เมนู

เหตุทุกํ

[84] เหตุปจฺจยา นอารมฺมเณ ตีณิ, นอธิปติยา นว, นอนนฺตเร ตีณิ, นสมนนฺตเร ตีณิ, นอญฺญมญฺเญ ตีณิ, นอุปนิสฺสเย ตีณิ, นปุเรชาเต นว, นปจฺฉาชาเต นว, นอาเสวเน นว, นกมฺเม ตีณิ, นวิปาเก นว, นสมฺปยุตฺเต ตีณิ, นวิปฺปยุตฺเต ตีณิ, โนนตฺถิยา ตีณิ, โนวิคเต ตีณิ (เอวํ คเณตพฺพํ)ฯ

อนุโลมปจฺจนียํฯ

4. ปจฺจยปจฺจนียานุโลมํ

นเหตุทุกํ

[85] นเหตุปจฺจยา อารมฺมเณ ตีณิ, อนนฺตเร ตีณิ…เป.… มคฺเค ตีณิ, สมฺปยุตฺเต ตีณิ…เป.… อวิคเต ตีณิ (เอวํ คเณตพฺพํ)ฯ

ปจฺจนียานุโลมํฯ

4. นิสฺสยวาโร

(นิสฺสยวาโร ปจฺจยวารสทิโสฯ)

5. สํสฏฺฐวาโร

1. ปจฺจยานุโลมํ

1. วิภงฺควาโร

เหตุปจฺจโย

[86] สเหตุกํ ธมฺมํ สํสฏฺโฐ สเหตุโก ธมฺโม อุปฺปชฺชติ เหตุปจฺจยา – สเหตุกํ เอกํ ขนฺธํ สํสฏฺฐา ตโย ขนฺธา…เป.… ทฺเว ขนฺเธ…เป.… ปฏิสนฺธิกฺขเณ…เป.…ฯ (1)

อเหตุกํ ธมฺมํ สํสฏฺโฐ สเหตุโก ธมฺโม อุปฺปชฺชติ เหตุปจฺจยา – วิจิกิจฺฉาสหคตํ อุทฺธจฺจสหคตํ โมหํ สํสฏฺฐา วิจิกิจฺฉาสหคตา อุทฺธจฺจสหคตา ขนฺธาฯ (1)

สเหตุกญฺจ อเหตุกญฺจ ธมฺมํ สํสฏฺโฐ สเหตุโก ธมฺโม อุปฺปชฺชติ เหตุปจฺจยา – วิจิกิจฺฉาสหคตํ อุทฺธจฺจสหคตํ เอกํ ขนฺธญฺจ โมหญฺจ สํสฏฺฐา ตโย ขนฺธา…เป.… ทฺเว ขนฺเธ…เป.…ฯ (1)

อารมฺมณปจฺจโย

[87] สเหตุกํ ธมฺมํ สํสฏฺโฐ สเหตุโก ธมฺโม อุปฺปชฺชติ อารมฺมณปจฺจยา – สเหตุกํ เอกํ ขนฺธํ สํสฏฺฐา ตโย ขนฺธา…เป.… ทฺเว ขนฺเธ…เป.… ปฏิสนฺธิกฺขเณ…เป.…ฯ (1)

สเหตุกํ ธมฺมํ สํสฏฺโฐ อเหตุโก ธมฺโม อุปฺปชฺชติ อารมฺมณปจฺจยา – วิจิกิจฺฉาสหคเต อุทฺธจฺจสหคเต ขนฺเธ สํสฏฺโฐ วิจิกิจฺฉาสหคโต อุทฺธจฺจสหคโต โมโหฯ (2)

สเหตุกํ ธมฺมํ สํสฏฺโฐ สเหตุโก จ อเหตุโก จ ธมฺมา อุปฺปชฺชนฺติ อารมฺมณปจฺจยา – วิจิกิจฺฉาสหคตํ อุทฺธจฺจสหคตํ เอกํ ขนฺธํ สํสฏฺฐา ตโย ขนฺธา โมโห จ…เป.… ทฺเว ขนฺเธ…เป.…ฯ (3)

[88] อเหตุกํ ธมฺมํ สํสฏฺโฐ อเหตุโก ธมฺโม อุปฺปชฺชติ อารมฺมณปจฺจยา – อเหตุกํ เอกํ ขนฺธํ สํสฏฺฐา ตโย ขนฺธา…เป.… ทฺเว ขนฺเธ…เป.… ปฏิสนฺธิกฺขเณ…เป.…ฯ (1)

อเหตุกํ ธมฺมํ สํสฏฺโฐ สเหตุโก ธมฺโม อุปฺปชฺชติ อารมฺมณปจฺจยา – วิจิกิจฺฉาสหคตํ อุทฺธจฺจสหคตํ โมหํ สํสฏฺฐา วิจิกิจฺฉาสหคตา อุทฺธจฺจสหคตา ขนฺธาฯ (2)

สเหตุกญฺจ อเหตุกญฺจ ธมฺมํ สํสฏฺโฐ สเหตุโก ธมฺโม อุปฺปชฺชติ อารมฺมณปจฺจยา – วิจิกิจฺฉาสหคตํ อุทฺธจฺจสหคตํ เอกํ ขนฺธญฺจ โมหญฺจ สํสฏฺฐา ตโย ขนฺธา…เป.… ทฺเว ขนฺเธ…เป.…ฯ (1)

อธิปติปจฺจโย

[89] สเหตุกํ ธมฺมํ สํสฏฺโฐ สเหตุโก ธมฺโม อุปฺปชฺชติ อธิปติปจฺจยา – สเหตุกํ เอกํ ขนฺธํ สํสฏฺฐา ตโย ขนฺธา…เป.… ทฺเว ขนฺเธ…เป.…ฯ (1)

อนนฺตรปจฺจยาทิ

[90] สเหตุกํ ธมฺมํ สํสฏฺโฐ สเหตุโก ธมฺโม อุปฺปชฺชติ อนนฺตรปจฺจยา… สมนนฺตรปจฺจยา… สหชาตปจฺจยา…เป.… วิปากปจฺจยา – วิปากํ สเหตุกํ เอกํ ขนฺธํ สํสฏฺฐา ตโย ขนฺธา…เป.… ทฺเว ขนฺเธ…เป.… ปฏิสนฺธิกฺขเณ…เป.…ฯ