[88] นเหตุปจฺจยา อารมฺมเณ จตฺตาริ, อธิปติยา ปญฺจ (อนุโลมคณนา)…เป.… อวิคเต สตฺตฯ
นีวรณสมฺปยุตฺตทุกํ นิฏฺฐิตํฯ
47. นีวรณนีวรณิยทุกํ
1. ปฏิจฺจวาโร
1-4. ปจฺจยานุโลมาทิ
[89] นีวรณญฺเจว นีวรณิยญฺจ ธมฺมํ ปฏิจฺจ นีวรโณ เจว นีวรณิโย จ ธมฺโม อุปฺปชฺชติ เหตุปจฺจยา – กามจฺฉนฺทนีวรณํ ปฏิจฺจ ถินมิทฺธนีวรณํ อุทฺธจฺจนีวรณํ อวิชฺชานีวรณํฯ (เอวํ สพฺเพ คณนา วิภชิตพฺพา, นีวรณทุกสทิสํ นินฺนานากรณํฯ)
7. ปญฺหาวาโร
1. ปจฺจยานุโลมํ
1. วิภงฺควาโร
เหตุปจฺจโย
[90] นีวรโณ เจว นีวรณิโย จ ธมฺโม นีวรณสฺส เจว นีวรณิยสฺส จ ธมฺมสฺส เหตุปจฺจเยน ปจฺจโย – นีวรณา เจว นีวรณิยา จ เหตู สมฺปยุตฺตกานํ นีวรณานํ เหตุปจฺจเยน ปจฺจโยฯ (1)
นีวรโณ เจว นีวรณิโย จ ธมฺโม นีวรณิยสฺส เจว โน จ นีวรณสฺส ธมฺมสฺส เหตุปจฺจเยน ปจฺจโย – นีวรณา เจว นีวรณิยา จ เหตู สมฺปยุตฺตกานํ ขนฺธานํ จิตฺตสมุฏฺฐานานญฺจ รูปานํ เหตุปจฺจเยน ปจฺจโยฯ (2)