เมนู

เจตสิกญฺจ อเจตสิกญฺจ ธมฺมํ ปจฺจยา อเจตสิโก ธมฺโม อุปฺปชฺชติ อารมฺมณปจฺจยา – จกฺขุวิญฺญาณสหคเต ขนฺเธ จ จกฺขายตนญฺจ ปจฺจยา จกฺขุวิญฺญาณํ…เป.… กายวิญฺญาณสหคเต…เป.… เจตสิเก ขนฺเธ จ วตฺถุญฺจ ปจฺจยา จิตฺตํ (ปฏิสนฺธิกฺขเณ เอกํ)ฯ (2)

เจตสิกญฺจ อเจตสิกญฺจ ธมฺมํ ปจฺจยา เจตสิโก จ อเจตสิโก จ ธมฺมา อุปฺปชฺชนฺติ อารมฺมณปจฺจยา – จกฺขุวิญฺญาณสหคตํ เอกํ ขนฺธญฺจ จกฺขายตนญฺจ ปจฺจยา ทฺเว ขนฺธา จกฺขุวิญฺญาณญฺจ, ทฺเว ขนฺเธ จ…เป.… เจตสิกํ เอกํ ขนฺธญฺจ วตฺถุญฺจ ปจฺจยา ทฺเว ขนฺธา จิตฺตญฺจ, ทฺเว ขนฺเธ จ…เป.… (ปฏิสนฺธิกฺขเณ เอกํ, สํขิตฺตํ)ฯ (3)

1. ปจฺจยานุโลมํ

2. สงฺขฺยาวาโร

[110] เหตุยา นว, อารมฺมเณ นว, อธิปติยา นว (สพฺพตฺถ นว), ปุเรชาเต นว, อาเสวเน นว…เป.… อวิคเต นวฯ

2. ปจฺจยปจฺจนียํ

1. วิภงฺควาโร

นเหตุปจฺจโย

[111] เจตสิกํ ธมฺมํ ปจฺจยา เจตสิโก ธมฺโม อุปฺปชฺชติ นเหตุปจฺจยา – อเหตุกํ เจตสิกํ (สํขิตฺตํ)ฯ

(นว ปญฺหา ปญฺจวิญฺญาณมฺปิ ยถา อารมฺมณปจฺจยา เอวํ กาตพฺพํ, ตีสุเยว โมโหฯ สพฺเพ ปญฺหา ปวตฺติปฏิสนฺธิยา กาตพฺพา อสมฺโมหนฺเตนฯ)

2. ปจฺจยปจฺจนียํ

2. สงฺขฺยาวาโร

สุทฺธํ

[112] นเหตุยา นว, นอารมฺมเณ ตีณิ, นอธิปติยา นว, นอนนฺตเร ตีณิ, นสมนนฺตเร ตีณิ, นอญฺญมญฺเญ ตีณิ, นอุปนิสฺสเย ตีณิ, นปุเรชาเต นว, นปจฺฉาชาเต นว, นอาเสวเน นว, นกมฺเม จตฺตาริ , นวิปาเก นว, นอาหาเร เอกํ, นอินฺทฺริเย เอกํ, นฌาเน นว, นมคฺเค นว, นสมฺปยุตฺเต ตีณิ, นวิปฺปยุตฺเต ฉ, โนนตฺถิยา ตีณิ, โนวิคเต ตีณิฯ

3. ปจฺจยานุโลมปจฺจนียํ

[113] เหตุปจฺจยา นอารมฺมเณ ตีณิ, นอธิปติยา นว (สํขิตฺตํ)ฯ

4. ปจฺจยปจฺจนียานุโลมํ

[114] นเหตุปจฺจยา อารมฺมเณ นว, อนนฺตเร นว (สพฺพตฺถ นว), มคฺเค ตีณิ…เป.… อวิคเต นวฯ

4. นิสฺสยวาโร

(นิสฺสยวาโร ปจฺจยวารสทิโสฯ)

5. สํสฏฺฐวาโร

1. ปจฺจยานุโลมํ

1. วิภงฺควาโร

เหตุปจฺจโย

[115] เจตสิกํ ธมฺมํ สํสฏฺโฐ เจตสิโก ธมฺโม อุปฺปชฺชติ เหตุปจฺจยา – เจตสิกํ เอกํ ขนฺธํ สํสฏฺฐา ทฺเว ขนฺธา, ทฺเว ขนฺเธ…เป.… ปฏิสนฺธิกฺขเณ…เป.…ฯ (1)

เจตสิกํ ธมฺมํ สํสฏฺโฐ อเจตสิโก ธมฺโม อุปฺปชฺชติ เหตุปจฺจยา – เจตสิโก ขนฺเธ สํสฏฺฐํ จิตฺตํ; ปฏิสนฺธิกฺขเณ…เป.…ฯ (2)

เจตสิกํ ธมฺมํ สํสฏฺโฐ เจตสิโก จ อเจตสิโก จ ธมฺมา อุปฺปชฺชนฺติ เหตุปจฺจยา – เจตสิกํ เอกํ ขนฺธํ สํสฏฺฐา ทฺเว ขนฺธา จิตฺตญฺจ, ทฺเว ขนฺเธ…เป.… ปฏิสนฺธิกฺขเณ…เป.…ฯ (3)

อเจตสิกํ ธมฺมํ สํสฏฺโฐ เจตสิโก ธมฺโม อุปฺปชฺชติ เหตุปจฺจยา – จิตฺตํ สํสฏฺฐา สมฺปยุตฺตกา ขนฺธา; ปฏิสนฺธิกฺขเณ…เป.…ฯ (1)