[129] อวิตกฺกวิจารมตฺโต จ อวิตกฺกอวิจาโร จ ธมฺมา อวิตกฺกอวิจารสฺส ธมฺมสฺส วิปฺปยุตฺตปจฺจเยน ปจฺจโย – สหชาตํ, ปจฺฉาชาตํฯ สหชาตา – อวิตกฺกวิจารมตฺตา ขนฺธา จ วิจาโร จ จิตฺตสมุฏฺฐานานํ รูปานํ วิปฺปยุตฺตปจฺจเยน ปจฺจโยฯ ปฏิสนฺธิกฺขเณ อวิตกฺกวิจารมตฺตา ขนฺธา จ วิจาโร จ กฏตฺตารูปานํ วิปฺปยุตฺตปจฺจเยน ปจฺจโยฯ ปจฺฉาชาตา – อวิตกฺกวิจารมตฺตา ขนฺธา จ วิจาโร จ ปุเรชาตสฺส อิมสฺส กายสฺส วิปฺปยุตฺตปจฺจเยน ปจฺจโยฯ (1)

สวิตกฺกสวิจาโร จ อวิตกฺกวิจารมตฺโต จ ธมฺมา อวิตกฺกอวิจารสฺส ธมฺมสฺส วิปฺปยุตฺตปจฺจเยน ปจฺจโย – สหชาตํ, ปจฺฉาชาตํฯ สหชาตา – สวิตกฺกสวิจารา ขนฺธา จ วิตกฺโก จ จิตฺตสมุฏฺฐานานํ รูปานํ วิปฺปยุตฺตปจฺจเยน ปจฺจโยฯ ปฏิสนฺธิกฺขเณ สวิตกฺกสวิจารา ขนฺธา จ วิตกฺโก จ กฏตฺตารูปานํ วิปฺปยุตฺตปจฺจเยน ปจฺจโยฯ ปจฺฉาชาตา – สวิตกฺกสวิจารา ขนฺธา จ วิตกฺโก จ ปุเรชาตสฺส อิมสฺส กายสฺส วิปฺปยุตฺตปจฺจเยน ปจฺจโยฯ (1)

อตฺถิปจฺจโย

[130] สวิตกฺกสวิจาโร ธมฺโม สวิตกฺกสวิจารสฺส ธมฺมสฺส อตฺถิปจฺจเยน ปจฺจโย – สวิตกฺกสวิจาโร เอโก ขนฺโธ ติณฺณนฺนํ ขนฺธานํ อตฺถิปจฺจเยน ปจฺจโย…เป.… ทฺเว ขนฺธา ทฺวินฺนํ ขนฺธานํ…เป.… ปฏิสนฺธิกฺขเณ…เป.…ฯ (1)

สวิตกฺกสวิจาโร ธมฺโม อวิตกฺกวิจารมตฺตสฺส ธมฺมสฺส อตฺถิปจฺจเยน ปจฺจโย – สวิตกฺกสวิจารา ขนฺธา วิตกฺกสฺส อตฺถิปจฺจเยน ปจฺจโยฯ ปฏิสนฺธิกฺขเณ…เป.…ฯ (2)

สวิตกฺกสวิจาโร ธมฺโม อวิตกฺกอวิจารสฺส ธมฺมสฺส อตฺถิปจฺจเยน ปจฺจโย – สหชาตํ , ปจฺฉาชาตํฯ สหชาตา – สวิตกฺกสวิจารา ขนฺธา จิตฺตสมุฏฺฐานานํ รูปานํ อตฺถิปจฺจเยน ปจฺจโยฯ ปฏิสนฺธิกฺขเณ สวิตกฺกสวิจารา ขนฺธา กฏตฺตารูปานํ อตฺถิปจฺจเยน ปจฺจโยฯ ปจฺฉาชาตา – สวิตกฺกสวิจารา ขนฺธา ปุเรชาตสฺส อิมสฺส กายสฺส อตฺถิปจฺจเยน ปจฺจโยฯ (3)

(สวิตกฺกสวิจารมูลเก อวเสสา ปญฺหา สหชาตปจฺจยสทิสาฯ)

[131] อวิตกฺกวิจารมตฺโต ธมฺโม อวิตกฺกวิจารมตฺตสฺส ธมฺมสฺส อตฺถิปจฺจเยน ปจฺจโย – อวิตกฺกวิจารมตฺโต เอโก ขนฺโธ ติณฺณนฺนํ ขนฺธานํ อตฺถิปจฺจเยน ปจฺจโย…เป.… ทฺเว ขนฺธา ทฺวินฺนํ ขนฺธานํ…เป.… ปฏิสนฺธิกฺขเณ…เป.…ฯ (1)

อวิตกฺกวิจารมตฺโต ธมฺโม สวิตกฺกสวิจารสฺส ธมฺมสฺส อตฺถิปจฺจเยน ปจฺจโย – วิตกฺโก สวิตกฺกสวิจารานํ ขนฺธานํ อตฺถิปจฺจเยน ปจฺจโยฯ ปฏิสนฺธิกฺขเณ…เป.…ฯ (2)

อวิตกฺกวิจารมตฺโต ธมฺโม อวิตกฺกอวิจารสฺส ธมฺมสฺส อตฺถิปจฺจเยน ปจฺจโย – สหชาตํ, ปจฺฉาชาตํฯ สหชาตา – อวิตกฺกวิจารมตฺตา ขนฺธา วิจารสฺส จิตฺตสมุฏฺฐานานญฺจ รูปานํ อตฺถิปจฺจเยน ปจฺจโยฯ วิตกฺโก จิตฺตสมุฏฺฐานานํ รูปานํ อตฺถิปจฺจเยน ปจฺจโยฯ ปฏิสนฺธิกฺขเณ อวิตกฺกวิจารมตฺตา ขนฺธา วิจารสฺส กฏตฺตา จ รูปานํ อตฺถิปจฺจเยน ปจฺจโย; วิตกฺโก กฏตฺตารูปานํ อตฺถิปจฺจเยน ปจฺจโยฯ ปจฺฉาชาตา – อวิตกฺกวิจารมตฺตา ขนฺธา จ วิตกฺโก จ ปุเรชาตสฺส อิมสฺส กายสฺส อตฺถิปจฺจเยน ปจฺจโยฯ (3)

(อวิตกฺกวิจารมตฺตมูลกา ปญฺจ ปญฺหาฯ อวเสสา สหชาตปจฺจยสทิสาฯ)

[132] อวิตกฺกอวิจาโร ธมฺโม อวิตกฺกอวิจารสฺส ธมฺมสฺส อตฺถิปจฺจเยน ปจฺจโย – สหชาตํ, ปุเรชาตํ, ปจฺฉาชาตํ, อาหารํ, อินฺทฺริยํฯ สหชาโต – อวิตกฺกอวิจาโร เอโก ขนฺโธ ติณฺณนฺนํ ขนฺธานํ จิตฺตสมุฏฺฐานานญฺจ รูปานํ อตฺถิปจฺจเยน ปจฺจโย…เป.… ทฺเว ขนฺธา ทฺวินฺนํ ขนฺธานํ…เป.… วิจาโร จิตฺตสมุฏฺฐานานํ รูปานํ อตฺถิปจฺจเยน ปจฺจโยฯ ปฏิสนฺธิกฺขเณ อวิตกฺกอวิจาโร เอโก ขนฺโธ ติณฺณนฺนํ ขนฺธานํ กฏตฺตา จ รูปานํ อตฺถิปจฺจเยน ปจฺจโย…เป.… ขนฺธา วตฺถุสฺส อตฺถิปจฺจเยน ปจฺจโย, วตฺถุ ขนฺธานํ อตฺถิปจฺจเยน ปจฺจโย; วิจาโร วตฺถุสฺส อตฺถิปจฺจเยน ปจฺจโย, วตฺถุ วิจารสฺส อตฺถิปจฺจเยน ปจฺจโย; เอกํ มหาภูตํ ติณฺณนฺนํ มหาภูตานํ อตฺถิปจฺจเยน ปจฺจโย…เป.… มหาภูตา จิตฺตสมุฏฺฐานานํ รูปานํ กฏตฺตารูปานํ อุปาทารูปานํ อตฺถิปจฺจเยน ปจฺจโย; พาหิรํ… อาหารสมุฏฺฐานํ… อุตุสมุฏฺฐานํ… อสญฺญสตฺตานํ เอกํ มหาภูตํ ติณฺณนฺนํ มหาภูตานํ…เป.… มหาภูตา กฏตฺตารูปานํ อุปาทารูปานํ อตฺถิปจฺจเยน ปจฺจโยฯ

ปุเรชาตํ – ทิพฺเพน จกฺขุนา รูปํ ปสฺสติ, ทิพฺพาย โสตธาตุยา สทฺทํ สุณาติ, รูปายตนํ จกฺขุวิญฺญาณสฺส…เป.… โผฏฺฐพฺพายตนํ กายวิญฺญาณสฺส อตฺถิปจฺจเยน ปจฺจโย, จกฺขายตนํ จกฺขุวิญฺญาณสฺส…เป.… กายายตนํ กายวิญฺญาณสฺส อตฺถิปจฺจเยน ปจฺจโยฯ วตฺถุ อวิตกฺกอวิจารานํ ขนฺธานํ วิจารสฺส จ อตฺถิปจฺจเยน ปจฺจโยฯ ปจฺฉาชาตา – อวิตกฺกอวิจารา ขนฺธา จ วิจาโร จ ปุเรชาตสฺส อิมสฺส กายสฺส อตฺถิปจฺจเยน ปจฺจโยฯ กพฬีกาโร อาหาโร อิมสฺส กายสฺส อตฺถิปจฺจเยน ปจฺจโยฯ รูปชีวิตินฺทฺริยํ กฏตฺตารูปานํ อตฺถิปจฺจเยน ปจฺจโยฯ (1)

อวิตกฺกอวิจาโร ธมฺโม สวิตกฺกสวิจารสฺส ธมฺมสฺส อตฺถิปจฺจเยน ปจฺจโย – สหชาตํ, ปุเรชาตํฯ สหชาตํ – ปฏิสนฺธิกฺขเณ วตฺถุ สวิตกฺกสวิจารานํ ขนฺธานํ อตฺถิปจฺจเยน ปจฺจโยฯ ปุเรชาตํ – จกฺขุํ อนิจฺจโต ทุกฺขโต อนตฺตโต วิปสฺสติ อสฺสาเทติ อภินนฺทติ, ตํ อารพฺภ ราโค อุปฺปชฺชติ…เป.… โทมนสฺสํ อุปฺปชฺชติฯ โสตํ… ฆานํ… ชิวฺหํ… กายํ… รูเป… สทฺเท… คนฺเธ… รเส… โผฏฺฐพฺเพ… วตฺถุํ อนิจฺจโต ทุกฺขโต อนตฺตโต วิปสฺสติ…เป.… โทมนสฺสํ อุปฺปชฺชติฯ วตฺถุ สวิตกฺกสวิจารานํ ขนฺธานํ อตฺถิปจฺจเยน ปจฺจโยฯ (2)

อวิตกฺกอวิจาโร ธมฺโม อวิตกฺกวิจารมตฺตสฺส ธมฺมสฺส อตฺถิปจฺจเยน ปจฺจโย – สหชาตํ, ปุเรชาตํฯ สหชาโต – วิจาโร อวิตกฺกวิจารมตฺตานํ ขนฺธานํ อตฺถิปจฺจเยน ปจฺจโยฯ ปฏิสนฺธิกฺขเณ วิจาโร อวิตกฺกวิจารมตฺตานํ ขนฺธานํ อตฺถิปจฺจเยน ปจฺจโยฯ ปฏิสนฺธิกฺขเณ วตฺถุ อวิตกฺกวิจารมตฺตานํ ขนฺธานํ วิตกฺกสฺส จ อตฺถิปจฺจเยน ปจฺจโยฯ ปุเรชาตํ – จกฺขุํ อนิจฺจโต ทุกฺขโต อนตฺตโต วิปสฺสติ อสฺสาเทติ อภินนฺทติ, ตํ อารพฺภ วิตกฺโก อุปฺปชฺชติฯ โสตํ… ฆานํ… ชิวฺหํ… กายํ… รูเป… สทฺเท… คนฺเธ… รเส… โผฏฺฐพฺเพ… วตฺถุํ อนิจฺจโต ทุกฺขโต อนตฺตโต วิปสฺสติ อสฺสาเทติ อภินนฺทติ, ตํ อารพฺภ วิตกฺโก อุปฺปชฺชติฯ วตฺถุ อวิตกฺกวิจารมตฺตานํ ขนฺธานํ วิตกฺกสฺส จ อตฺถิปจฺจเยน ปจฺจโยฯ (3)

อวิตกฺกอวิจาโร ธมฺโม อวิตกฺกวิจารมตฺตสฺส จ อวิตกฺกอวิจารสฺส จ ธมฺมสฺส อตฺถิปจฺจเยน ปจฺจโย – สหชาตํ, ปุเรชาตํฯ สหชาโต – วิจาโร อวิตกฺกวิจารมตฺตานํ ขนฺธานํ จิตฺตสมุฏฺฐานานญฺจ รูปานํ อตฺถิปจฺจเยน ปจฺจโยฯ

ปฏิสนฺธิกฺขเณ วิจาโร อวิตกฺกวิจารมตฺตานํ ขนฺธานํ กฏตฺตา จ รูปานํ อตฺถิปจฺจเยน ปจฺจโยฯ ปฏิสนฺธิกฺขเณ วตฺถุ อวิตกฺกวิจารมตฺตานํ ขนฺธานํ วิจารสฺส จ อตฺถิปจฺจเยน ปจฺจโยฯ ปุเรชาตํ – วตฺถุ อวิตกฺกวิจารมตฺตานํ ขนฺธานํ วิจารสฺส จ อตฺถิปจฺจเยน ปจฺจโยฯ (4)

อวิตกฺกอวิจาโร ธมฺโม สวิตกฺกสวิจารสฺส จ อวิตกฺกวิจารมตฺตสฺส จ ธมฺมสฺส อตฺถิปจฺจเยน ปจฺจโย – สหชาตํ, ปุเรชาตํฯ สหชาตํ – ปฏิสนฺธิกฺขเณ วตฺถุ สวิตกฺกสวิจารานํ ขนฺธานํ วิตกฺกสฺส จ อตฺถิปจฺจเยน ปจฺจโยฯ ปุเรชาตํ – จกฺขุํ อนิจฺจโต ทุกฺขโต อนตฺตโต วิปสฺสติ อสฺสาเทติ อภินนฺทติ, ตํ อารพฺภ สวิตกฺกสวิจารา ขนฺธา จ วิตกฺโก จ อุปฺปชฺชนฺติฯ โสตํ… ฆานํ… ชิวฺหํ… กายํ…เป.… วตฺถุํ อนิจฺจโต ทุกฺขโต อนตฺตโต วิปสฺสติ อสฺสาเทติ อภินนฺทติ, ตํ อารพฺภ สวิตกฺกสวิจารา ขนฺธา จ วิตกฺโก จ อุปฺปชฺชนฺติฯ วตฺถุ สวิตกฺกสวิจารานํ ขนฺธานํ วิตกฺกสฺส จ อตฺถิปจฺจเยน ปจฺจโยฯ (5)

[133] สวิตกฺกสวิจาโร จ อวิตกฺกอวิจาโร จ ธมฺมา สวิตกฺกสวิจารสฺส ธมฺมสฺส อตฺถิปจฺจเยน ปจฺจโย – สหชาตํ, ปุเรชาตํฯ สหชาโต – สวิตกฺกสวิจาโร เอโก ขนฺโธ จ วตฺถุ จ ติณฺณนฺนํ ขนฺธานํ อตฺถิปจฺจเยน ปจฺจโย…เป.… ทฺเว ขนฺธา จ วตฺถุ จ ทฺวินฺนํ ขนฺธานํ อตฺถิปจฺจเยน ปจฺจโยฯ ปฏิสนฺธิกฺขเณ สวิตกฺกสวิจาโร เอโก ขนฺโธ จ วตฺถุ จ ติณฺณนฺนํ ขนฺธานํ อตฺถิปจฺจเยน ปจฺจโย…เป.… ทฺเว ขนฺธา จ วตฺถุ จ ทฺวินฺนํ ขนฺธานํ อตฺถิปจฺจเยน ปจฺจโยฯ (1)

สวิตกฺกสวิจาโร จ อวิตกฺกอวิจาโร จ ธมฺมา อวิตกฺกวิจารมตฺตสฺส ธมฺมสฺส อตฺถิปจฺจเยน ปจฺจโย – สหชาตํ, ปุเรชาตํฯ สหชาตา – สวิตกฺกสวิจารา ขนฺธา จ วตฺถุ จ วิตกฺกสฺส อตฺถิปจฺจเยน ปจฺจโยฯ ปฏิสนฺธิกฺขเณ สวิตกฺกสวิจารา ขนฺธา จ วตฺถุ จ วิตกฺกสฺส อตฺถิปจฺจเยน ปจฺจโยฯ (2)

สวิตกฺกสวิจาโร จ อวิตกฺกอวิจาโร จ ธมฺมา อวิตกฺกอวิจารสฺส ธมฺมสฺส อตฺถิปจฺจเยน ปจฺจโย – สหชาตํ, ปจฺฉาชาตํ, อาหารํ, อินฺทฺริยํฯ สหชาตา – สวิตกฺกสวิจารา ขนฺธา จ มหาภูตา จ จิตฺตสมุฏฺฐานานํ รูปานํ อตฺถิปจฺจเยน ปจฺจโยฯ ปฏิสนฺธิกฺขเณ สวิตกฺกสวิจารา ขนฺธา จ มหาภูตา จ กฏตฺตารูปานํ อตฺถิปจฺจเยน ปจฺจโยฯ

ปจฺฉาชาตา – สวิตกฺกสวิจารา ขนฺธา จ กพฬีกาโร อาหาโร จ ปุเรชาตสฺส อิมสฺส กายสฺส อตฺถิปจฺจเยน ปจฺจโยฯ ปจฺฉาชาตา – สวิตกฺกสวิจารา ขนฺธา จ รูปชีวิตินฺทฺริยญฺจ กฏตฺตารูปานํ อตฺถิปจฺจเยน ปจฺจโยฯ (3)

สวิตกฺกสวิจาโร จ อวิตกฺกอวิจาโร จ ธมฺมา สวิตกฺกสวิจารสฺส จ อวิตกฺกวิจารมตฺตสฺส จ ธมฺมสฺส อตฺถิปจฺจเยน ปจฺจโย – สหชาตํ, ปุเรชาตํฯ สหชาโต – สวิตกฺกสวิจาโร เอโก ขนฺโธ จ วตฺถุ จ ติณฺณนฺนํ ขนฺธานํ วิตกฺกสฺส จ อตฺถิปจฺจเยน ปจฺจโย…เป.… ทฺเว ขนฺธา จ วตฺถุ จ ทฺวินฺนํ ขนฺธานํ วิตกฺกสฺส จ อตฺถิปจฺจเยน ปจฺจโยฯ ปฏิสนฺธิกฺขเณ…เป.…ฯ (4)

[134] อวิตกฺกวิจารมตฺโต จ อวิตกฺกอวิจาโร จ ธมฺมา สวิตกฺกสวิจารสฺส ธมฺมสฺส อตฺถิปจฺจเยน ปจฺจโย – สหชาตํ, ปุเรชาตํฯ สหชาโต – วิตกฺโก จ วตฺถุ จ สวิตกฺกสวิจารานํ ขนฺธานํ อตฺถิปจฺจเยน ปจฺจโยฯ ปฏิสนฺธิกฺขเณ วิตกฺโก จ วตฺถุ จ สวิตกฺกสวิจารานํ ขนฺธานํ อตฺถิปจฺจเยน ปจฺจโยฯ (1)

อวิตกฺกวิจารมตฺโต จ อวิตกฺกอวิจาโร จ ธมฺมา อวิตกฺกวิจารมตฺตสฺส ธมฺมสฺส อตฺถิปจฺจเยน ปจฺจโย – สหชาตํ, ปุเรชาตํฯ สหชาโต – อวิตกฺกวิจารมตฺโต เอโก ขนฺโธ จ วิจาโร จ ติณฺณนฺนํ ขนฺธานํ อตฺถิปจฺจเยน ปจฺจโย…เป.… ทฺเว ขนฺธา จ วิจาโร จ ทฺวินฺนํ ขนฺธานํ… อวิตกฺกวิจารมตฺโต เอโก ขนฺโธ จ วตฺถุ จ ติณฺณนฺนํ ขนฺธานํ อตฺถิปจฺจเยน ปจฺจโย…เป.… ทฺเว ขนฺธา จ วตฺถุ จ ทฺวินฺนํ ขนฺธานํ อตฺถิปจฺจเยน ปจฺจโยฯ ปฏิสนฺธิกฺขเณ อวิตกฺกวิจารมตฺโต เอโก ขนฺโธ จ วิจาโร จ ติณฺณนฺนํ ขนฺธานํ อตฺถิปจฺจเยน ปจฺจโย…เป.… ทฺเว ขนฺธา จ วิจาโร จ ทฺวินฺนํ ขนฺธานํ…เป.… ปฏิสนฺธิกฺขเณ อวิตกฺกวิจารมตฺโต เอโก ขนฺโธ จ วตฺถุ จ ติณฺณนฺนํ ขนฺธานํ…เป.… ทฺเว ขนฺธา จ วตฺถุ จ ทฺวินฺนํ ขนฺธานํ อตฺถิปจฺจเยน ปจฺจโยฯ (2)

อวิตกฺกวิจารมตฺโต จ อวิตกฺกอวิจาโร จ ธมฺมา อวิตกฺกอวิจารสฺส ธมฺมสฺส อตฺถิปจฺจเยน ปจฺจโย – สหชาตํ, ปุเรชาตํ, ปจฺฉาชาตํ, อาหารํ, อินฺทฺริยํฯ สหชาตา – อวิตกฺกวิจารมตฺตา ขนฺธา จ วิจาโร จ จิตฺตสมุฏฺฐานานํ รูปานํ อตฺถิปจฺจเยน ปจฺจโยฯ

สหชาตา – อวิตกฺกวิจารมตฺตา ขนฺธา จ มหาภูตา จ จิตฺตสมุฏฺฐานานํ รูปานํ อตฺถิปจฺจเยน ปจฺจโยฯ สหชาโต – วิตกฺโก จ มหาภูตา จ จิตฺตสมุฏฺฐานานํ รูปานํ อตฺถิปจฺจเยน ปจฺจโยฯ สหชาตา – อวิตกฺกวิจารมตฺตา ขนฺธา จ วตฺถุ จ วิจารสฺส อตฺถิปจฺจเยน ปจฺจโยฯ ปฏิสนฺธิกฺขเณ อวิตกฺกวิจารมตฺตา ขนฺธา จ วิจาโร จ กฏตฺตารูปานํ อตฺถิปจฺจเยน ปจฺจโยฯ ปฏิสนฺธิกฺขเณ อวิตกฺกวิจารมตฺตา ขนฺธา จ มหาภูตา จ กฏตฺตารูปานํ อตฺถิปจฺจเยน ปจฺจโยฯ ปฏิสนฺธิกฺขเณ วิตกฺโก จ มหาภูตา จ กฏตฺตารูปานํ อตฺถิปจฺจเยน ปจฺจโยฯ ปฏิสนฺธิกฺขเณ อวิตกฺกวิจารมตฺตา ขนฺธา จ วตฺถุ จ วิจารสฺส อตฺถิปจฺจเยน ปจฺจโยฯ ปจฺฉาชาตา – อวิตกฺกวิจารมตฺตา ขนฺธา จ วิจาโร จ ปุเรชาตสฺส อิมสฺส กายสฺส อตฺถิปจฺจเยน ปจฺจโยฯ ปจฺฉาชาตา – อวิตกฺกวิจารมตฺตา ขนฺธา จ วิตกฺโก จ กพฬีกาโร อาหาโร จ ปุเรชาตสฺส อิมสฺส กายสฺส อตฺถิปจฺจเยน ปจฺจโยฯ ปจฺฉาชาตา – อวิตกฺกวิจารมตฺตา ขนฺธา จ วิตกฺโก จ รูปชีวิตินฺทฺริยญฺจ กฏตฺตารูปานํ อตฺถิปจฺจเยน ปจฺจโยฯ (3)

อวิตกฺกวิจารมตฺโต จ อวิตกฺกอวิจาโร จ ธมฺมา อวิตกฺกวิจารมตฺตสฺส จ อวิตกฺกอวิจารสฺส จ ธมฺมสฺส อตฺถิปจฺจเยน ปจฺจโย – สหชาตํ, ปุเรชาตํฯ สหชาโต – อวิตกฺกวิจารมตฺโต เอโก ขนฺโธ จ วิจาโร จ ติณฺณนฺนํ ขนฺธานํ จิตฺตสมุฏฺฐานานญฺจ รูปานํ อตฺถิปจฺจเยน ปจฺจโย…เป.… ทฺเว ขนฺธา จ วิจาโร จ…เป.… อวิตกฺกวิจารมตฺโต เอโก ขนฺโธ จ วตฺถุ จ ติณฺณนฺนํ ขนฺธานํ วิจารสฺส จ อตฺถิปจฺจเยน ปจฺจโย…เป.… ทฺเว ขนฺธา จ วตฺถุ จ…เป.… ปฏิสนฺธิกฺขเณ…เป.…ฯ (4)

[135] สวิตกฺกสวิจาโร จ อวิตกฺกวิจารมตฺโต จ ธมฺมา สวิตกฺกสวิจารสฺส ธมฺมสฺส อตฺถิปจฺจเยน ปจฺจโย – สวิตกฺกสวิจาโร เอโก ขนฺโธ จ วิตกฺโก จ ติณฺณนฺนํ ขนฺธานํ อตฺถิปจฺจเยน ปจฺจโย…เป.… ทฺเว ขนฺธา จ วิตกฺโก จ…เป.… ปฏิสนฺธิกฺขเณ…เป.…ฯ (1)

สวิตกฺกสวิจาโร จ อวิตกฺกวิจารมตฺโต จ ธมฺมา อวิตกฺกอวิจารสฺส ธมฺมสฺส อตฺถิปจฺจเยน ปจฺจโย – สหชาตํ, ปจฺฉาชาตํฯ สหชาตา – สวิตกฺกสวิจารา ขนฺธา จ วิตกฺโก จ จิตฺตสมุฏฺฐานานํ รูปานํ อตฺถิปจฺจเยน ปจฺจโยฯ

ปฏิสนฺธิกฺขเณ สวิตกฺกสวิจารา ขนฺธา จ วิตกฺโก จ กฏตฺตารูปานํ อตฺถิปจฺจเยน ปจฺจโยฯ ปจฺฉาชาตา – สวิตกฺกสวิจารา ขนฺธา จ วิตกฺโก จ ปุเรชาตสฺส อิมสฺส กายสฺส อตฺถิปจฺจเยน ปจฺจโยฯ (2)

สวิตกฺกสวิจาโร จ อวิตกฺกวิจารมตฺโต จ ธมฺมา สวิตกฺกสวิจารสฺส จ อวิตกฺกอวิจารสฺส จ ธมฺมสฺส อตฺถิปจฺจเยน ปจฺจโย – สวิตกฺกสวิจาโร เอโก ขนฺโธ จ วิตกฺโก จ ติณฺณนฺนํ ขนฺธานํ จิตฺตสมุฏฺฐานานญฺจ รูปานํ อตฺถิปจฺจเยน ปจฺจโย…เป.… ทฺเว ขนฺธา จ วิตกฺโก จ ทฺวินฺนํ ขนฺธานํ…เป.… ปฏิสนฺธิกฺขเณ…เป.…ฯ (3)

[136] สวิตกฺกสวิจาโร จ อวิตกฺกวิจารมตฺโต จ อวิตกฺกอวิจาโร จ ธมฺมา สวิตกฺกสวิจารสฺส ธมฺมสฺส อตฺถิปจฺจเยน ปจฺจโย – สหชาตํ, ปุเรชาตํฯ สหชาโต – สวิตกฺกสวิจาโร เอโก ขนฺโธ จ วิตกฺโก จ วตฺถุ จ ติณฺณนฺนํ ขนฺธานํ อตฺถิปจฺจเยน ปจฺจโย…เป.… ปฏิสนฺธิกฺขเณ…เป.…ฯ (1)

สวิตกฺกสวิจาโร จ อวิตกฺกวิจารมตฺโต จ อวิตกฺกอวิจาโร จ ธมฺมา อวิตกฺกอวิจารสฺส ธมฺมสฺส อตฺถิปจฺจเยน ปจฺจโย – สหชาตํ, ปจฺฉาชาตํ, อาหารํ, อินฺทฺริยํฯ สหชาตา – สวิตกฺกสวิจารา ขนฺธา จ วิตกฺโก จ มหาภูตา จ จิตฺตสมุฏฺฐานานํ รูปานํ อตฺถิปจฺจเยน ปจฺจโยฯ ปฏิสนฺธิกฺขเณ…เป.…ฯ ปจฺฉาชาตา – สวิตกฺกสวิจารา ขนฺธา จ วิตกฺโก จ กพฬีกาโร อาหาโร จ ปุเรชาตสฺส อิมสฺส กายสฺส อตฺถิปจฺจเยน ปจฺจโยฯ ปจฺฉาชาตา – สวิตกฺกสวิจารา ขนฺธา จ วิตกฺโก จ รูปชีวิตินฺทฺริยญฺจ กฏตฺตารูปานํ อตฺถิปจฺจเยน ปจฺจโยฯ (2)

นตฺถิวิคตาวิคตปจฺจยา

[137] สวิตกฺกสวิจาโร ธมฺโม สวิตกฺกสวิจารสฺส ธมฺมสฺส นตฺถิปจฺจเยน ปจฺจโย… วิคตปจฺจเยน ปจฺจโยฯ

(นตฺถิปจฺจยญฺจ วิคตปจฺจยญฺจ อนนฺตรสทิสํ, อวิคตํ อตฺถิสทิสํฯ)

1. ปจฺจยานุโลมํ

2. สงฺขฺยาวาโร