เหตุปจฺจโย

[239] จิตฺตสหภุํ ธมฺมํ ปฏิจฺจ จิตฺตสหภู ธมฺโม อุปฺปชฺชติ เหตุปจฺจยา – จิตฺตสหภุํ เอกํ ขนฺธํ ปฏิจฺจ ทฺเว ขนฺธา จิตฺตสหภุ จิตฺตสมุฏฺฐานญฺจ รูปํ , ทฺเว ขนฺเธ…เป.… ปฏิสนฺธิกฺขเณ จิตฺตสหภุํ เอกํ ขนฺธํ ปฏิจฺจ ทฺเว ขนฺธา, ทฺเว ขนฺเธ…เป.…ฯ (1)

จิตฺตสหภุํ ธมฺมํ ปฏิจฺจ โนจิตฺตสหภู ธมฺโม อุปฺปชฺชติ เหตุปจฺจยา – จิตฺตสหภู ขนฺเธ ปฏิจฺจ จิตฺตํ โนจิตฺตสหภุ จิตฺตสมุฏฺฐานญฺจ รูปํ; ปฏิสนฺธิกฺขเณ จิตฺตสหภู ขนฺเธ ปฏิจฺจ จิตฺตํ กฏตฺตา จ รูปํฯ (2)

จิตฺตสหภุํ ธมฺมํ ปฏิจฺจ จิตฺตสหภู จ โนจิตฺตสหภู จ ธมฺมา อุปฺปชฺชนฺติ เหตุปจฺจยา – จิตฺตสหภุํ เอกํ ขนฺธํ ปฏิจฺจ ทฺเว ขนฺธา จิตฺตญฺจ จิตฺตสหภุ จ โนจิตฺตสหภุ จ จิตฺตสมุฏฺฐานํ รูปํ, ทฺเว ขนฺเธ…เป.… ปฏิสนฺธิกฺขเณ จิตฺตสหภุํ เอกํ ขนฺธํ ปฏิจฺจ ทฺเว ขนฺธา จิตฺตญฺจ กฏตฺตา จ รูปํ, ทฺเว ขนฺเธ…เป.…ฯ (3)

[240] โนจิตฺตสหภุํ ธมฺมํ ปฏิจฺจ โนจิตฺตสหภู ธมฺโม อุปฺปชฺชติ เหตุปจฺจยา – จิตฺตํ ปฏิจฺจ โนจิตฺตสหภุ จิตฺตสมุฏฺฐานํ รูปํ; ปฏิสนฺธิกฺขเณ จิตฺตํ ปฏิจฺจ กฏตฺตารูปํ, จิตฺตํ ปฏิจฺจ วตฺถุ, วตฺถุํ ปฏิจฺจ จิตฺตํ, เอกํ มหาภูตํ…เป.… มหาภูเต ปฏิจฺจ โนจิตฺตสหภุ จิตฺตสมุฏฺฐานํ รูปํ กฏตฺตารูปํ อุปาทารูปํฯ (1)

โนจิตฺตสหภุํ ธมฺมํ ปฏิจฺจ จิตฺตสหภู ธมฺโม อุปฺปชฺชติ เหตุปจฺจยา – จิตฺตํ ปฏิจฺจ สมฺปยุตฺตกา ขนฺธา จิตฺตสหภุ จิตฺตสมุฏฺฐานญฺจ รูปํ; ปฏิสนฺธิกฺขเณ จิตฺตํ ปฏิจฺจ สมฺปยุตฺตกา ขนฺธา, ปฏิสนฺธิกฺขเณ วตฺถุํ ปฏิจฺจ จิตฺตสหภู ขนฺธา, มหาภูเต ปฏิจฺจ จิตฺตสหภุ จิตฺตสมุฏฺฐานํ รูปํ อุปาทารูปํฯ (2)

โนจิตฺตสหภุํ ธมฺมํ ปฏิจฺจ จิตฺตสหภู จ โนจิตฺตสหภู จ ธมฺมา อุปฺปชฺชนฺติ เหตุปจฺจยา – จิตฺตํ ปฏิจฺจ สมฺปยุตฺตกา ขนฺธา จิตฺตสหภุ จ โนจิตฺตสหภุ จ จิตฺตสมุฏฺฐานํ รูปํ; ปฏิสนฺธิกฺขเณ จิตฺตํ ปฏิจฺจ สมฺปยุตฺตกา ขนฺธา กฏตฺตา จ รูปํ, ปฏิสนฺธิกฺขเณ วตฺถุํ ปฏิจฺจ จิตฺตญฺจ สมฺปยุตฺตกา จ ขนฺธา, มหาภูเต ปฏิจฺจ จิตฺตสหภุ จ โนจิตฺตสหภุ จ จิตฺตสมุฏฺฐานํ รูปํ อุปาทารูปํฯ (3)

[241] จิตฺตสหภุญฺจ โนจิตฺตสหภุญฺจ ธมฺมํ ปฏิจฺจ จิตฺตสหภู ธมฺโม อุปฺปชฺชติ เหตุปจฺจยา – จิตฺตสหภุํ เอกํ ขนฺธญฺจ จิตฺตญฺจ ปฏิจฺจ ทฺเว ขนฺธา จิตฺตสหภุ จิตฺตสมุฏฺฐานญฺจ รูปํ, ทฺเว ขนฺเธ จ…เป.… ปฏิสนฺธิกฺขเณ จิตฺตสหภุํ เอกํ ขนฺธญฺจ จิตฺตญฺจ ปฏิจฺจ ทฺเว ขนฺธา, ทฺเว ขนฺเธ จ…เป.… ปฏิสนฺธิกฺขเณ จิตฺตสหภุํ เอกํ ขนฺธญฺจ วตฺถุญฺจ ปฏิจฺจ ทฺเว ขนฺธา, ทฺเว ขนฺเธ จ…เป.… จิตฺตสหภู ขนฺเธ จ มหาภูเต จ ปฏิจฺจ จิตฺตสหภุ จิตฺตสมุฏฺฐานํ รูปํ อุปาทารูปํฯ (1)

จิตฺตสหภุญฺจ โนจิตฺตสหภุญฺจ ธมฺมํ ปฏิจฺจ โนจิตฺตสหภู ธมฺโม อุปฺปชฺชติ เหตุปจฺจยา – จิตฺตสหภู ขนฺเธ จ จิตฺตญฺจ ปฏิจฺจ โนจิตฺตสหภุ จิตฺตสมุฏฺฐานํ รูปํ; ปฏิสนฺธิกฺขเณ จิตฺตสหภู ขนฺเธ จ จิตฺตญฺจ ปฏิจฺจ กฏตฺตารูปํ, ปฏิสนฺธิกฺขเณ จิตฺตสหภู ขนฺเธ จ วตฺถุญฺจ ปฏิจฺจ จิตฺตํ, จิตฺตสหภู ขนฺเธ จ มหาภูเต จ ปฏิจฺจ โนจิตฺตสหภุ จิตฺตสมุฏฺฐานํ รูปํ กฏตฺตารูปํ อุปาทารูปํฯ (2)

จิตฺตสหภุญฺจ โนจิตฺตสหภุญฺจ ธมฺมํ ปฏิจฺจ จิตฺตสหภู จ โนจิตฺตสหภู จ ธมฺมา อุปฺปชฺชนฺติ เหตุปจฺจยา – จิตฺตสหภุํ เอกํ ขนฺธญฺจ จิตฺตญฺจ ปฏิจฺจ ทฺเว ขนฺธา จิตฺตสหภุ จ โนจิตฺตสหภุ จ จิตฺตสมุฏฺฐานํ รูปํ, ทฺเว ขนฺเธ จ…เป.… ปฏิสนฺธิกฺขเณ จิตฺตสหภุํ เอกํ ขนฺธญฺจ จิตฺตญฺจ ปฏิจฺจ ทฺเว ขนฺธา กฏตฺตา จ รูปํ, ทฺเว ขนฺเธ จ…เป.… ปฏิสนฺธิกฺขเณ จิตฺตสหภุํ เอก ขนฺธญฺจ วตฺถุญฺจ ปฏิจฺจ ทฺเว ขนฺธา จิตฺตญฺจ, ทฺเว ขนฺเธ จ…เป.… จิตฺตสหภู ขนฺเธ จ มหาภูเต จ ปฏิจฺจ กฏตฺตารูปํ อุปาทารูปํ (สํขิตฺตํ)ฯ (3)

1. ปจฺจยานุโลมํ

2. สงฺขฺยาวาโร

[242] เหตุยา นว, อารมฺมเณ นว (อรูปํ สพฺพํ อุทฺธริตพฺพํฯ จิตฺตสมุฏฺฐานทุกสทิสํฯ) อธิปติยา นว (มหาภูตา ฉสุปิ ปญฺเหสุ กาตพฺพา, อธิปติยา ตีสุ นตฺถิฯ) อนนฺตเร นว, สมนนฺตเร นว, สหชาเต นว, อญฺญมญฺเญ นว, นิสฺสเย นว, อุปนิสฺสเย นว, ปุเรชาเต ปญฺจ, อาเสวเน ปญฺจ, กมฺเม นว (สพฺพตฺถ นว), อวิคเต นวฯ

2. ปจฺจยปจฺจนียํ

1. วิภงฺควาโร