เมนู

คนฺถสมฺปยุตฺโต เจว โน จ คนฺโถ ธมฺโม คนฺถสฺส เจว คนฺถสมฺปยุตฺตสฺส จ คนฺถสมฺปยุตฺตสฺส เจว โน จ คนฺถสฺส จ ธมฺมสฺส เหตุปจฺจเยน ปจฺจโย – คนฺถสมฺปยุตฺตา เจว โน จ คนฺถา เหตู สมฺปยุตฺตกานํ ขนฺธานํ คนฺถานญฺจ เหตุปจฺจเยน ปจฺจโยฯ (3)

[114] คนฺโถ เจว คนฺถสมฺปยุตฺโต จ คนฺถสมฺปยุตฺโต เจว โน จ คนฺโถ จ ธมฺมา คนฺถสฺส เจว คนฺถสมฺปยุตฺตสฺส จ ธมฺมสฺส เหตุปจฺจเยน ปจฺจโย – คนฺถา เจว คนฺถสมฺปยุตฺตา จ คนฺถสมฺปยุตฺตา เจว โน จ คนฺถา จ เหตู สมฺปยุตฺตกานํ ขนฺธานํ เหตุปจฺจเยน ปจฺจโยฯ (1)

คนฺโถ เจว คนฺถสมฺปยุตฺโต จ คนฺถสมฺปยุตฺโต เจว โน จ คนฺโถ จ ธมฺมา คนฺถสมฺปยุตฺตสฺส เจว โน จ คนฺถสฺส ธมฺมสฺส เหตุปจฺจเยน ปจฺจโย – คนฺถา เจว คนฺถสมฺปยุตฺตา จ คนฺถสมฺปยุตฺตา เจว โน จ คนฺถา จ เหตู สมฺปยุตฺตกานํ ขนฺธานํ เหตุปจฺจเยน ปจฺจโยฯ (2)

คนฺโถ เจว คนฺถสมฺปยุตฺโต จ คนฺถสมฺปยุตฺโต เจว โน จ คนฺโถ จ ธมฺมา คนฺถสฺส เจว คนฺถสมฺปยุตฺตสฺส จ คนฺถสมฺปยุตฺตสฺส เจว โน จ คนฺถสฺส จ ธมฺมสฺส เหตุปจฺจเยน ปจฺจโย – คนฺถา เจว คนฺถสมฺปยุตฺตา จ คนฺถสมฺปยุตฺตา เจว โน จ คนฺถา จ เหตู สมฺปยุตฺตกานํ ขนฺธานํ คนฺถานญฺจ เหตุปจฺจเยน ปจฺจโยฯ (3)

อารมฺมณปจฺจยาทิ

[115] คนฺโถ เจว คนฺถสมฺปยุตฺโต จ ธมฺโม คนฺถสฺส เจว คนฺถสมฺปยุตฺตสฺส จ ธมฺมสฺส อารมฺมณปจฺจเยน ปจฺจโย – คนฺเถ อารพฺภ คนฺถา อุปฺปชฺชนฺติฯ (มูลํ กาตพฺพํ) คนฺเถ อารพฺภ คนฺถสมฺปยุตฺตา เจว โน จ คนฺถา ขนฺธา อุปฺปชฺชนฺติฯ (มูลํ กาตพฺพํ) คนฺเถ อารพฺภ คนฺถา จ คนฺถสมฺปยุตฺตกา จ ขนฺธา อุปฺปชฺชนฺติฯ (3)

คนฺถสมฺปยุตฺโต เจว โน จ คนฺโถ ธมฺโม คนฺถสมฺปยุตฺตสฺส เจว โน จ คนฺถสฺส ธมฺมสฺส อารมฺมณปจฺจเยน ปจฺจโย – คนฺถสมฺปยุตฺเต เจว โน จ คนฺเถ ขนฺเธ อารพฺภ คนฺถสมฺปยุตฺตา เจว โน จ คนฺถา ขนฺธา อุปฺปชฺชนฺติฯ (มูลํ กาตพฺพํ) คนฺถสมฺปยุตฺเต เจว โน จ คนฺเถ ขนฺเธ อารพฺภ คนฺถา อุปฺปชฺชนฺติฯ (มูลํ กาตพฺพํ) คนฺถสมฺปยุตฺเต เจว โน จ คนฺเถ ขนฺเธ อารพฺภ คนฺถา จ คนฺถสมฺปยุตฺตกา จ ขนฺธา อุปฺปชฺชนฺติฯ (3)

(เอวํ อิตเรปิ ตีณิ ปญฺหา กาตพฺพา อารมฺมณสทิสํเยวฯ อธิปติยาปิ อนนฺตเรปิ อุปนิสฺสเยปิ วิภาโค นตฺถิฯ)

1. ปจฺจยานุโลมํ

2. สงฺขฺยาวาโร

สุทฺธํ

[116] เหตุยา นว, อารมฺมเณ นว, อธิปติยา นว, อนนฺตเร นว, สมนนฺตเร นว, สหชาเต นว, อญฺญมญฺเญ นว, นิสฺสเย นว, อุปนิสฺสเย นว, อาเสวเน นว, กมฺเม ตีณิ , อาหาเร ตีณิ, อินฺทฺริเย ตีณิ, ฌาเน ตีณิ, มคฺเค นว, สมฺปยุตฺเต นว, อตฺถิยา นว, นตฺถิยา นว, วิคเต นว, อวิคเต นวฯ

(อรูปํเยว ปจฺจยํ, เอเกกสฺส ตีณิ ตีณิ กาตพฺพาฯ อารมฺมณญฺจ สหชาตญฺจ อุปนิสฺสยญฺจ นวสุปิ ปริวตฺเตตพฺพํฯ เอวํ ปญฺหาวาเรปิ สพฺพํ กาตพฺพํฯ)

คนฺถคนฺถสมฺปยุตฺตทุกํ นิฏฺฐิตํฯ

31. คนฺถวิปฺปยุตฺตคนฺถนิยทุกํ

1. ปฏิจฺจวาโร

เหตุปจฺจโย

[117] คนฺถวิปฺปยุตฺตคนฺถนิยํ ธมฺมํ ปฏิจฺจ คนฺถวิปฺปยุตฺตคนฺถนิโย ธมฺโม อุปฺปชฺชติ เหตุปจฺจยา – คนฺถวิปฺปยุตฺตํ คนฺถนิยํ เอกํ ขนฺธํ ปฏิจฺจ ตโย ขนฺธา จิตฺตสมุฏฺฐานญฺจ รูปํ…เป.… ทฺเว ขนฺเธ…เป.… ปฏิสนฺธิกฺขเณ…เป.… เอกํ มหาภูตํ…เป.… (ยถา จูฬนฺตรทุเก โลกิยทุกํ เอวํ วิตฺถาเรตพฺพํ นินฺนานากรณํ)ฯ

คนฺถวิปฺปยุตฺตคนฺถนิยทุกํ นิฏฺฐิตํฯ

คนฺถโคจฺฉกํ นิฏฺฐิตํฯ

6-7. โอฆโยคโคจฺฉกํ

32-43. โอฆาทิทุกานิ

[1] โอฆํ ธมฺมํ ปฏิจฺจ โอโฆ ธมฺโม อุปฺปชฺชติ เหตุปจฺจยา…เป.…ฯ

[2] โยคํ ธมฺมํ ปฏิจฺจ โยโค ธมฺโม อุปฺปชฺชติ เหตุปจฺจยา…เป.… (ทฺเวปิ โคจฺฉกา อาสวโคจฺฉกสทิสา นินฺนานากรณา)ฯ

โอฆโยคโคจฺฉกํ นิฏฺฐิตํฯ

8. นีวรณโคจฺฉกํ

44. นีวรณทุกํ

1. ปฏิจฺจวาโร

1. ปจฺจยานุโลมํ

1. วิภงฺควาโร