ (2)

เหตุญฺเจว สเหตุกญฺจ ธมฺมํ ปฏิจฺจ เหตุ เจว สเหตุโก จ สเหตุโก เจว น จ เหตุ จ ธมฺมา อุปฺปชฺชนฺติ เหตุปจฺจยา – อโลภํ ปฏิจฺจ อโทโส อโมโห สมฺปยุตฺตกา จ ขนฺธา (จกฺกํ)ฯ โลภํ ปฏิจฺจ โมโห สมฺปยุตฺตกา จ ขนฺธา (จกฺกํ); ปฏิสนฺธิกฺขเณ…เป.…ฯ (3)

[128] สเหตุกญฺเจว น จ เหตุํ ธมฺมํ ปฏิจฺจ สเหตุโก เจว น จ เหตุ ธมฺโม อุปฺปชฺชติ เหตุปจฺจยา – สเหตุกญฺเจว น จ เหตุํ เอกํ ขนฺธํ ปฏิจฺจ ตโย ขนฺธา…เป.… ทฺเว ขนฺเธ…เป.… ปฏิสนฺธิกฺขเณ…เป.…ฯ(1)

สเหตุกญฺเจว น จ เหตุํ ธมฺมํ ปฏิจฺจ เหตุ เจว สเหตุโก จ ธมฺโม อุปฺปชฺชติ เหตุปจฺจยา – สเหตุเก เจว น จ เหตู ขนฺเธ ปฏิจฺจ เหตู; ปฏิสนฺธิกฺขเณ…เป.…ฯ (2)

สเหตุกญฺเจว น จ เหตุํ ธมฺมํ ปฏิจฺจ เหตุ เจว สเหตุโก จ สเหตุโก เจว น จ เหตุ จ ธมฺมา อุปฺปชฺชนฺติ เหตุปจฺจยา – สเหตุกญฺเจว น จ เหตุํ เอกํ ขนฺธํ ปฏิจฺจ ตโย ขนฺธา เหตุ จ…เป.… ทฺเว ขนฺเธ…เป.… ปฏิสนฺธิกฺขเณ…เป.…ฯ (3)

[129] เหตุญฺเจว สเหตุกญฺจ สเหตุกญฺเจว น จ เหตุญฺจ ธมฺมํ ปฏิจฺจ เหตุ เจว สเหตุโก จ ธมฺโม อุปฺปชฺชติ เหตุปจฺจยา – อโลภญฺจ สมฺปยุตฺตเก จ ขนฺเธ ปฏิจฺจ อโทโส อโมโห (จกฺกํ)ฯ โลภญฺจ สมฺปยุตฺตเก จ ขนฺเธ ปฏิจฺจ โมโห (จกฺกํ); ปฏิสนฺธิกฺขเณ…เป.…ฯ (1)

เหตุญฺเจว สเหตุกญฺจ สเหตุกญฺเจว น จ เหตุญฺจ ธมฺมํ ปฏิจฺจ สเหตุโก เจว น จ เหตุ ธมฺโม อุปฺปชฺชติ เหตุปจฺจยา – สเหตุกญฺเจว น จ เหตุํ เอกํ ขนฺธญฺจ เหตุญฺจ ปฏิจฺจ ตโย ขนฺธา…เป.… ทฺเว ขนฺเธ…เป.… ปฏิสนฺธิกฺขเณ…เป.…ฯ (2)

เหตุญฺเจว สเหตุกญฺจ สเหตุกญฺเจว น จ เหตุญฺจ ธมฺมํ ปฏิจฺจ เหตุ เจว สเหตุโก จ สเหตุโก เจว น จ เหตุ จ ธมฺมา อุปฺปชฺชนฺติ เหตุปจฺจยา – สเหตุกญฺเจว น จ เหตุํ เอกํ ขนฺธญฺจ อโลภญฺจ ปฏิจฺจ ตโย ขนฺธา อโทโส อโมโห จ…เป.… ทฺเว ขนฺเธ…เป.… ปฏิสนฺธิกฺขเณ…เป.…ฯ (3)

(สํขิตฺตํฯ เอวํ วิตฺถาเรตพฺพํฯ)

1. ปจฺจยานุโลมํ

2. สงฺขฺยาวาโร

สุทฺธํ

[130] เหตุยา นว, อารมฺมเณ นว, อธิปติยา นว, อนนฺตเร นว…เป.… (สพฺพตฺถ นว), อวิคเต นว (เอวํ คเณตพฺพํ)ฯ

อนุโลมํฯ

2. ปจฺจยปจฺจนียํ

1. วิภงฺควาโร