สุทฺธํ
[157] เหตุยา นว, อารมฺมเณ ตีณิ, อธิปติยา นว, อนนฺตเร ตีณิ, สมนนฺตเร ตีณิ, สหชาเต นว, อญฺญมญฺเญ ฉ, นิสฺสเย นว, อุปนิสฺสเย ตีณิ, ปุเรชาเต ตีณิ, อาเสวเน ตีณิ, กมฺเม นว…เป.… อวิคเต นวฯ
2. ปจฺจยปจฺจนียํ
1. วิภงฺควาโร
นเหตุปจฺจโย
[158] จิตฺตสมฺปยุตฺตํ ธมฺมํ ปจฺจยา จิตฺตสมฺปยุตฺโต ธมฺโม อุปฺปชฺชติ นเหตุปจฺจยา… ตีณิ (ปฏิจฺจสทิสา)ฯ
จิตฺตวิปฺปยุตฺตํ ธมฺมํ ปจฺจยา จิตฺตวิปฺปยุตฺโต ธมฺโม อุปฺปชฺชติ นเหตุปจฺจยา – เอกํ มหาภูตํ…เป.… (ยาว อสญฺญสตฺตา)ฯ (1)
จิตฺตวิปฺปยุตฺตํ ธมฺมํ ปจฺจยา จิตฺตสมฺปยุตฺโต ธมฺโม อุปฺปชฺชติ นเหตุปจฺจยา – จกฺขายตนํ ปจฺจยา จกฺขุวิญฺญาณสหคตา ขนฺธา…เป.… กายายตนํ…เป.… วตฺถุํ ปจฺจยา อเหตุกา จิตฺตสมฺปยุตฺตกา ขนฺธา; ปฏิสนฺธิกฺขเณ…เป.… วตฺถุํ ปจฺจยา วิจิกิจฺฉาสหคโต อุทฺธจฺจสหคโต โมโหฯ (2)
จิตฺตวิปฺปยุตฺตํ ธมฺมํ ปจฺจยา จิตฺตสมฺปยุตฺโต จ จิตฺตวิปฺปยุตฺโต จ ธมฺมา อุปฺปชฺชนฺติ นเหตุปจฺจยา – วตฺถุํ ปจฺจยา อเหตุกา จิตฺตสมฺปยุตฺตกา ขนฺธา, มหาภูเต ปจฺจยา จิตฺตสมุฏฺฐานํ รูปํ; ปฏิสนฺธิกฺขเณ…เป.…ฯ (3)
จิตฺตสมฺปยุตฺตญฺจ จิตฺตวิปฺปยุตฺตญฺจ ธมฺมํ ปจฺจยา จิตฺตสมฺปยุตฺโต ธมฺโม อุปฺปชฺชติ นเหตุปจฺจยา – จกฺขุวิญฺญาณสหคตํ เอกํ ขนฺธญฺจ จกฺขายตนญฺจ ปจฺจยา ทฺเว ขนฺธา, ทฺเว ขนฺเธ จ…เป.… กายวิญฺญาณสหคตํ เอกํ ขนฺธญฺจ กายายตนญฺจ ปจฺจยา ทฺเว ขนฺธา, ทฺเว ขนฺเธ จ…เป.… อเหตุกํ จิตฺตสมฺปยุตฺตํ เอกํ ขนฺธญฺจ วตฺถุญฺจ ปจฺจยา ทฺเว ขนฺธา, ทฺเว ขนฺเธ จ…เป.… อเหตุกปฏิสนฺธิกฺขเณ…เป.… วิจิกิจฺฉาสหคเต อุทฺธจฺจสหคเต ขนฺเธ จ วตฺถุญฺจ ปจฺจยา วิจิกิจฺฉาสหคโต อุทฺธจฺจสหคโต โมโหฯ (เอวํ ทฺเว ปญฺหา ปวตฺติปฏิสนฺธิ กาตพฺพาฯ สํขิตฺตํฯ)
2. ปจฺจยปจฺจนียํ
2. สงฺขฺยาวาโร
สุทฺธํ
[159] นเหตุยา นว, นอารมฺมเณ ตีณิ, นอธิปติยา นว, นอนนฺตเร ตีณิ, นสมนนฺตเร ตีณิ, นอญฺญมญฺเญ ตีณิ, นอุปนิสฺสเย ตีณิ, นปุเรชาเต นว , นปจฺฉาชาเต นว , นอาเสวเน นว, นกมฺเม จตฺตาริ, นวิปาเก นว, นอาหาเร เอกํ, นอินฺทฺริเย เอกํ, นฌาเน จตฺตาริ, นมคฺเค นว, นสมฺปยุตฺเต ตีณิ, นวิปฺปยุตฺเต ทฺเว, โนนตฺถิยา ตีณิ, โนวิคเต ตีณิฯ
3. ปจฺจยานุโลมปจฺจนียํ
[160] เหตุปจฺจยา นอารมฺมเณ ตีณิ…เป.… นกมฺเม ตีณิ…เป.… นวิปฺปยุตฺเต เอกํ, โนนตฺถิยา ตีณิ, โนวิคเต ตีณิฯ
4. ปจฺจยปจฺจนียานุโลมํ
[161] นเหตุปจฺจยา อารมฺมเณ ตีณิ…เป.… มคฺเค ตีณิ…เป.… อวิคเต นวฯ
4. นิสฺสยวาโร
(นิสฺสยวาโร ปจฺจยวารสทิโสฯ)
5. สํสฏฺฐวาโร
1-4. ปจฺจยานุโลมาทิ
[162] จิตฺตสมฺปยุตฺตํ ธมฺมํ สํสฏฺโฐ จิตฺตสมฺปยุตฺโต ธมฺโม อุปฺปชฺชติ เหตุปจฺจยา – จิตฺตสมฺปยุตฺตํ เอกํ ขนฺธํ สํสฏฺฐา ทฺเว ขนฺธา, ทฺเว ขนฺเธ…เป.… ปฏิสนฺธิกฺขเณ…เป.…ฯ
เหตุยา เอกํ, อารมฺมเณ เอกํ, อธิปติยา เอกํ (สพฺพตฺถ เอกํ), อวิคเต เอกํฯ
