[114] อาสโว เจว สาสโว จ สาสโว เจว โน จ อาสโว จ ธมฺมา อาสวสฺส เจว สาสวสฺส จ ธมฺมสฺส อนนฺตรปจฺจเยน ปจฺจโย – ปุริมา ปุริมา อาสวา จ สมฺปยุตฺตกา จ ขนฺธา ปจฺฉิมานํ ปจฺฉิมานํ อาสวานํ อนนฺตรปจฺจเยน ปจฺจโยฯ (1)

อาสโว เจว สาสโว จ สาสโว เจว โน จ อาสโว จ ธมฺมา สาสวสฺส เจว โน จ อาสวสฺส ธมฺมสฺส อนนฺตรปจฺจเยน ปจฺจโย – ปุริมา ปุริมา อาสวา จ สมฺปยุตฺตกา จ ขนฺธา ปจฺฉิมานํ ปจฺฉิมานํ สาสวานญฺเจว โน จ อาสวานํ ขนฺธานํ อนนฺตรปจฺจเยน ปจฺจโย; อาสวา จ สมฺปยุตฺตกา จ ขนฺธา วุฏฺฐานสฺส อนนฺตรปจฺจเยน ปจฺจโยฯ (2)

อาสโว เจว สาสโว จ สาสโว เจว โน จ อาสโว จ ธมฺมา อาสวสฺส เจว สาสวสฺส จ สาสวสฺส เจว โน จ อาสวสฺส จ ธมฺมสฺส อนนฺตรปจฺจเยน ปจฺจโย – ปุริมา ปุริมา อาสวา จ สมฺปยุตฺตกา จ ขนฺธา ปจฺฉิมานํ ปจฺฉิมานํ อาสวานํ สมฺปยุตฺตกานญฺจ ขนฺธานํ อนนฺตรปจฺจเยน ปจฺจโย (เอวํ สพฺพํ วิตฺถาเรตพฺพํ)ฯ (3)

(อาสวทุเกปิ อนนฺตรํ อิมินา สทิสํ กาตพฺพํฯ อาวชฺชนาปิ วุฏฺฐานมฺปิ เอวํ สมุทฺทิฏฺฐํ สํขิตฺตํฯ สพฺพํ ปริปุณฺณํฯ อาสวทุกสทิสํ กาตพฺพํ, นินฺนานํฯ)

อาสวสาสวทุกํ นิฏฺฐิตํฯ

18. อาสวอาสวสมฺปยุตฺตทุกํ

1. ปฏิจฺจวาโร

1. ปจฺจยานุโลมํ

1. วิภงฺควาโร

เหตุปจฺจโย

[115] อาสวญฺเจว อาสวสมฺปยุตฺตญฺจ ธมฺมํ ปฏิจฺจ อาสโว เจว อาสวสมฺปยุตฺโต จ ธมฺโม อุปฺปชฺชติ เหตุปจฺจยา – กามาสวํ ปฏิจฺจ ทิฏฺฐาสโว อวิชฺชาสโว (จกฺกํ พนฺธิตพฺพํ)ฯ ภวาสวํ ปฏิจฺจ อวิชฺชาสโว (จกฺกํ พนฺธิตพฺพํ)ฯ ทิฏฺฐาสวํ ปฏิจฺจ อวิชฺชาสโวฯ (1)

อาสวญฺเจว อาสวสมฺปยุตฺตญฺจ ธมฺมํ ปฏิจฺจ อาสวสมฺปยุตฺโต เจว โน จ อาสโว ธมฺโม อุปฺปชฺชติ เหตุปจฺจยา – อาสเว ปฏิจฺจ สมฺปยุตฺตกา ขนฺธาฯ (2)

อาสวญฺเจว อาสวสมฺปยุตฺตญฺจ ธมฺมํ ปฏิจฺจ อาสโว เจว อาสวสมฺปยุตฺโต จ อาสวสมฺปยุตฺโต เจว โน จ อาสโว จ ธมฺมา อุปฺปชฺชนฺติ เหตุปจฺจยา – อาสวสมฺปยุตฺตํ กามาสวํ ปฏิจฺจ ทิฏฺฐาสโว อวิชฺชาสโว สมฺปยุตฺตกา จ ขนฺธา (สพฺพํ จกฺกํ)ฯ (3)

[116] อาสวสมฺปยุตฺตญฺเจว โน จ อาสวํ ธมฺมํ ปฏิจฺจ อาสวสมฺปยุตฺโต เจว โน จ อาสโว ธมฺโม อุปฺปชฺชติ เหตุปจฺจยา – อาสวสมฺปยุตฺตญฺเจว โน จ อาสวํ เอกํ ขนฺธํ ปฏิจฺจ ตโย ขนฺธา…เป.… ทฺเว ขนฺเธ…เป.…ฯ (1)

อาสวสมฺปยุตฺตญฺเจว โน จ อาสวํ ธมฺมํ ปฏิจฺจ อาสโว เจว อาสวสมฺปยุตฺโต จ ธมฺโม อุปฺปชฺชติ เหตุปจฺจยา – อาสวสมฺปยุตฺตญฺเจว โน จ อาสเว ขนฺเธ ปฏิจฺจ อาสวาฯ (2)

อาสวสมฺปยุตฺตญฺเจว โน จ อาสวํ ธมฺมํ ปฏิจฺจ อาสโว เจว อาสวสมฺปยุตฺโต จ อาสวสมฺปยุตฺโต เจว โน จ อาสโว จ ธมฺมา อุปฺปชฺชนฺติ เหตุปจฺจยา – อาสวสมฺปยุตฺตญฺเจว โน จ อาสวํ เอกํ ขนฺธํ ปฏิจฺจ ตโย ขนฺธา อาสวา จ…เป.… ทฺเว ขนฺเธ…เป.…ฯ (3)

[117] อาสวญฺเจว อาสวสมฺปยุตฺตญฺจ อาสวสมฺปยุตฺตญฺเจว โน จ อาสวญฺจ ธมฺมํ ปฏิจฺจ อาสโว เจว อาสวสมฺปยุตฺโต จ ธมฺโม อุปฺปชฺชติ เหตุปจฺจยา – กามาสวญฺจ สมฺปยุตฺตเก จ ขนฺเธ ปฏิจฺจ ทิฏฺฐาสโว อวิชฺชาสโว (สพฺพํ จกฺกํ)ฯ (1)

อาสวญฺเจว อาสวสมฺปยุตฺตญฺจ อาสวสมฺปยุตฺตญฺเจว โน จ อาสวญฺจ ธมฺมํ ปฏิจฺจ อาสวสมฺปยุตฺโต เจว โน จ อาสโว ธมฺโม อุปฺปชฺชติ เหตุปจฺจยา – อาสวสมฺปยุตฺตญฺเจว โน จ อาสวํ เอกํ ขนฺธญฺจ อาสเว จ ปฏิจฺจ ตโย ขนฺธา…เป.… ทฺเว ขนฺเธ…เป.…ฯ (2)

อาสวญฺเจว อาสวสมฺปยุตฺตญฺจ อาสวสมฺปยุตฺตญฺเจว โน จ อาสวญฺจ ธมฺมํ ปฏิจฺจ อาสโว เจว อาสวสมฺปยุตฺโต จ อาสวสมฺปยุตฺโต เจว โน จ อาสโว จ ธมฺมา อุปฺปชฺชนฺติ เหตุปจฺจยา – อาสวสมฺปยุตฺตญฺเจว โน จ อาสวํ เอกํ ขนฺธญฺจ กามาสวญฺจ ปฏิจฺจ ตโย ขนฺธา ทิฏฺฐาสโว อวิชฺชาสโว…เป.… ทฺเว ขนฺเธ…เป.…ฯ (3)

(จกฺกํฯ เอวํ สพฺเพ ปจฺจยา กาตพฺพาฯ)

1. ปจฺจยานุโลมํ

2. สงฺขฺยาวาโร