อาสวสมฺปยุตฺโต เจว โน จ อาสโว ธมฺโม อาสวสมฺปยุตฺตสฺส เจว โน จ อาสวสฺส ธมฺมสฺส เหตุปจฺจเยน ปจฺจโย – อาสวสมฺปยุตฺตา เจว โน จ อาสวา เหตู สมฺปยุตฺตกานํ ขนฺธานํ เหตุปจฺจเยน ปจฺจโยฯ (1)
อารมฺมณปจฺจยาทิ
[122] อาสโว เจว อาสวสมฺปยุตฺโต จ ธมฺโม อาสวสฺส เจว อาสวสมฺปยุตฺตสฺส จ ธมฺมสฺส อารมฺมณปจฺจเยน ปจฺจโย… ตีณิฯ
อาสวสมฺปยุตฺโต เจว โน จ อาสโว ธมฺโม อาสวสมฺปยุตฺตสฺส เจว โน จ อาสวสฺส ธมฺมสฺส อารมฺมณปจฺจเยน ปจฺจโย – อาสวสมฺปยุตฺเต เจว โน จ อาสเว ขนฺเธ อารพฺภ อาสวสมฺปยุตฺตา เจว โน จ อาสวา ขนฺธา อุปฺปชฺชนฺติฯ (1)
อาสวสมฺปยุตฺโต เจว โน จ อาสโว ธมฺโม อาสวสฺส เจว อาสวสมฺปยุตฺตสฺส จ ธมฺมสฺส อารมฺมณปจฺจเยน ปจฺจโย – อาสวสมฺปยุตฺเต เจว โน จ อาสเว ขนฺเธ อารพฺภ อาสวา อุปฺปชฺชนฺติฯ (2)
อาสวสมฺปยุตฺโต เจว โน จ อาสโว ธมฺโม อาสวสฺส เจว อาสวสมฺปยุตฺตสฺส จ อาสวสมฺปยุตฺตสฺส เจว โน จ อาสวสฺส จ ธมฺมสฺส อารมฺมณปจฺจเยน ปจฺจโย – อาสวสมฺปยุตฺเต เจว โน จ อาสเว ขนฺเธ อารพฺภ อาสวา จ อาสวสมฺปยุตฺตกา จ ขนฺธา อุปฺปชฺชนฺติฯ (3)
อาสโว เจว อาสวสมฺปยุตฺโต จ อาสวสมฺปยุตฺโต เจว โน จ อาสโว จ ธมฺมา อาสวสฺส เจว อาสวสมฺปยุตฺตสฺส จ ธมฺมสฺส อารมฺมณปจฺจเยน ปจฺจโย … ตีณิฯ
อธิปติปจฺจยา… (อารมฺมณสทิสา, ครุการมฺมณา) อนนฺตรปจฺจยา… (อารมฺมณสทิสาเยว, ปุริมา ปุริมาติ กาตพฺพาฯ) สมนนฺตรปจฺจยา… สหชาตปจฺจยา… อญฺญมญฺญปจฺจยา… นิสฺสยปจฺจยา… อุปนิสฺสยปจฺจยา (อารมฺมณสทิสํเยว, วิภชนา นตฺถิ… ตีณิฯ อุปนิสฺสยํ สพฺพํ กาตพฺพํ)ฯ
กมฺมปจฺจยาทิ
[123] อาสวสมฺปยุตฺโต เจว โน จ อาสโว ธมฺโม อาสวสมฺปยุตฺตสฺส เจว โน จ อาสวสฺส ธมฺมสฺส กมฺมปจฺจเยน ปจฺจโย… ตีณิ… อาหารปจฺจเยน ปจฺจโย… ตีณิ… อินฺทฺริยปจฺจเยน ปจฺจโย… ตีณิ… ฌานปจฺจเยน ปจฺจโย… ตีณิ… มคฺคปจฺจเยน ปจฺจโย… นว… สมฺปยุตฺตปจฺจเยน ปจฺจโย… นว… อตฺถิปจฺจเยน ปจฺจโย… นตฺถิปจฺจเยน ปจฺจโย… วิคตปจฺจเยน ปจฺจโย… อวิคตปจฺจเยน ปจฺจโย… นวฯ
1. ปจฺจยานุโลมํ
2. สงฺขฺยาวาโร
สุทฺธํ
[124] เหตุยา จตฺตาริ, อารมฺมเณ นว, อธิปติยา นว, อนนฺตเร นว, สมนนฺตเร นว, สหชาเต นว, อญฺญมญฺเญ นว, นิสฺสเย นว, อุปนิสฺสเย นว, อาเสวเน นว, กมฺเม ตีณิ, อาหาเร ตีณิ, อินฺทฺริเย ตีณิ, ฌาเน ตีณิ, มคฺเค นว, สมฺปยุตฺเต นว, อตฺถิยา นว, นตฺถิยา นว, วิคเต นว, อวิคเต นวฯ
ปจฺจนียุทฺธาโร
[125] อาสโว เจว อาสวสมฺปยุตฺโต จ ธมฺโม อาสวสฺส เจว อาสวสมฺปยุตฺตสฺส จ ธมฺมสฺส อารมฺมณปจฺจเยน ปจฺจโย… สหชาตปจฺจเยน ปจฺจโย… อุปนิสฺสยปจฺจเยน ปจฺจโยฯ (1)
อาสโว เจว อาสวสมฺปยุตฺโต จ ธมฺโม อาสวสมฺปยุตฺตสฺส เจว โน จ อาสวสฺส ธมฺมสฺส อารมฺมณปจฺจเยน ปจฺจโย… สหชาตปจฺจเยน ปจฺจโย… อุปนิสฺสยปจฺจเยน ปจฺจโยฯ (2)
อาสโว เจว อาสวสมฺปยุตฺโต จ ธมฺโม อาสวสฺส เจว อาสวสมฺปยุตฺตสฺส จ อาสวสมฺปยุตฺตสฺส เจว โน จ อาสวสฺส จ ธมฺมสฺส อารมฺมณปจฺจเยน ปจฺจโย… สหชาตปจฺจเยน ปจฺจโย… อุปนิสฺสยปจฺจเยน ปจฺจโยฯ (3)
